પતિ-પત્નીની સંપત્તિ પરના અધિકાર પર સુપ્રીમ કોર્ટે આપ્યો ઐતિહાસિક નિર્ણય..! કહ્યું પત્ની ની સંપતિ પર..' જાણો શું?
પતિ-પત્નીની સંપત્તિ સાથે જોડાયેલા એક કેસમાં સુપ્રીમ કોર્ટે મહત્વની ટિપ્પણી કરી છે. કોર્ટે કહ્યું કે પતિનું તેની પત્નીના ‘સ્ત્રીધન’ પર કોઈ નિયંત્રણ નથી અને તેમ છતાં તે મુશ્કેલીના સમયે તેનો ઉપયોગ કરી શકે છે. કોર્ટે કહ્યું કે તેનો ઉપયોગ કર્યા બાદ પત્નીને પૈસા પરત કરવાની નૈતિક જવાબદારી પતિની છે.
સુપ્રીમ કોર્ટે મહિલાના પતિને તેનું 25 લાખ રૂપિયાનું સોનું પરત કરવાનો નિર્દેશ પણ આપ્યો હતો. આ કિસ્સામાં, મહિલાએ દાવો કર્યો હતો કે તેના પરિવારે તેના લગ્ન સમયે 89 સોનાના સિક્કા ભેટમાં આપ્યા હતા. લગ્ન બાદ તેના પિતાએ તેના પતિને 2 લાખ રૂપિયાનો ચેક પણ આપ્યો હતો.મહિલાએ કોર્ટમાં કહ્યું હતું કે લગ્નની પહેલી રાત્રે તેના પતિએ તેના તમામ દાગીના લઈ લીધા હતા અને તેને સુરક્ષિત રાખવાના બહાને તેની માતાને આપી દીધા હતા. મહિલાનો આરોપ છે કે તેના પતિ અને તેની માતાએ દેવું ચૂકવવા માટે તેના તમામ દાગીનાનો દુરુપયોગ કર્યો હતો.
હકીકતમાં, ફેમિલી કોર્ટે 2011 માં કહ્યું હતું કે પતિ અને તેની માતાએ ખરેખર અપીલ કરનાર મહિલાના સોનાના દાગીનાનો દુરુપયોગ કર્યો હતો અને તેથી તે નુકસાન માટે વળતરની હકદાર છે. કેરળ હાઈકોર્ટે ફેમિલી કોર્ટ દ્વારા આપવામાં આવેલી રાહતને આંશિક રીતે ફગાવી દીધી હતી અને કહ્યું હતું કે મહિલા પતિ અને તેની માતા દ્વારા સોનાના દાગીનાની ગેરઉપયોગને સાબિત કરી શકતી નથી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp