શું તમે પણ વાળની સંભાળ રાખવા માટે વાળમાં રોજ તેલ લગાવો છો? તો જાણો કે તે ફાયદો પહોંચાડે છે કે નુકસાન...!
આજકાલ લોકોમાં જુદા જુદા કારણોસર વાળ ખરવાની કે આછા થવાની સમસ્યાઓ ખુબ જોવા મળી રહી છે. ત્યારે હવે લોકો પોતાના વાળને મજબૂત, ઘટ્ટ અને સુંદર બનાવવા માટે સખત મહેનત કરે છે. વાળની સારી સંભાળ રાખવા માટે કેટલીય ઘરગથ્થું વસ્તુઓનો નિયમિત પ્રયોગ કરે છે. ઉપરાંત કેટલાક લોકો તેની ક્લીનીક ટ્રીટમેન્ટ માટે પણ પૈસા ખર્ચતા ખચકાતા નથી. આ બધામાં પ્રચલિત ઉપાય તરીકે કેટલાક લોકો વાળની વૃદ્ધિ માટે દરરોજ તેલની માલીશ કરે છે. પરંતુ શું તમે જાણો છો કે તમારા વાળ ઓઇલી હોય તો દરરોજ તેલ લગાવવાથી વાળને નુકસાન થાય છે. ચાલો જાણીએ કે વાળમાં ક્યારે તેલ લગાવવું યોગ્ય હોય છે.
તેલ લગાવવાથી વાળ મજબૂત અને ચમકદાર બને છે અને ડ્રાયનેસની સમસ્યા પણ દૂર થાય છે. વાળનો સ્કેલ્પ હેલ્ધી બને છે જે વાળનો ગ્રોથ વધારવામાં મદદ કરે છે. પરંતુ દરરોજ તેલ લગાવવું નુકસાનકારક છે કે નહીં તે તમારા વાળના પ્રકાર પર નિર્ભર કરે છે. જો તમારા વાળ ડ્રાય છે, તો દરરોજ તેલ લગાવવાથી તેમને ફાયદો થશે.
પરંતુ જો તમારા વાળ તૈલી હોય તો દરરોજ તેલ લગાવવાથી તમારા વાળ વધુ તૈલી બની શકે છે અને બહારની ધૂળ અને ગંદકી પણ તેમાં જમા થઈ શકે છે. તેલ લગાવ્યા બાદ કેટલાક લોકોના વાળ ખરવા અને તૈલી થવા લાગે છે. કેટલાક લોકો માટે વાળમાં તેલ લગાવવાથી એલર્જી થવાની શક્યતા વધી જાય છે. વધારે તેલ લગાવવાથી ગંદકી જામે છે.
વાળમાં તેલ લગાવવાનો શ્રેષ્ઠ સમય રાતનો છે. જ્યારે પણ તમે સૂઈ જાઓ ત્યારે તમારા વાળને હૂંફાળા તેલથી માલિશ કરો, તેનાથી તણાવ દૂર થશે અને તમારા વાળ પણ મજબૂત થશે. આખી રાત તમારા વાળમાં તેલ લગાવી રાખો, પછી સવારે ઉઠીને શેમ્પૂથી વાળ ધોઈ લો. તેનાથી તમારા વાળ મજબૂત, જાડા અને લાંબા થશે.
પરંતુ તેલ લગાવતી વખતે કેટલીક બાબતોનું ધ્યાન રાખવું ખૂબ જ જરૂરી છે. જેમ કે તમારા વાળમાં ગરમ તેલ ન લગાવો. તમારા ખોપરી ઉપરની ચામડી અને વાળ પર તેલની સારી રીતે માલિશ કરો. ઓછામાં ઓછા 20 મિનિટ સુધી વાળમાં તેલ લગાવો. આ સિવાય જ્યારે પણ તમે તેલ લગાવો ત્યારે ધ્યાન રાખો કે તેલ મૂળ સુધી પહોંચે. ઉપરાંત વાળ અનુસાર યોગ્ય તેલ પસંદ કરવું પણ જરૂરી હોય છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp