કોલેરાથી બચવા માટે પ્રદેશ છોડી ભાગી રહેલા લોકોની દરિયામાં બોટ પલટી જતા એક સાથે આટલા લોકોના મૃત્યુ, જાણો વિગત
દક્ષિણ આફ્રિકાના મોઝામ્બિકના ઉત્તરી કિનારે ૧૩૦થી વધુ લોકો ભરેલી ફિશિંગ બોટ ડૂબી જતાં 90થી વધુ લોકોના મોત થયા હતા. અધિકારીઓના જણાવ્યા અનુસાર, આ દુર્ઘટના ત્યારે થઈ જ્યારે લગભગ 130 લોકોને લઈને ફિશિંગ બોટ નામપુલા પ્રાંત નજીકના એક ટાપુ પર જઈ રહી હતી. નમ્પુલા સ્ટેટ સેક્રેટરી જેમે નેટોએ જણાવ્યું હતું કે, બોટ મુસાફરોને લઈ જવાની ક્ષમતા કરતાં વધુ ભરેલી હોવાને કારણે ડૂબી ગઈ હતી. જેમાં 91 લોકોએ જીવ ગુમાવ્યા હતા.
તેમણે એ પણ જણાવ્યું હતું કે, મૃત્યુ પામેલા લોકોમાં મોટાભાગના બાળકો સામેલ છે. બચાવકર્તાઓ દ્વારા તેમાંથી પાંચને બચાવી લેવાયા હતા. અને તેઓ અન્યોને શોધી રહ્યા છે, પરંતુ દરિયાની સ્થિતિ ઓપરેશનને મુશ્કેલ બનાવી રહી છે. નેટોએ જણાવ્યું હતું કે, મોટાભાગના મુસાફરો કોલેરા વિશે ખોટી માહિતીને કારણે ગભરાટથી પ્રદેશ છોડી ભાગી રહ્યા હતા. એક તપાસ ટીમ બોટ દુર્ઘટનાનું કારણ જાણવા માટે કામ કરી રહી છે. બચી ગયેલા પાંચમાંથી બેની હોસ્પિટલમાં સારવાર ચાલી રહી છે.
દક્ષિણ આફ્રિકના દેશોનો વિશ્વના સૌથી ગરીબ દેશોમાં સમાવેશ થાય છે. ઉપરાંત અહીં ઓક્ટોબરથી કોલેરા રોગના લગભગ 15,000 કેસ અને 32 મૃત્યુ નોંધાયા છે. નેમ્પુલાએ સૌથી વધુ અસરગ્રસ્ત વિસ્તાર છે, જે તમામ કેસોમાં ત્રીજા ભાગ માટે જવાબદાર છે. ઉપરાંત ત્યાંની લગભગ બે તૃતીયાંશ વસ્તી ગરીબીમાં જીવે છે, દેશે 2010 માં કાબો ડેલગાડોમાં શોધાયેલા વિશાળ કુદરતી ગેસ ભંડાર પર મોટી આશાઓ બાંધી હતી. પરંતુ 2017થી, ઇસ્લામિક સ્ટેટ જૂથ સાથે જોડાયેલા આતંકવાદીઓ દ્વારા ચલાવવામાં આવેલ બળવોએ પ્રગતિ અટકાવી દીધી છે. અને લડાઈ શરૂ થઈ ત્યારથી 5,000 થી વધુ લોકો માર્યા ગયા છે અને લગભગ 1 મિલિયન લોકોને તેમના ઘર છોડીને ભાગવાની ફરજ પડી છે.
❗⚓🇲🇿 - A shipwreck off the coast of Mozambique resulted in the deaths of more than 90 people. The fishing boat, used as a ferry and overcrowded, carried around 130 passengers, facing problems when trying to reach the island of Mozambique, in the province of Nampula. Many of… pic.twitter.com/zKddzgeoma — 🔥🗞The Informant (@theinformant_x) April 8, 2024
❗⚓🇲🇿 - A shipwreck off the coast of Mozambique resulted in the deaths of more than 90 people. The fishing boat, used as a ferry and overcrowded, carried around 130 passengers, facing problems when trying to reach the island of Mozambique, in the province of Nampula. Many of… pic.twitter.com/zKddzgeoma
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp