રાજકીય પક્ષો જીત હાંસલ કરવા માટે મહેનત કરી રહ્યા અને આ રાજ્યમાં તો મતદાન પહેલા જ આ 5 ઉમેદવારોની જીત પાક્કી..!જાણો કઈ રીતે?
Lok Sabha Election 2024 : દેશભરમાં હાલ લોકસભા ચૂંટણીનો માહોલ છે. રાજકીય પક્ષો જીત હાંસલ કરવા માટે સખત મહેનત કરી રહ્યા છે. શાસક પક્ષ અને વિપક્ષ તેમની તૈયારીઓમાં કોઈ કસર છોડવા માંગતા નથી. દરેક સીટ પર મજબૂત ઉમેદવારો ઉતારવાના પ્રયાસો થઈ રહ્યા છે. જોકે આપણાં દેશમાં એક એવું પણ રાજ્ય છે જ્યાં વિપક્ષને 5 સીટો પર કોઈ ઉમેદવાર મળી શક્યો નથી.
લોકસભા ચૂંટણીની સાથે અરુણાચલ પ્રદેશમાં વિધાનસભાની ચૂંટણી પણ છે. અહીંના લોકો 19 એપ્રિલે તેમના સાંસદ અને ધારાસભ્યને ચૂંટશે. પરંતુ રાજ્યની 5 બેઠકો પર મતદાન પહેલા જ પાંચ નેતાઓ જીતી જશે. મુખ્યમંત્રી પેમા ખાંડુ અને ભાજપના અન્ય ચાર ઉમેદવારો બિનહરીફ ધારાસભ્ય તરીકે ચૂંટાશે તે નિશ્ચિત છે.બુધવારે ફોર્મ ભરવાનો છેલ્લો દિવસ હતો. તેમની વિધાનસભા બેઠક પરથી અન્ય કોઈ ઉમેદવારે ઉમેદવારી નોંધાવી નથી.
60 સભ્યોની અરુણાચલ વિધાનસભા અને બે લોકસભા મતવિસ્તાર (અરુણાચલ પશ્ચિમ અને અરુણાચલ પૂર્વ) માટે 19 એપ્રિલે મતદાન થશે. અરુણાચલ પ્રદેશની બે લોકસભા બેઠકો માટે 15 ઉમેદવારો પોતાનું નસીબ અજમાવશે.
સગાલીથી એર રાતૂ તેચી નિર્વિરોધ જીત મેળવવા માટે એક વધુ પ્રમુખ દાવેદાર તરીકે ઉભર્યા છે. આ ઉપરાંત નિચલે સુબનસિરી જિલ્લાના ઝીરોથી એર હેજ અપ્પાએ પણ કોઈ વિરોધનો સામનો કરવો પડ્યો નથી. જેના કારણે ભાજપની સ્થિતિ વધુ મજબૂત બની છે.
આ ઉપરાંત તાલીથી જિક્કે તાકો, તલિહાથી ન્યાતો ડુકોમ, સાગાલીથી રાતુ તેચી અને રોઈંગ વિધાનસભા મતવિસ્તારોથી મુચ્ચુ મીઠી પણ નિર્વિરોધ જીત મેશવશે. અત્રે જણાવવાનું કે સાગલીથી વિધાયક તરીકે 30 વર્ષ સેવા આપનારા પૂર્વ મુખ્યમંત્રી નબામ તુકીએ આ વખતે સંસદીય ચૂંટણી લડવાનો નિર્ણય લીધો છે. તેઓ આલોથી ચૂંટણી લડી રહ્યા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp