હોલીવૂડમાં આલિયા ભટ્ટની એન્ટ્રી; ફિલ્મના શૂટિંગ માટે રવાના, કહ્યું- 'ખૂબ જ નર્વસ ફીલ કરી રહી છું'
ગ્લેમર ડેસ્ક: એક્ટ્રેસ આલિયા ભટ્ટ આજકાલ પોતાની પ્રોફેશનલ અને પર્સનલ લાઈફને લઈને ચર્ચામાં છે. અભિનેત્રીએ ગયા મહિને અભિનેતા રણબીર કપૂર સાથે લગ્ન કર્યા હતા. તો ત્યાં જ તેની ફિલ્મ ગંગુબાઈ કાઠિયાવાડી હિટ થઈ હતી.
ત્યારબાદ અભિનેત્રીએ હોલીવુડની ફિલ્મોમાં પોતાની ઓળખ બનાવવાનું શરૂ કરી દીધું છે. આલિયા ભટ્ટ હોલિવૂડ ફિલ્મ 'હાર્ટ ઓફ સ્ટોન'ના શૂટિંગ માટે રવાના થઈ ગઈ છે. આ ફિલ્મમાં તેની સાથે હોલીવુડ અભિનેત્રી ગેલ ગેડોટ પણ હશે. આલિયાએ ઇન્સ્ટાગ્રામ પર પોસ્ટ શેર કરીને આ વિશે માહિતી આપી છે અને કેટલીક ખાસ વાતો પણ કહી છે.
આલિયા ભટ્ટે તેના ઈન્સ્ટાગ્રામ હેન્ડલ પર પોતાનો ફોટો શેર કર્યો છે, જેમાં અભિનેત્રી કારની પાછળની સીટ પર બેઠેલી જોવા મળી રહી છે. અભિનેત્રીએ હળવા મેક-અપ સાથે સિમ્પલ લુકમાં ફોટો શેર કર્યો છે અને તેના વાળ ખુલ્લા રાખ્યા છે. પોતાનો ક્યૂટ ફોટો શેર કરતા આલિયાએ લખ્યું કે તે ખૂબ જ નર્વસ ફીલ કરી રહી છે.
આલિયા ભટ્ટે ફોટો પાડતી વખતે કેપ્શનમાં લખ્યું- 'આજે હું મારી પહેલી હોલિવૂડ ફિલ્મના શૂટિંગ માટે નીકળી ગઈ છું. અત્યારે હું સંપૂર્ણપણે 'ન્યુ કમર'(New Comer) અનુભવી રહી છું. એવું લાગે છે કે તે ફરીથી શરૂ થઈ રહ્યું છે. હું આને લઈને ખૂબ જ નર્વસ છું.' ત્યારબાદ અભિનેત્રીએ લોકોને તેની શુભકામનાઓ આપવા કહ્યું.
અર્જુન કપૂરે આલિયા ભટ્ટની પોસ્ટ પર લખ્યું- 'ઇન્ટરનેશનલ પ્લેયર.' તો ત્યાં જ કરણ ટક્કરે તેને શુભેચ્છા પાઠવી. આ સિવાય મનીષ મલ્હોત્રા, સોની રાઝદાન, રિદ્ધિમા કપૂર, પૂજા ભટ્ટે આલિયાને ખૂબ પ્રેમ અને શુભેચ્છાઓ આપી હતી. આલિયાના ફેન્સ પણ તેને ખૂબ-ખૂબ શુભેચ્છાઓ પાઠવી રહ્યા છે. એક પ્રશંસકે લખ્યું- 'તમે ત્યાં પણ ખૂબ સારું કરશો.' તો બીજાએ લખ્યું- 'આલિયા તું સર્વશ્રેષ્ઠ છે, ગભરાશો નહીં... તું વિદેશમાં પણ ભારતનું નામ રોશન કરશે.'
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp