જાણો વડાપ્રધાન પદના ઉમેદવાર તરીકે ઉત્તર પ્રદેશ અને દિલ્હીના લોકોનું મૂડ? ચોંકાવી દેશે સર્વેના પરિણામ
દિલ્હીના મુખ્યમંત્રી અને આમ આદમી પાર્ટી (AAP)ના સંયોજક અને દિલ્હીના મુખ્યમંત્રી વિરુદ્ધ EDની કાર્યવાહી વચ્ચે કેન્દ્રમાં વડાપ્રધાન મોદીના નેતૃત્વવાળી NDA સરકારના કામકાજથી લગભગ 45 ટકા લોકો ખૂબ જ વધારે સંતુષ્ટ છે. આ ચોંકાવનારો ખુલાસો ABP ન્યૂઝ અને C વોટરના સર્વેમાં થયો છે. 2024ની લોકસભાની ચૂંટણી અગાઉ દિલ્હીનું મૂડ બતાવતા ઓપિનિયન પોલમાં દિલ્હીના લોકોને પૂછવામાં આવ્યું હતું કે કેન્દ્ર સરકારના કામકાજથી કેટલા સંતુષ્ટ છો? જવાબમાં 45 ટકા લોકોએ પોતાને ખૂબ જ સંતુષ્ટ, 29 ટકા લોકોએ પોતાને અસંતુષ્ટ અને 25 ટકા લોકોએ પોતાને ઓછા સંતુષ્ટ બતાવ્યા છે. જ્યારે 1 ટકા લોકોનું માનવું હતું કે તેમને આ બાબતે કંઇ ખબર નથી.
સર્વે હેઠળ દિલ્હીના લોકોને એ પૂછવામાં આવ્યું કે, તેઓ વડાપ્રધાન મોદીના કામકાજથી કેટલા સંતુષ્ટ છે? આ સવાલ પર 53 ટકા લોકોએ કહ્યું કે તેઓ ખૂબ વધારે સંતુષ્ટ છે, 24 ટકા લોકો બોલ્યા કે તેમના કામથી અસંતુષ્ટ છે અને 23 ટકા લોકો ઓછા સંતુષ્ટ છે.
ઓપિનિયન પોલમાં દિલ્હીવાસીઓને એક સવાલ કરવામાં આવ્યો કે તેમના માટે વડાપ્રધાનની પસંદ કોણ છે? આ સવાલ પર 69 ટકા લોકોએ નરેન્દ્ર મોદીનું નામ લીધું. 24 ટકા લોકોની પસંદ રાહુલ ગાંધી હતા. જ્યારે 5 ટકા લોકોએ કહ્યું કે, રાજનીતિના આ બંને જ દિગ્ગજોને વડાપ્રધાનના રૂપમાં જોવા માગતા નથી, જ્યારે 2 ટકા લોકોએ કહ્યું કે તેમને આ બાબતે ખબર નથી.
ઉત્તર પ્રદેશના લોકોને વડાપ્રધાન પદના ઉમેદવાર માટેની પસંદગી પૂછવામાં આવી. આ બાબતે જે આંકડા આવ્યા છે એ ચોંકાવનારા છે. વડાપ્રધાન પદની પસંદ પર ઉત્તર પ્રદેશના 64 ટકા લોકોએ નરેન્દ્ર મોદીનો વિકલ્પ પસંદ કર્યો. તો 28 ટકા લોકોએ રાહુલ ગાંધીને પોતાની પસંદ બતાવ્યા, તો 5 ટકા લોકોએ કોઈ નહીનો વિકલ્પ પસંદ કર્યો. તો 3 ટકા લોકોએ 'ખબર નહીં'નો વિકલ્પ પસંદ કર્યો.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp