શું તમે પણ છો પત્નીથી પરેશાન! તો આ 'પત્ની પીડિત' આશ્રમ આપશે તમને સ્થાન, ત્રાસી થયેલા પતિઓએ બનાવ્યો આ આશ્રમ
ભારતમાં અજીબો ગરીબ ઘટના બનતી હોય છે. પરંતુ આ ઘટનાથી દરેક પરિણિત સ્ત્રીને ઝાટકો લાગી શકે છે. ઔરંગાબાદમાં પત્નીથી ખુશ ન રહેતા પતિઓએ 'પત્ની પીડિત' આશ્રમ બનાવ્યો છે. આ આશ્રમ ઔરંગાબાદથી લગભગ 12 કિમી દૂર મુંબઈ-શિરડી હાઈવે પર બનેલો છે. આ આશ્રમમાં કાગડાની પ્રતિમા પણ છે, જેની પૂજા કરવામાં આવે છે. અહેવાલો અનુસાર, અત્યાર સુધીમાં 500 લોકોએ અહીંથી સલાહ લીધી છે.
14મી જૂને દેશમાં વટ સાવિત્રી વ્રતની ઉજવણી કરવામાં આવી હતી. પત્નીઓ તેમના પતિ માટે શૃંગાર ધારણ કર્યું હતું. લાંબા આયુષ્યની કામના કરી ઉપવાસ રાખ્યા હતા. તમારે આ બધું જાણવું જ જોઈએ. પરંતુ મહારાષ્ટ્રના ઔરંગાબાદમાં કંઈક એવું બન્યું કે, જેના વિશે તમે વિચાર્યું પણ નહીં હોય. અહીં વટ સાવિત્રી ઉપવાસના એક દિવસ પહેલા પત્ની-પીડિત પુરુષોના સમૂહે પ્રાર્થના કરી હતી કે, તેમને આગામી જન્મમાં આવી પત્ની ન મળે. ચોંકાવનારો મામલો, જાણો શું છે આખી વાર્તા.
વટ સાવિત્રી વ્રતના એક દિવસ પહેલા, આ આશ્રમ સાથે સંકળાયેલા પતિઓએ પીપળના ઝાડની 108 ઊંધી પ્રદક્ષિણા કરી હતી. અહેવાલો અનુસાર, તેમણે પ્રાર્થના કરી હતી કે, તેમને આગામી જીવનમાં આવી પત્ની ન મળે. રિપોર્ટ્સ અનુસાર, આ આશ્રમના સંસ્થાપક ભરત ફુલારેએ જણાવ્યું હતું કે, વટ સાવિત્રી વ્રત પર મહિલાઓ વડના વૃક્ષની પૂજા કરે છે અને સુખી દામ્પત્ય જીવન જીવે છે. સાત જન્મોસુધી એ જ પતિ મેળવવા પ્રાર્થના કરે છે. આના એક દિવસ પહેલા બધા પુરુષો અહીં પીપળાના ઝાડની પૂજા કરી હતી અને પ્રાર્થના કરી હતી કે, આવી જીવનસાથી ફરી ન મળે.
મીડિયા રિપોર્ટ્સ અનુસાર, તેને શરૂ કરનાર ભરત ફુલારેએ પોતાના અંગત અનુભવ પછી આ આશ્રમની શરૂઆત કરી હતી. એવું કહેવાય છે કે, ભરત ફૂલારેની પત્નીએ તેની સામે ઘરેલુ હિંસા અધિનિયમ હેઠળ કેસ દાખલ કર્યો હતો. આ પછી, તેના જીવનમાં ઘણી મુશ્કેલીઓ આવી અને તેને કોઈપણ પ્રકારની કાયદાકીય સલાહ મેળવવી મુશ્કેલ બની ગઈ. ત્યારે તેને તેના જેવા કેટલાક પીડિત પુરુષો મળ્યા અને તેને કાનૂની લડાઈ લડવાનો વિચાર આવ્યો. રિપોર્ટ્સ અનુસાર આ આશ્રમની શરૂઆત 2016માં કરવામાં આવી હતી. અહેવાલો સૂચવે છે કે, આ આશ્રમના સભ્ય બનવું કે તેમાં પ્રવેશ મેળવવો એટલું સરળ નથી. આ માટે પત્ની તરફથી તમારા પર 20 કેસ હોવા જરૂરી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp