ઉત્તર ગુજરાત

ચાણસ્મા તાલુકાના રાણાસન ગામનો 23 વર્ષીય મીત પટેલ લંડનમાં ભણવા ગયો હતો. અચાનક તેના પેરેન્ટ્સને ઓડિયો મેસેજથી ખબર પડે છે કે તેમના દીકરાએ આત્મહત્યા કરી લીધી છે. તેમના પગ નીચેથી જમીન સરકી ગઈ. પોતાના દીકરા બાબતે આ સમાચાર સાંભળીને માતા-પિતાનું કાળજું કંપી ગયું. દીકરાએ આત્મહત્યા જેવુ પગલું ઉઠાવવા અગાઉ માતા-પિતાને ઓડિયો મોકલીને પોતાની આપવીતી પણ સંભળાવી હતી. મીત માટેલે પોતાના અંતિમ સંદેશ તરીકે મોકલેલા આ ઓડિયોમાં પોતાના માતા-પિતા પાસે માફી માગી છે અને ત્યારબાદ આત્મહત્યા કરી લીધી.

બનાસકાંઠા: આપણા સમાજમાં આજકાલ પારિવારિક સંબંધો કઈ દિશામાં જઈ રહ્યા છે, એના પર પ્રકાશ ફેંકતો કિસ્સો બનાસકાંઠાથી સામે આવ્યો છે. એક તરફ આપણે દિવસે દિવસે આધુનિક વિચારધારા અપનાવી રહ્યા છીએ, જ્યારે બીજી તરફ ગુજરાત જેવા પ્રગતિશીલ ગણાતા રાજ્યમાં મા-બાપે દીકરીને સાંકળેથી બાંધી રાખી હોવાની ઘટના બહાર આવી છે.

ગુજરાત ડેસ્ક : ગુજરાતમાં તારીખ 1 અને 5 ડિસેમ્બરના રોજ 15મી વિધાનસભાની ચૂંટણીનું મતદાન યોજાઈ ગયું છે. જેનું પરિણામ 8 ડિસેમ્બરના રોજ આવશે. ત્યારે આ ચૂંટણીમાં વિધાનસભાની 182 બેઠકો માટે કુલ 1621 ઉમેદવારો મેદાનમાં હતા. જેમાં પહેલા તબક્કાની 89 બેઠકો માટે 788 ઉમેદવારો અને બીજા તબક્કાની 93 બેઠકો માટે 833 ઉમેદવારો વચ્ચે જંગ ખેલાયો હતો. જે બાદ એક્ઝિટ પોલ સામે આવ્યો છે, જેમાં ભાજપનો ભવ્ય વિજય બતાવવામાં આવી રહ્યો છે. એક્ઝિટ પોલના આંકડાઓએ ભાજપના ઉમેદવારોને હૈયે ધરપત આપી છે.

ગુજરાત ડેસ્ક : ગુજરાત વિધાનસભાની ચૂંટણીના પડઘમ વાગી ગયા છે અને દરેક રાજકીય પક્ષોએ હવે ચૂંટણીની તૈયારીઓ શરૂ કરી દીધી છે. ગુજરાત વિધાનસભાની ચૂંટણી જેમ જેમ નજીક આવી રહી છે તેમ તેમ દિગ્ગજ નેતાઓની સક્રિયતા પણ વધી છે. તેવામાં વિધાનસભાની ચૂંટણીને લઈને મહત્વના સમાચાર સામે આવી રહ્યા છે. ભારતીય જનતા પાર્ટી ગુજરાતના પ્રદેશ અધ્યક્ષ સી.આર.પાટીલે અલ્પેશ ઠાકોર ચૂંટણી લડશે તેવા સંકેત આપ્યા છે.

ગુજરાત ડેસ્ક : સુરતમાં ગુનાખોરીનો ગ્રાફ દિવસેને દિવસે વધી રહ્યો છે તેમાં પણ હત્યા જેવી ગંભીર ઘટનાઓ સતત સામે આવી રહી છે, ત્યારે ગતરોજ રાત્રે જુના ઝઘડાની અદાવતમાં કેટલાક મિત્રો બેઠા હતા. ત્યારે જુના ઝઘડાની અદાવત રાખી કેટલાક ઇસમો ઘાતક હથિયારો સાથે આવ્યા હતા. જોકે બેઠેલા તમામ લોકો ભાગી ચૂક્યા હતા પણ રોહિત નામનો એક યુવકની બાઈક સ્લીપ થઈ જતા તે હાથમાં આવી જતાં દસ લોકોએ ભેગા થઈ તીક્ષ્ણ હથિયારો વડે હુમલો કરતા તેમને ગંભીર ઈજા પહોંચી હતી અને તેનું મોત થયું હતું.

ગુજરાત ડેસ્ક : રાજ્ય સરકાર દ્વારા લઘુતમ ટેકાના ભાવે ખરીફ માર્કેટીંગ સિઝન ૨૦૨૨-૨૩ અતર્ગત ડાંગર, મકાઈ અને બાજરીની ખરીદી આગામી તા. ૧૭/૧૦/૨૦૨૨ થી તા. ૩૧/૧૨/૨૦૨૨ દરમ્યાન ડાંગર માટે ૯૮, મકાઈ માટે ૬૭ અને બાજરી માટે ૮૯ જેટલા ગુજરાત રાજ્ય નાગરિક પુરવઠા નિગમ લિ.ના ખરીદકેન્દ્રો ખાતે કરવામાં આવશે. ભારત સરકાર દ્વારા લઘુત્તમ ટેકાના ભાવ ડાંગર (કોમન) માટે રૂ.૨૦૪૦/- પ્રતિ ક્વિન્ટલ, ડાંગર (ગ્રેડ-એ) માટે રૂ.૨૦૬૦/- પ્રતિ ક્વિન્ટલ, મકાઈ માટે રૂ.૧૯૬૨/- પ્રતિ ક્વિન્ટલ અને બાજરી માટે રૂ.૨૩૫૦/- પ્રતિ ક્વિન્ટલ નિયત કરાઈ છે. લઘુતમ ટેકાના ભાવે વેચાણ કરવા ઈચ્છુક ખેડૂતોની ઓનલાઈન નોંધણી સમગ્ર રાજ્યમાં સ્થાનિક કે ગ્રામ્ય કક્ષાએ VCE દ્વારા તા.૦૧ ઓક્ટો.થી તા.૩૧ ઓક્ટો. સુધી ચાલુ રહેશે. નોંધણી માટે આધારકાર્ડની નકલ, અદ્યતન ગામ નમુનો, ૭-૧૨, ૮-અ ની નકલ, નમુના ૧૨માં પાક વાવણી અંગે એન્ટ્રી ના થઈ હોય તો પાક વાવ્યા અંગેનો તલાટીના સહી સિક્કા સાથેનો દાખલો, ખેડુતના બેન્ક એકાઉન્ટની ખાતાની પાસબુકની નકલ અથવા કેન્સલ ચેકની નકલ (IFSC કોડ સહિતનો) સાથે લાવવાના રહેશે. 

ગુજરાત ડેસ્ક : એક તરફ ચૂંટણી નજીક આવી રહી છે ત્યારે આંદોલનો સરકારની ટેન્શનમાં વધારો કરી રહ્યા છે. જૂની ચળવળો ચાલુ રહેતી હોવાથી અને નવા સંગઠનો તેમની સાથે જોડાઈને તેમની માગણીઓ જોરદાર રીતે રજૂ કરતા હોવાથી હવે રાતના તેર વાગ્યાની સ્થિતિ ઊભી થઈ છે. કર્મચારીઓ સામૂહિક સીએલ પર ઉતરીને સરકાર પર દબાણ વધારી રહ્યા છે, ત્યારે ગામડેથી ગાંધીનગર પહોંચેલા લોકો પણ વિરોધમાં જોડાયા છે અને પાટનગર પોલીસ છાવણીમાં ફેરવાઈ ગયું છે. ગામડાના કોમ્પ્યુટર ઓપરેટરો પણ આંદોલનમાં જોડાયા છે જેના કારણે સ્થિતિ વધુ વિકટ બની રહી છે. આ સંદર્ભે સરકારે રવિવાર અને સાંજની ઓપીડીના કલાકો પણ લંબાવતા કર્મચારીઓ વિરોધના મૂડમાં આવી ગયા છે.

ગુજરાત ડેસ્ક : ગુજરાતની જીવાદોરી સમાન નર્મદા ડેમ ફરી એકવાર ભરાઈ ગયો છે. તેનાથી ગુજરાતના ખેડૂતોને ઘણો ફાયદો થશે. ગુજરાતમાં છેલ્લા 3-4 દિવસથી સાર્વત્રિક રીતે વરસાદ પડી રહ્યો છે. ત્યારે ગુજરાતની જીવાદોરી સમાન નર્મદા યોજનાના 'સરદાર સરોવર ડેમ'ની જળ સપાટી 138.68 મીટરે પહોંચતા આજે સીએમ ભૂપેન્દ્ર પટેલે નર્મદાના નીરના વખાણ કર્યા છે.

ગુજરાત ડેસ્ક : ભાદરવામાં ગુજરાતમાં ભારે વરસાદ પડી રહ્યો છે. બીજી તરફ ગુજરાતના હવામાનશાસ્ત્રી અંબાલાલ પટેલે ખેલૈયાઓ માટે એક મોટા સમાચાર આપ્યા છે કે નવરાત્રિ દરમિયાન નવ દિવસ સુધી ભારેથી અતિભારે વરસાદ પડશે. ત્યારે ગરબા પ્રેમીઓ ચિંતામાં મુકાયા છે. હવે આજે સવારથી પડી રહેલા વરસાદની વાત કરીએ તો આજે ગુજરાતમાં 116 તાલુકાઓમાં વરસાદ પડ્યો છે. જેમાં સૌથી વધુ 2 ઈંચ જેટલો વરસાદ કચ્છના અબડાસામાં થયો છે. આ સાથે કચ્છમાં સિઝનનો 165 ટકા વરસાદ સુકાઈ ગયો છે.

ગુજરાત ડેસ્ક : અમદાવાદમાં ગુજરાત યુનિવર્સિટી પાસે નિર્માણાધીન એસ્પાયર-2 બિલ્ડિંગની લિફ્ટ તૂટી પડવાની ઘટનામાં 7 કામદારોના મોત થયા છે. તો એક કામદાર ગંભીર રીતે ઘાયલ થયો છે. ઘટનામાં મૃત્યુ પામેલા તમામ કામદારો યુવાન હતા, અને પરિવાર પર નિર્ભર હતા. પરંતુ એક દુર્ઘટનાએ આ તમામ મહેનતુ યુવાનોનો જીવ લીધો. ત્યારે આ ઘટના અંગે સીધી જ ઈમારતના બિલ્ડર પર આંગળી ચિંધાઈ છે. જેણે આ ઘટનાને 3 કલાક સુધી છુપાવીને રાખી હતી. સવારે 9.30 વાગ્યાની આ ઘટનાનું કારણ કોઈને ખબર ન હતી અને મીડિયામાં સમાચાર આવ્યા બાદ પણ તંત્ર દોડતું થયું ન હતું. આખરે ત્રણ કલાક સુધી આ ઘટના છુપાવવાનો હેતુ શું હતો. ત્યારે આ બિલ્ડિંગના બિલ્ડરનું નામ પણ સામે આવ્યું છે.