'7 દિવસની અંદર પોલીસ સ્ટેશન આવો..' કર્ણાટક પોલીસે જે.પી. નડ્ડા અને અમિત માલવીયને કેમ પાઠવ્યા સમન્સ?
કર્ણાટક પોલીસે ભાજપના રાષ્ટ્રીય અધ્યક્ષ જે.પી. નડ્ડા અને IT સેલના પ્રમુખ અમિત માલવીયને બેંગ્લોરના હાઇ ગ્રાઉન્ડ્સ પોલીસ સ્ટેશન તરફથી સમન્સ પાઠવાવવામાં આવ્યા છે. પોલીસે તેમને કર્ણાટક ભાજપ દ્વારા પોસ્ટ કરવામાં આવેલી એક ટ્વીટના સંબંધમાં હાજર થવા કહ્યું છે. ટ્વીટમાં કથિત રૂપે SC/ST સમુદાયને નિશાનો બનાવવામાં આવ્યો હતો. સમન્સમાં કહેવામાં આવ્યું છે કે ઉપરોક્ત કેસની તપાસના ઉદ્દેશ્યથી તમને આ નોટિસ મળ્યાના 7 દિવસોની અંદર હાઇ ગ્રાઉન્ડ્સ પોલીસ સ્ટેશનમાં સવારે 11:00 ઇન્વેસ્ટિગેશન અધિકારી સામે ઉપસ્થિત થવાના નિર્દેશ આપવામાં આવે છે.
આ અગાઉ પોલીસે મંગળવારે સોશિયલ મીડિયા પ્લેટફોર્મ Xને નિર્દેશ આપ્યા હતા કે તે ભાજપ રાજ્ય એકાઈ દ્વારા શેર કરવામાં આવેલા એનિમેટેડ વીડિયોને હટાવી દે. હવે પોલીસે આ નોટિસ એવા સમયે મોકલી છે જ્યારે કર્ણાટક પ્રદેશ કોંગ્રેસ કમિટી (KPCC)એ ચૂંટણી પંચને આદર્શ આચાર સંહિતાના કથિત ઉલ્લંઘન પર જે.પી. નડ્ડા અને ભાજપના અન્ય નેતાઓ વિરુદ્ધ કાર્યવાહીની માગ કરી છે. પાર્ટી મુજબ સોશિયલ મીડિયા પર પોસ્ટ કરવામાં આવેલા કથિત વીડિયોમાં SC અને ST સભ્યોને એક વિશેષ ઉમેદવાર માટે મતદાન કરવા ડરાવવામાં આવ્યા હતા.
ભાજપના અધ્યક્ષ જે.પી. નડ્ડા, પાર્ટીના IT સેલના પ્રમુખ અમિત માલવીય અને કર્ણાટક એકાઈના પ્રમુખ બી.વાઈ. વિજયેન્દ્ર વિરુદ્ધ એક સોશિયલ મીડિયા પોસ્ટના સંબંધમાં ફરિયાદ નોંધવામાં આવી હતી. પોલીસે સોમવારે જણાવ્યું કે આ ત્રણેય નેતાઓ પર એક વિશેષ ઉમેદવારને વોટ ન આપવા માટે SC અને ST સભ્યોને તથા કથિત ડરાવવા ધમકાવનાર સોશિયલ મીડિયા પોસ્ટના સંબંધમાં ફરિયાદ નોંધવામાં આવી છે. KPCCએ ફરિયાદમાં કર્ણાટક પ્રદેશ ભાજપના સત્તાવાર અકાઉન્ટ પર પોસ્ટ કરાયેલા એક વીડિયોનો સંદર્ભ આપવામાં આવ્યો છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp