KFC અને પિઝા હટનું(Pizza Hut) સંચાલન કરતી સેફાયર ફૂડ્સ ઇન્ડિયાનો(Sapphire Foods India) IPO આજથી એટલે કે 9 નવેમ્બરથી સબસ્ક્રિપ્શન માટે ખુલ્યો છે. તેમાં 11 નવેમ્બર સુધી રોકાણ કરી શકાશે. કંપનીએ IPO માટે 1120-1180 રૂપિયાની પ્રાઇસ બેન્ડ નક્કી કરી છે. સેફાયર ફૂડ્સના શેર 22 નવેમ્બરે સ્ટોક એક્સચેન્જમાં લિસ્ટ થશે. કંપની IPO દ્વારા રૂ. 2073 કરોડ એકત્ર કરવાની યોજના ધરાવે છે. આમાં ફ્રેશ ઇક્વિટી શેર જારી કરવામાં આવશે નહીં. માત્ર વેચાણ માટે ઓફર (OFS) હશે. જો તમે પણ પૈસાનું રોકાણ કરવાનું વિચારી રહ્યા છો, તો પહેલા તેની વિગતો જાણી લેવી જરૂરી છે. ઝી બિઝનેસના મેનેજિંગ એડિટર અનિલ સિંઘવીએ આ અંકમાં લાંબા ગાળા માટે જ નાણાં રોકવાની સલાહ આપી છે.
અનિલ સિંઘવીએ જણાવ્યું છે કે, રોકાણકારોએ સેફાયર ફૂડ્સમાં લાંબા ગાળા માટે નાણાં રોકવા જોઈએ. કંપનીનું બિઝનેસ મોડલ દેવયાની ઇન્ટરનેશનલ જેવું જ છે. કંપનીનો બિઝનેસ નવા જમાના પ્રમાણે છે જે લોકોને પસંદ આવે છે. બ્રાન્ડ મજબૂત છે અને વૃદ્ધિનો સારો ટ્રેક રેકોર્ડ ધરાવે છે. કંપની રોકડથી સમૃદ્ધ છે અને આગળ જતાં તેની વૃદ્ધિની સારી સંભાવના છે. કંપની પાસે ઉપલબ્ધ રોકડનો ઉપયોગ સ્ટોર્સ ખોલવા માટે કરવામાં આવશે. કંપની ઓપરેશનલ સ્તરે નફાકારક બની છે. મૂલ્યાંકન વાજબી છે, જો કે તે વધુ સારું થઈ શક્યું હોત. આ કંપની ભારત બહાર પણ બિઝનેસ કરી રહી છે.
તેમનું કહેવું છે કે, કંપની હજુ નફાકારક બની નથી. આ IPO સંપૂર્ણપણે ઑફર ફોર સેલ (OFS) પર આધારિત છે, એટલે કે કંપનીને પૈસા નહીં મળે. કંપનીએ 3 મહિના પહેલા જૂના રોકાણકારોને જે શેર આપ્યા હતા તેના કરતાં બમણા ભાવે ઈશ્યુ લાવી રહી છે. બીજો મુદ્દો એ છે કે કંપનીએ પીએફ ચૂકવવામાં વિલંબ કર્યો છે.
સેફાયર ફૂડ્સના IPOમાં 1.75 કરોડ શેરની ઓફર ફોર સેલ (OFS) હશે. OFS હેઠળ, પ્રમોટરો અને વર્તમાન રોકાણકારો તેમનો હિસ્સો ઘટાડશે. આ ઓફર ફોર સેલમાં, QSR મેનેજમેન્ટ ટ્રસ્ટ દ્વારા 8.50 લાખ શેર વેચવામાં આવશે. સેફાયર ફૂડ્સ મોરિશિયસ લિમિટેડ 55.69 લાખ શેર વેચશે, જ્યારે WWD રૂબી લિમિટેડ 48.46 લાખ શેર વેચશે. એમિથિસ્ટ પ્રા. લિમિટેડ 39.62 લાખ શેર વેચશે. જ્યારે આ ઓફર ફોર સેલમાં AAJV ઇન્વેસ્ટમેન્ટ ટ્રસ્ટ દ્વારા 80,169 શેર વેચવામાં આવશે. 16.15 લાખ શેર એડલવાઈસ ક્રોસઓવર ઓપોર્ચ્યુનિટીઝ ફંડ દ્વારા અને 6.46 લાખ શેર એડલવાઈસ ક્રોસઓવર ઓપોર્ચ્યુનિટીઝ ફંડ સિરીઝ II દ્વારા વેચવામાં આવશે.
રીઝર્વ :
સેફાયર ફૂડ્સના IPOમાં 12 શેરનો એક લોટ હશે. અપર પ્રાઇસ બેન્ડના સંદર્ભમાં, ઇશ્યૂમાં ઓછામાં ઓછા રૂ. 14,160નું રોકાણ કરવું જરૂરી રહેશે. ઇશ્યૂના 75 ટકા ક્વોલિફાઇડ ઇન્સ્ટિટ્યૂશનલ ઇન્વેસ્ટર્સ (QIBs), 15 ટકા બિન-સંસ્થાકીય ખરીદદારો માટે અને 10 ટકા રિટેલ રોકાણકારો માટે આરક્ષિત રહેશે.
સેફાયર ફૂડ્સ મોરેશિયસ કંપનીમાં 46.53 ટકા હિસ્સો ધરાવે છે, QSR મેનેજમેન્ટ ટ્રસ્ટ 5.96 ટકા, WWD રૂબી 18.79 ટકા, એમિથિસ્ટ પ્રા. લિ. પાસે 6.67 ટકા, AAJV ઇન્વેસ્ટમેન્ટ ટ્રસ્ટ 0.14 ટકા અને એડલવાઇસ ક્રોસઓવર ઓપોર્ચ્યુનિટીઝ ફંડ પાસે 6.83 ટકા હિસ્સો છે.