લોકસભા ચૂંટણીની જાહેરાત પહેલા ભાજપને મોટો ઝટકો, નારાજ પૂર્વ સાંસદ દીકરા સાથે કોંગ્રેસમાં જોડાયા..!
Lok Sabha Election 2024 : ઈલેક્શન કમીશન આજે શનિવારે લોકસભા ચૂંટણી 2024ની તારીખોની જાહેરાત કરવાનું છે. ત્યાં જ નેતાઓનો રાજનીતિક પક્ષનો ખેલ ચાલી રહ્યો છે. તેલંગાણામાં ભારતીય જનતા પાર્ટીને ઝટકો આપતા પૂર્વ સાંસદ એપી જીતેન્દ્ર રેડ્ડી શુક્રવારે કોંગ્રેસમાં શામેલ થઈ ગયા છે.
મુખ્યમંત્રી રેવંત રેડ્ડી અને કોંગ્રેસ પ્રભારી દીપાદાસ મુંશીએ તેમનું પાર્ટીમાં સ્વાગત કર્યું. કોંગ્રેસમાં શામેલ થયા બાદ સીએમ રેવંત રેડ્ડીએ જીતેન્દ્ર રેડ્ડીને નવી દિલ્હીમાં તેલંગાણા સરકારનું ખાસ પ્રતિનિધિ અને ખેલ મામલાનું સલાહકાર નિયુક્ત કર્યું છે. આ વાતની જાણકારી મુખ્યમંત્રી કાર્યાલયની તરફથી આપવામાં આવી છે.
પાર્ટીથી રાજીનામુ આપતા જીતેન્દ્ર રેડ્ડીએ અધ્યક્ષ જેપી નડ્ડાને લખેલી ચિઠ્ઠીમાં તેમણે જણાવ્યું, "BJPના રાષ્ટ્રીય નેતૃત્વનો હું આભાર વ્યક્ત કરૂ છું. માનનીય પ્રધાનમંત્રી નરેન્દ્ર મોદીના પ્રભાવશાળી નેતૃત્વમાં બધી આબાદીની વચ્ચે ખૂબ જ વિકાસ થયો. ગૃહમંત્રી અમિત શાહે વૈશ્વિક પડકારની વચ્ચે આપણા દેશને સુરક્ષિત રાખ્યો છે અને હું સંપૂર્ણ નેતૃત્વનો આભાર વ્યક્ત કરવા માંગું છું."
Onto a new journey...@INCIndia @RahulGandhi @priyankagandhi @kharge@INCTelangana @revanth_anumula @TelanganaCMO @Bhatti_Mallu @UttamINC @DeepaDasmunsi pic.twitter.com/4kucqgVCJy — AP Jithender Reddy (@apjithender) March 15, 2024
Onto a new journey...@INCIndia @RahulGandhi @priyankagandhi @kharge@INCTelangana @revanth_anumula @TelanganaCMO @Bhatti_Mallu @UttamINC @DeepaDasmunsi pic.twitter.com/4kucqgVCJy
તેમણે આગળ કહ્યું, "મને નેશનલ એક્ઝિક્યુટિવ સદસ્ય બનાવીને પાર્ટીએ મારા ઉપર જે વિશ્વાસ મુક્યો તેનું મેં સંપૂર્ણ જવાબદારી સાથે નિર્વહન કર્યું. તે 2019ની લોકસભા ચૂંટણી હોય કે પછી પેટા ચૂંટણી, જીએમએચસી ચૂંટણી કે પછી વિધાનસભા ચૂંટણી, તેલંગાણામાં બંદી સંજય ગારૂએ વિકાસ કાર્ય ચાલું રાખ્યા અને બીજેપીને નવી ઉંચાઈઓ પર પહોંચાડી. પાર્ટી રાજ્યમાં ઉભરી રહી છે અને લોકો સુધી વિકાસના સંદેશ પણ પહોંચાડી રહી છે. "
Former MP & Bharatiya Janata Party (BJP) leader AP Jithender Reddy resigns from the party.He has joined the Congress party. pic.twitter.com/1Okr4gpc6m — ANI (@ANI) March 15, 2024
Former MP & Bharatiya Janata Party (BJP) leader AP Jithender Reddy resigns from the party.He has joined the Congress party. pic.twitter.com/1Okr4gpc6m
ઉલ્લેખનીય છે કે લોકસભા ચૂંટણી પહેલા ભાજપ માટે આ એક મોટો ઝટકો માનવામાં આવી રહ્યો છે. કોંગ્રેસ પાર્ટી તેલંગાણામાં મજબૂત સ્થિતિમાં છે, જ્યારે ભાજપની સ્થિતિ દક્ષિણના રાજ્યોમાં એટલી સારી નથી. આવી સ્થિતિમાં ભાજપના પૂર્વ સાંસદનું પુત્ર સાથે કોંગ્રેસમાં જોડાવું પાર્ટી માટે નુકસાનકારક સાબિત થઈ શકે છે. તાજેતરમાં યોજાયેલી તેલંગાણા વિધાનસભાની ચૂંટણીમાં કોંગ્રેસ પાર્ટીએ BRS અને BJPને હરાવીને રાજ્યમાં સત્તા કબજે કરી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp