ચીન-પાકિસ્તાનના મહત્વાકાંક્ષી પ્રોજેકટોનો વિરોધ કરી રહેલા સંગઠન BLAનો પાકિસ્તાનમાં આ ત્રીજો મોટો હુમલો, જાણો વિગતે
પાકિસ્તાનના બલૂચિસ્તાનમાં સ્થિત બીજા સૌથી મોટા નેવલ એર સ્ટેશન પર મોટો હુમલો કરવામાં આવ્યો છે. માહિતી અનુસાર, સશસ્ત્ર લડવૈયાઓએ નેવલ સ્ટેશન પર હુમલો કર્યો છે. સાથે ઘણા વિસ્તારોમાં વિસ્ફોટ થયાની માહિતી પણ મળી છે. પાકિસ્તાન પર હુમલાઓ થવાનો સિલસિલો અટકવાનું નામ નથી લઇ રહ્યો. હાલમાં જ બલૂચિસ્તાનના ગ્વાદર પોર્ટ પર પણ આતંકી હુમલો થયો હતો. પાકિસ્તાનના મીડિયા અહેવાલો મુજબ, પ્રતિબંધિત સંગઠન બલૂચિસ્તાન લિબરેશન આર્મી (BLA)ના માજીદ બ્રિગેડએ નેવલ એર સ્ટેશન પર હુમલાની જવાબદારી લીધી છે.
BLA દ્વારા દાવો કરવામાં આવ્યો હતો કે, ‘અમારા માણસોએ નેવલ એર સ્ટેશનમાં ઘૂસણખોરી કરી એક ડઝનથી વધુ લોકોને માર્યા છે.’ આ પછી તરત જ ત્યાં સુરક્ષા જવાનો વધારી દેવામાં આવ્યા છે અને સતત પેટ્રોલિંગ ચાલુ છે. મજીદ બ્રિગેડના લોકો સામે કાર્યવાહી ચાલી રહી છે. મજીદ બ્રિગેડ બલૂચિસ્તાન પ્રાંતમાં ચીનના રોકાણનો વિરોધ કરે છે અને ચીન અને પાકિસ્તાન પર આ ક્ષેત્રના સંસાધનોનું શોષણ કરવાનો આરોપ લગાવે છે. તુર્બતમાં થયેલો આ હુમલો આ અઠવાડિયે બીજો અને BLA મજીદ બ્રિગેડ દ્વારા આ વર્ષે ત્રીજો હુમલો છે.
હાલમાં જ 29 જાન્યુઆરીએ ગ્વાદરમાં મિલિટરી ઈન્ટેલિજન્સ હેડક્વાર્ટરને લડાકુઓએ નિશાન બનાવ્યું હતું. પાકિસ્તાને તેને આતંકવાદી હુમલો ગણાવ્યો હતો. આ પછી, 20 માર્ચે બલૂચ લડવૈયાઓએ ફરી એકવાર હુમલો કર્યો. ગ્વાદર પોર્ટ ઓથોરિટી કોમ્પ્લેક્સમાં વિસ્ફોટકો અને ગોળીબારથી શરૂ થયેલી લડાઈમાં આઠ લડવૈયાઓ માર્યા ગયા હતા. જ્યારે આ હુમલામાં પાકિસ્તાની સેનાના બે જવાન પણ શહીદ થયા હતા. આ હુમલાની જવાબદારી પણ BLAએ લીધી હતી.
બલોચનો આરોપ છે કે ગ્વાદરમાં ચાલી રહેલા સીપીઈસી અને અન્ય પ્રોજેક્ટનો હેતુ ચીનના હિતોની સેવા કરવાનો છે. જેમાં સ્થાનિક લોકોની અવગણના કરવામાં આવી રહી છે. ચીન દ્વારા કરવામાં આવી રહેલા બાંધકામના કામથી માત્ર સ્થાનિક લોકોના જીવનમાં કોઈ સુધારો આવ્યો નથી. પરંતુ ઘણા લોકોની આજીવિકા પણ બરબાદ થઈ ગઈ છે.
ગ્વાદર પોર્ટ ચીન અને પાકિસ્તાનના મહત્વાકાંક્ષી પ્રોજેક્ટ CPEC (ચીન-પાકિસ્તાન ઇકોનોમિક કોરિડોર)નો સૌથી મહત્વપૂર્ણ ભાગ છે. પરંતુ બલૂચિસ્તાનના લોકો તેને તેમના સંસાધનોના વ્યવસાય તરીકે જુએ છે. આ જ કારણ છે કે બાંધકામના કામના ઘોંઘાટને બદલે લાંબા સમયથી આ વિસ્તારમાં ભય અને આતંકનો માહોલ છવાયો છે. આ સાથે અન્ય ઘણા કારણો પણ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp