હાર્દિક પંડ્યાની કપ્તાની હેઠળ આ ખેલાડી માટે ખરાબ દિવસોની શરૂઆત! પોતાની કિલર બોલિંગ માટે જાણીતો છે
સ્પોર્ટ્સ ડેસ્ક : ટીમ ઈન્ડિયા અને આયર્લેન્ડ વચ્ચે બીજી T20 મેચ 28 જૂને રમાશે. ટીમ ઈન્ડિયાએ આ શ્રેણીની પ્રથમ મેચ જીતી લીધી છે, તેથી ટીમના કેપ્ટન હાર્દિક પંડ્યા બીજી મેચમાં કેટલાક ફેરફાર કરી શકે છે. ટીમમાં એક યુવા બોલર પણ છે જે પોતાની કિલર બોલિંગ માટે જાણીતો છે, પરંતુ આ ખેલાડીને ટીમમાં જગ્યા નથી મળી રહી.
આયર્લેન્ડ સામે રમાયેલી પ્રથમ મેચમાં હાર્દિક પંડ્યાએ ટીમમાં બે સ્પિનરોનો સમાવેશ કર્યો હતો. અક્ષર પટેલ અને યુઝવેન્દ્ર ચહલને સ્પિનર તરીકે ટીમમાં સામેલ કરવામાં આવ્યા હતા, પરંતુ યુવા બોલર રવિ બિશ્નોઈને ટીમમાં જગ્યા મળી રહી નથી. બિશ્નોઈ ખૂબ જ કિલર બોલિંગ કરે છે, પરંતુ છેલ્લી કેટલીક મેચોથી તેને ટીમમાં સામેલ કરવામાં આવ્યો નથી. પંડ્યાએ પણ તેને પ્રથમ મેચમાં સ્થાન આપ્યું ન હતું અને બીજી મેચમાં પણ તેને રમવું મુશ્કેલ જણાય છે.
આઈપીએલ 2022 બાદ રવિ બિશ્નોઈને એક પણ મેચ રમવાની તક મળી નથી. રવિ બિશ્નોઈ દક્ષિણ આફ્રિકા સામે રમાયેલી હોમ સિરીઝમાં ટીમ ઈન્ડિયાનો ભાગ હતો, પરંતુ 5 મેચમાં તેની અવગણના કરવામાં આવી હતી. રવિ બિશ્નોઈએ આ વર્ષની શરૂઆતમાં ટીમ ઈન્ડિયા માટે તેની છેલ્લી મેચ રમી હતી, ત્યારથી તે સતત પ્લેઈંગ ઈલેવનમાંથી બહાર ચાલી રહ્યો છે.
રવિ બિશ્નોઈએ ટીમ ઈન્ડિયા માટે 16 ફેબ્રુઆરી 2022ના રોજ રોહિત શર્માની કેપ્ટન્સીમાં ડેબ્યૂ મેચ રમી હતી. રવિ બિશ્નોઈએ ટીમ ઈન્ડિયા માટે અત્યાર સુધી 4 ટી20 મેચ રમી છે. આ મેચોમાં તેણે માત્ર 6.75ની ઈકોનોમીથી રન ખર્ચ્યા છે અને 4 વિકેટ પણ લીધી છે. આઈપીએલની આ સિઝનમાં પણ તેણે 14 મેચમાં 8.44ના ઈકોનોમી રેટથી 13 વિકેટ ઝડપી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp