ભારતની સૌથી વધુ રેન્જવાળી ઇલેક્ટ્રિક કાર લોન્ચ; એકવાર ચાર્જ કર્યા બાદ 800 KMથી પણ વધુ ચાલશે, જાણો શું છે કિંમત?
લાઈફસ્ટાઈલ ડેસ્ક : ભારતની સૌથી રેન્જવાળી ઇલેક્ટ્રિક કાર લોન્ચ કરવામાં આવી છે. Mercedes-Benz એ તેની Mercedes-Benz EQS 580 4Matic ઇલેક્ટ્રિક કાર લોન્ચ કરી છે. આ લક્ઝરી EV 857 કિ.મી.ની ARAI પ્રમાણિત રેન્જ ધરાવે છે. તે ભારતમાં બનેલી પ્રથમ ઇલેક્ટ્રિક લક્ઝરી કાર પણ છે. તેનું ઉત્પાદન પૂણેના ચાકણમાં કંપનીના પ્લાન્ટમાં કરવામાં આવશે. કંપનીએ તેનું બુકિંગ શરૂ કરી દીધું છે. ગ્રાહકો તેને 25 લાખ રૂપિયામાં બુક કરાવી શકે છે.
મર્સિડીઝે તેની કિંમત 1.55 કરોડ રૂપિયા (એક્સ-શોરૂમ) રાખી છે. નવી લૉન્ચ થયેલી મર્સિડીઝ-બેન્ઝ EQS 580 એ વિશ્વની સૌથી વધુ એરોડાયનેમિક પ્રોડક્શન કાર છે. તેનો ડ્રેગ ગુણાંક માત્ર 0.20 છે. તેની લંબાઈ 5216mm, પહોળાઈ 1926mm, ઊંચાઈ 1512mm અને વ્હીલબેઝ 3210mm છે.
વાહનમાં, તમને 107.8 kWh નો મોટો બેટરી પેક આપવામાં આવ્યો છે, જે 385 kW પાવર અને 885 Nm ટોર્ક જનરેટ કરે છે. પાવરના આ આંકડાઓને કારણે કાર માત્ર 4.1 સેકન્ડમાં 0 થી 100 kmphની ઝડપ પકડી લે છે. તેમાં 10 ડિગ્રી સુધીનું રિયર-એક્સલ સ્ટીયરિંગ છે. ખાસ વાત એ છે કે આ વાહન માત્ર 15 મિનિટના ચાર્જ સાથે 300 KMની રેન્જ આપશે. જો કે, આ માટે, તેની EV ને 200 kWh અલ્ટ્રા-ક્વિક ડીસી ચાર્જરથી ચાર્જ કરવું પડશે.
Mercedes-Benz EQS 580માં 56-ઇંચની મોટી ડિસ્પ્લે છે, જેને હાઇપરસ્ક્રીન કહેવામાં આવે છે. વિશ્વની કોઈપણ કારમાં આ સૌથી મોટી સ્ક્રીન છે. આમાં ડ્રાઈવર ડિસ્પ્લે, સેન્ટર ઈન્ફોટેનમેન્ટ સ્ક્રીન અને પેસેન્જર ડિસ્પ્લે એક સાથે જોડાયેલા છે. તમારા સંગીતના અનુભવને વધારવા માટે, કારને હાઇ-એન્ડ બર્મેસ્ટર મ્યુઝિક સિસ્ટમ મળે છે. આ સિવાય મસાજ સીટ અને એમ્બિયન્ટ લાઇટિંગ જેવી સુવિધાઓ તમારી મુસાફરીને વધુ વૈભવી બનાવે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp