7,000 રૂપિયાની SIPથી 8 લાખ રૂપિયાનું પેન્શન મેળવો : જાણો સંપૂર્ણ વિગત

છેલ્લા કેટલાક વર્ષોમાં ભારતમાં એસેટ મેનેજમેન્ટ કંપનીઓએ સિસ્ટમેટિક ઇન્વેસ્ટમેન્ટ પ્લાન (SIP) દ્વારા ઇક્વિટી ફંડ્સમાં રોકાણ વધાર્યું છે. તે દર્શાવે છે કે પાછલા કેટલાક વર્ષોમાં રોકાણના વિકલ્પ તરીકે SIPમાં છૂટક રોકાણકારોનો વિશ્વાસ વધ્યો છે. નિષ્ણાતો કહે છે કે, મ્યુચ્યુઅલ ફંડમાં SIP એ તમારી નિવૃત્તિ માટે મોટી રકમ એકઠી કરવાનો શ્રેષ્ઠ માર્ગ છે. 20-30 વર્ષના સમયગાળામાં સરેરાશ ઇક્વિટી મ્યુચ્યુઅલ ફંડ (Mutual fund) અર્થતંત્રમાં સામાન્ય ફુગાવાના દર કરતાં 5-6 ટકા વધુ વળતરની અપેક્ષા રાખી શકાય છે.

જો કોઈ વ્યક્તિ તેના નિવૃત્તિ ફંડને જમા કરવા માટે ઇક્વિટી મ્યુચ્યુઅલ ફંડ્સમાં રોકાણ કરે  તો તે ખાતરી કરી શકે છે કે, તેનું વળતર ફુગાવા કરતાં આગળ રહે અને સકારાત્મક વાસ્તવિક વળતર ઉત્પન્ન કરે.

યુવાનોએ વિશાળ ભંડોળ એકઠું કરવા માટે સ્ટેપ-અપ SIP કરવું જોઈએ, જ્યાં દર વર્ષે SIPની રકમ ચોક્કસ ટકાવારી અથવા રકમ દ્વારા વધે છે. આવકના પ્રમાણમાં ખર્ચ વધતો નથી. તેથી જો વ્યક્તિની આવકમાં દર વર્ષે 3-4 ટકાનો વધારો થાય તો પણ તે દર વર્ષે તેની SIP રોકાણની રકમમાં 10 ટકાનો વધારો કરી શકે છે.

આ નિયમના આધારે, જો કોઈ વ્યક્તિ 25 વર્ષની ઉંમરથી 10 ટકા વાર્ષિક સ્ટેપ અપ સાથે રૂ. 7,000ની SIP શરૂ કરે છે અને 60 વર્ષની ઉંમર સુધી તેને ચાલુ રાખે, તો તે 12 ટકા વળતરના દરે રૂ. 11.10 કરોડ રૂપિયાનું ફંડ જમા કરી શકે છે.

આ રકમનો ઉપયોગ નિવૃત્તિ પછી નિયમિત પેન્શનની આવક પેદા કરવા માટે થઈ શકે છે. જોકે, નિવૃત્તિ પહેલા ઓછામાં ઓછા ત્રણ વર્ષ માટે તેનું આયોજન કરવું પડશે. ઇક્વિટી ફંડમાંથી નિવૃત્તિ પછીના ત્રણ વર્ષ માટે વ્યક્તિના ખર્ચ જેટલી રકમ ઉપાડવાની જરૂર છે અને ધીમે ધીમે તે રકમ નિવૃત્તિ પહેલાં છેલ્લા ત્રણ વર્ષમાં લિક્વિડ ફંડમાં જમા કરાવવી જેથી કરીને નિવૃત્તિ પછી તેને લિક્વિડ ફંડમાંથી ઉપાડી શકાય. દર મહિને ચોક્કસ રકમ ઉપાડી બાકીની રકમ નિવૃત્તિ પછી પણ વૃદ્ધિ માટે ઇક્વિટી ફંડમાં છોડી શકાય છે.

નોંધનીય છે કે, ડેટ મ્યુચ્યુઅલ ફંડમાંથી લોંગ ટર્મ કેપિટલ ગેઈન (Long Term Capital Gain - રોકાણના ત્રણ વર્ષ પછી મેળવેલ નફો) પર ઈન્ડેક્સેશન પછી 20 ટકાના સમાન દરે ટેક્સ લાગે છે.

ઉદાહરણ તરીકે, ઇક્વિટી (Equity) ફંડમાં પડેલી રકમ તમારી નિવૃત્તિ (Retirement) પછી 10% CAGR જનરેટ કરે છે, તમે નિવૃત્તિ પછીના તમારા માસિક ખર્ચને પહોંચી વળવા માટે દરેક લિક્વિડ ફંડમાં રૂ. 98 લાખ સુધી ટ્રાન્સફર કરી શકો છો. આનો અર્થ એ છે કે, જો તમારો માસિક ખર્ચ વધીને રૂ. 8 લાખ થાય તો પણ તમારી બચત તે ખર્ચને સમર્થન આપી શકે છે.