કચ્છ-સૌરાષ્ટ્ર

દ્વારકામાં ભગવાન શ્રીકૃષ્ણની ભક્તિનો એક અનોખો નજારો જોવા મળ્યો, જેણે બધાનું મન મોહી લીધું છે. પ્રસિદ્ધ તીર્થસ્થળ દ્વારકા (Dwarka)માં 37,000 કરતા વધુ આહીર સમાજની મહિલા (Ahir Womens)ઓએ મળીને મહારાસ (Maha Raas)નું આયોજ કર્યું હતું. અત્યાર સુધી આટલા મોટા મહારાસનું આયોજન થયું નથી. આ મહારાસ પોતાના આકાર સાથે સાથે ભક્તિ અને સમર્પણ ભાવ માટે પણ ચર્ચામાં છે. આ ભવ્ય આયોજનનો વીડિયો સોશિયલ મીડિયા પર વાયરલ થઈ રહ્યો છે. વીડિયોને દ્રોન કેમેરામાં શૂટ કરવામાં આવ્યો છે.

દ્વારકામાં આહીર સમાજનો મહારાસ..જેમાં 37 હજારથી વધુ આહિરાણીઓ રાસ રમી ઈતિહાસ રચ્યો છે. pic.twitter.com/YP13RVQ5wf

— Harsh Sanghavi (@sanghaviharsh) December 24, 2023

રાજકોટ આરોગ્ય વિભાગ દ્વારા લેવામાં આવેલા નમૂનાઓ ફેઇલ થયા છે. બે જેટલા વેપારીઓએ હજારો લોકોના ઉપવાસ તોડ્યા છે. ફરાળી લોટમાં ઘઉં અને મકાઈનાં લોટનું મિશ્રણ કરવામાં આવતું હતું. મોહિત ખીમજી પરમાર પાસેથી લેવામાં આવેલા ફરાળી લોટનાં નમુના ફેઇલ થયા છે. ચેતનભાઇ નવીનચંદ્ર પારેખ ફરાળી પેટીસ બનાવતો હતો જેમાં મકાઈનાં લોટની હાજરી મળી છે. મહાનગરપાલિકા દ્વારા લોકોના સ્વાસ્થ્ય સાથે ચેડા ન થાય તે માટે અવારનવાર ખાદ્ય ચીજ વસ્તુઓના નમૂના લેવામાં આવે છે. ત્યારે મહાનગરપાલિકાના ફુડ વિભાગ દ્વારા શ્રાવણ માસમાં લેવામાં આવેલા ફરાળી લોટના નમુના પરીક્ષણમાં સબ-સ્ટાન્ડર્ડ જાહેર કરવામા આવ્યા છે.

મંદિર પવિત્ર સ્થળ છે, ત્યાં મર્યાદા રાખવી ખૂબ જ જરૂરી બની જાય છે. આજના સમયમાં મંદિરોમાં પણ મર્યાદા ન જળવાતી હોય તેમ જોવા મળતું હોય છે. ત્યારે હવે રાજકોટમાં વિભિન્ન મંદિરોમાં કપડાંઓ મામલે મર્યાદામાં રહેવાના પોસ્ટરો લગાવવામાં આવ્યા છે. કેટલાક યુવાનો કપડાની ફેશનમાં માન મર્યાદા ભૂલવા લાગ્યા છે, ત્યારે હવે એવી નોબત આવી ગઇ છે કે, રાજકોટના મંદિરોમાં પણ સૂચના સાથેના પોસ્ટરો લગાવવાની નોબત આવી ગઇ છે. ફરી એક વખત ગુજરાતમાં મંદિરોમાં ટૂંકા વસ્ત્રોનો મુદ્દો ઉઠ્યો છે. રાજકોટના 100 મંદિરોમાં સનાતન ધર્મ રક્ષક સમિતિના આગેવાનોએ પોસ્ટર લગાવ્યા છે. કે મંદિરની ગરિમા જળવાઇ રહે તે માટે ટૂંકા, ફાટેલા કપડાં પહેરી પ્રવેશ કરવો નહીં.

ગિરનારની લીલી પરિક્રમાની શરૂઆત કારતક સુદ અગિયારસથી થઇ ગઇ છે. પરિક્રમાના રૂટ પર લોક મેહરામણ  ઉમટી પડ્યું છે, પરંતુ આ દરમિયાન એક દુઃખદ સમાચાર સામે આવ્યા છે. લીલી પરિક્રમાના રૂટ પર એક દીપડાએ 11 વર્ષીય છોકરી પર હુમલો કરી દીધો હતો. ત્યારબાદ 11 વર્ષીય છોકરીનું મોત થઇ ગયું છે. આ સમાચાર જંગલમાં આગની જેમ ફેલાતા આખી પરિક્રમાના રૂટ પર ભયનો માહોલ સર્જાયો છે. આ સાથે મૃતક છોકરીના પરિવારજનોની રડીરડીને હાલત ખરાબ થઇ ગઇ છે.

છેલ્લા કેટલાક સમયથી હાર્ટએટેકના કારણે ઓછી ઉંમરના લોકોના મોત થઈ છે. રાજ્યમાં રોજ સરેરાશ 1-3 હાર્ટ અટેકની ઘટના બની રહી છે. તો આ દરમિયાન સૌરાષ્ટ્ર યુનિવર્સિટી દ્વારા એક મહત્ત્વપૂર્ણ નિર્ણય લેવામાં આવ્યો છે. કોમ્પ્લેક્સમાં રમતગમતની પ્રેક્ટિસ માટે આવનાર લોકોને જો હૃદયને લાગતી અથવા અન્ય કોઈ બીમારી હોય તો તેવા લોકોએ રમતગમતની ટ્રેનિંગ લેવી નહીં. તેમજ ફિટનેસ માટેનું ડૉક્ટરી સર્ટિફિકેટ સંબંધિત રમતના કોચને રજૂ કરવા કે સંબંધિત વ્યક્તિની જવાબદારી રહેશે તે પ્રકારના પોસ્ટર લગાવવામાં આવ્યા છે.

Kuchch earthquake: ગુજરાતનું કચ્છ ફોલ્ટ લાઈન ઉપર આવેલું હોવાને કારણે અહીં વારંવાર ભૂકંપના ઝાટકા આવતા રહે છે. 2001 ના ભૂકંપની તારાજીને હાજી લોકો ભૂલ્યા નથી. ગઈકાલે રાત્રે ફરી એક વખત કચ્છની ધરા ધણધણી ઉઠી હતી. કચ્છમા મોડી રાત્રે ભૂકંપનો આંચકો અનુભવાયો છે. આ આંચકો મધ્ય રાત્રિ બાદ 1.09 વાગ્યે નોંધાયો હતો. આ આ ઝાટકાની તીવ્રતા રિક્ટર  સ્કેલ પર 4.2 જેટલી નોંધાઈ હતી.

ગુજરાત ડેસ્ક : ગુજરાત વિધાનસભાની ચૂંટણીના પડઘમ વાગી ગયા છે અને દરેક રાજકીય પક્ષોએ હવે ચૂંટણીની તૈયારીઓ શરૂ કરી દીધી છે. ગુજરાત વિધાનસભાની ચૂંટણી જેમ જેમ નજીક આવી રહી છે તેમ તેમ દિગ્ગજ નેતાઓની સક્રિયતા પણ વધી છે. તેવામાં વિધાનસભાની ચૂંટણીને લઈને મહત્વના સમાચાર સામે આવી રહ્યા છે. ભારતીય જનતા પાર્ટી ગુજરાતના પ્રદેશ અધ્યક્ષ સી.આર.પાટીલે અલ્પેશ ઠાકોર ચૂંટણી લડશે તેવા સંકેત આપ્યા છે.

ગુજરાત ડેસ્ક : સુરતમાં ગુનાખોરીનો ગ્રાફ દિવસેને દિવસે વધી રહ્યો છે તેમાં પણ હત્યા જેવી ગંભીર ઘટનાઓ સતત સામે આવી રહી છે, ત્યારે ગતરોજ રાત્રે જુના ઝઘડાની અદાવતમાં કેટલાક મિત્રો બેઠા હતા. ત્યારે જુના ઝઘડાની અદાવત રાખી કેટલાક ઇસમો ઘાતક હથિયારો સાથે આવ્યા હતા. જોકે બેઠેલા તમામ લોકો ભાગી ચૂક્યા હતા પણ રોહિત નામનો એક યુવકની બાઈક સ્લીપ થઈ જતા તે હાથમાં આવી જતાં દસ લોકોએ ભેગા થઈ તીક્ષ્ણ હથિયારો વડે હુમલો કરતા તેમને ગંભીર ઈજા પહોંચી હતી અને તેનું મોત થયું હતું.

ગુજરાત ડેસ્ક : રાજ્ય સરકાર દ્વારા લઘુતમ ટેકાના ભાવે ખરીફ માર્કેટીંગ સિઝન ૨૦૨૨-૨૩ અતર્ગત ડાંગર, મકાઈ અને બાજરીની ખરીદી આગામી તા. ૧૭/૧૦/૨૦૨૨ થી તા. ૩૧/૧૨/૨૦૨૨ દરમ્યાન ડાંગર માટે ૯૮, મકાઈ માટે ૬૭ અને બાજરી માટે ૮૯ જેટલા ગુજરાત રાજ્ય નાગરિક પુરવઠા નિગમ લિ.ના ખરીદકેન્દ્રો ખાતે કરવામાં આવશે. ભારત સરકાર દ્વારા લઘુત્તમ ટેકાના ભાવ ડાંગર (કોમન) માટે રૂ.૨૦૪૦/- પ્રતિ ક્વિન્ટલ, ડાંગર (ગ્રેડ-એ) માટે રૂ.૨૦૬૦/- પ્રતિ ક્વિન્ટલ, મકાઈ માટે રૂ.૧૯૬૨/- પ્રતિ ક્વિન્ટલ અને બાજરી માટે રૂ.૨૩૫૦/- પ્રતિ ક્વિન્ટલ નિયત કરાઈ છે. લઘુતમ ટેકાના ભાવે વેચાણ કરવા ઈચ્છુક ખેડૂતોની ઓનલાઈન નોંધણી સમગ્ર રાજ્યમાં સ્થાનિક કે ગ્રામ્ય કક્ષાએ VCE દ્વારા તા.૦૧ ઓક્ટો.થી તા.૩૧ ઓક્ટો. સુધી ચાલુ રહેશે. નોંધણી માટે આધારકાર્ડની નકલ, અદ્યતન ગામ નમુનો, ૭-૧૨, ૮-અ ની નકલ, નમુના ૧૨માં પાક વાવણી અંગે એન્ટ્રી ના થઈ હોય તો પાક વાવ્યા અંગેનો તલાટીના સહી સિક્કા સાથેનો દાખલો, ખેડુતના બેન્ક એકાઉન્ટની ખાતાની પાસબુકની નકલ અથવા કેન્સલ ચેકની નકલ (IFSC કોડ સહિતનો) સાથે લાવવાના રહેશે. 

ગુજરાત ડેસ્ક : એક તરફ ચૂંટણી નજીક આવી રહી છે ત્યારે આંદોલનો સરકારની ટેન્શનમાં વધારો કરી રહ્યા છે. જૂની ચળવળો ચાલુ રહેતી હોવાથી અને નવા સંગઠનો તેમની સાથે જોડાઈને તેમની માગણીઓ જોરદાર રીતે રજૂ કરતા હોવાથી હવે રાતના તેર વાગ્યાની સ્થિતિ ઊભી થઈ છે. કર્મચારીઓ સામૂહિક સીએલ પર ઉતરીને સરકાર પર દબાણ વધારી રહ્યા છે, ત્યારે ગામડેથી ગાંધીનગર પહોંચેલા લોકો પણ વિરોધમાં જોડાયા છે અને પાટનગર પોલીસ છાવણીમાં ફેરવાઈ ગયું છે. ગામડાના કોમ્પ્યુટર ઓપરેટરો પણ આંદોલનમાં જોડાયા છે જેના કારણે સ્થિતિ વધુ વિકટ બની રહી છે. આ સંદર્ભે સરકારે રવિવાર અને સાંજની ઓપીડીના કલાકો પણ લંબાવતા કર્મચારીઓ વિરોધના મૂડમાં આવી ગયા છે.