આખરે 6 વર્ષ પહેલા એલન મસ્કે જે કર અંતરિક્ષમાં મોકલેલી તે ક્યાં છે? શું તે ક્યારેય અવકાશમાંથી પછી આવશે? જાણો શું છે તેના હાલ?
Elon Musk's Tesla Car in Space : એલન મસ્ક હંમેશા કોઈક કારણો સર હેડલાઇન્સમાં રહે છે. પણ શું તમે જાણો છો કે 6 વર્ષ પહેલા 6 ફેબ્રુઆરી 2018ના રોજ એલન મસ્કે ફાલ્કન હેવી રોકેટનો ઉપયોગ કરીને ટેસ્લા કાર અવકાશમાં મોકલી હતી? આ ટેસ્લા કારની સાથે કંપનીના એક ડ્રાઈવરને પણ ડ્રાઈવિંગ સીટ પર બેસાડીને મોકલવામાં આવ્યો હતો. આ ડ્રાઈવર કોણ હતો અને શું આ ડ્રાઈવર પણ છેલ્લા 6 વર્ષથી કાર લઈને અવકાશમાં ફરતો હતો?
એલન મસ્કની કારની સાથે ગયેલ ડ્રાઈવર કોઈ માણસ નહીં પરંતુ એક ડમી હતો જેને સ્પેસ સૂટ પહેરીને મોકલવામાં આવ્યો હતો. આ ડમીનું નામ સ્ટારમેન હતું આ ટેસ્લા કારને અવકાશમાં મોકલતા પહેલા નક્કી કરવામાં આવ્યું હતું કે આ કારને મંગળની ભ્રમણકક્ષામાં મોકલવામાં આવશે. આ કાર આજે ક્યાં છે તેનો સચોટ અંદાજ લગાવવો થોડો મુશ્કેલ છે. પરંતુ મીડિયા રિપોર્ટ્સ અનુસાર એલન મસ્કની આ ટેસ્લા કાર ખોટી દિશામાં વળી ગઈ હતી અને આ કાર સૂર્યની આસપાસ ફરે છે.
એવું કહેવાય છે કે, એક સમયે એલન મસ્ક આ કારને ઓફિસે લઈ જતા હતા. રિપોર્ટ્સ અનુસાર આ કાર રોકેટથી અલગ થઈ ત્યારથી સૂર્યની આસપાસ ફરે છે, એટલું જ નહીં આ કાર અત્યાર સુધીમાં સૂર્યની આસપાસ 3 પરિક્રમા કરી ચૂકી છે.
Tesla કંપનીની આ ઈલેક્ટ્રિક સ્પોર્ટ્સ કારના કેટલાક મહત્વના ફીચર્સ વિશે વાત કરીએ તો આ કાર એક વખત ફુલ ચાર્જ થવા પર 620mi (લગભગ 997 કિલોમીટર) સુધીનું અંતર કાપી શકે છે. આ સિવાય Tesla રોડસ્ટર માત્ર 1.9 સેકન્ડમાં 0 થી 60 સુધીની ઝડપ પકડી લે છે જ્યારે આ કાર 0 થી 100 સુધીની ઝડપ મેળવવામાં 4.2 સેકન્ડનો સમય લે છે. આ કારમાં ચાર લોકો માટે બેસવાની જગ્યા છે. કંપનીની ઓફિશિયલ સાઈટ પર આપવામાં આવેલી માહિતીથી જાણવા મળ્યું છે કે જો કોઈ ટેસ્લા કંપનીની આ કારને બુક કરાવવા માંગે છે તો તેની રિઝર્વેશન કિંમત 50 હજાર ડોલર (લગભગ 41 લાખ 68 હજાર રૂપિયા) છે. રૂ. 627) ચૂકવવા પડશે. આ કારમાં ગ્રાહકોને કાચની છત મળે છે અને આ કારની ટોપ સ્પીડ કોઈ સ્પોર્ટ્સ કારથી ઓછી નથી.
શું એલન મસ્કની Tesla રોડસ્ટર ક્યારેય અવકાશમાંથી પછી આવશે? આ સવાલ ઘણા લોકોના મનમાં ઘૂમી રહ્યો છે, તમને જણાવી દઈએ કે અત્યાર સુધી એલન મસ્ક પાસે આ વાહનને પૃથ્વી પર પાછા લાવવાની કોઈ યોજના નથી. આ તમામ માહિતી અહેવાલો પર આધારિત છે કારણ કે વાહનને ટ્રેક કરી શકાતું નથી. કારણ કે આ કામમાં ઘણો ખર્ચ થશે. જો રિપોર્ટ્સનું માનીએ તો અવકાશમાં મુસાફરી કરી રહેલી ટેસ્લા કંપનીની આ કાર 2091માં પૃથ્વીની નજીકથી પસાર થશે. આ કાર પૃથ્વી પર પાછી આવશે કે નહીં આ સવાલનો જવાબ સમય જ આપશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp