1 થી 8 ધોરણ સુધીના બાળકો બનશે ડિજિટલ, શિક્ષણ વિભાગ દ્વારા તૈયાર કરવામાં આવી રહ્યો છે કોમ્પ્યુટરનો અભ્યાસક્રમ
પહેલા ધોરણથી આઠમાં ધોરણ સુધીના બાળકો (Students) પણ હવે કોમ્પ્યુટરનો (Computer) અભ્યાસ કરશે. શિક્ષણ વિભાગ દ્વારા તેનો અભ્યાસક્રમ તૈયાર કરવામાં આવી રહ્યો છે. અભ્યાસક્રમ તૈયાર કરવા માટે એક સમિતિની રચના કરવામાં આવી છે. કમિટીને 10 દિવસમાં પોતાનો રિપોર્ટ આપવાનો નિર્દેશ આપવામાં આવ્યો છે. અભ્યાસક્રમ તૈયાર થયા બાદ તેને રાજસ્થાનની સરકારી શાળાઓમાં લાગુ કરવામાં આવશે.
શિક્ષણ સચિવ નવીન જૈનના જણાવ્યા અનુસાર અભ્યાસક્રમ તૈયાર કરવા માટે રાજ્યના પ્રોજેક્ટ ડાયરેક્ટરની અધ્યક્ષતામાં એક સમિતિની રચના કરવામાં આવી છે. સમિતિના અહેવાલના આધારે ધોરણ 1 થી ધોરણ 8 સુધીનો મૂળભૂત કોમ્પ્યુટર અભ્યાસક્રમ તૈયાર કરવામાં આવશે. તેમણે કહ્યું કે બાળકોને ટેક્નોલોજી સાથે જોડવા માટે, તેમને તેની મૂળભૂત જાણકારી હોવી જોઈએ, જેથી ભવિષ્યમાં તેમના માટે તે વધુ સરળ બને.
નવીન જૈને જણાવ્યું કે, દર શનિવારે શાળાઓમાં ઈ-ક્લાસ ચલાવવામાં આવશે. આ માટે 5 સપ્ટેમ્બરે શિક્ષક દિન નિમિત્તે ઈ-એજ્યુકેશન શરૂ કરવામાં આવશે. રાજ્યની 12,000 થી વધુ સરકારી ઉચ્ચતર માધ્યમિક શાળાઓમાં તેની શરૂઆત કરવામાં આવશે. આ શાળાઓમાં દર શનિવારે ઈ-એજ્યુકેશન દ્વારા ઓનલાઈન વર્ગો લેવામાં આવશે. દર શનિવારે આ અંગેની માહિતી શાળાના નોટિસ બોર્ડ પર મુકવામાં આવશે.
નિષ્ણાતોના મતે આ દ્વારા બાળકો પ્રાથમિક શિક્ષણથી જ ટેકનિકલ જ્ઞાન મેળવશે. આ શાળાના બાળકોના વિકાસમાં મહત્વનો ભાગ ભજવશે. વર્તમાન સમયમાં વિદ્યાર્થીઓને ટેક્નોલોજીનું જ્ઞાન હોવું ખૂબ જ જરૂરી છે. આ વિના વિકાસ શક્ય નથી. આ અંતર્ગત રાજ્યમાં કોમ્પ્યુટર પ્રશિક્ષકોની ભરતી કરવામાં આવી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp