કાલી માતા પર ટિપ્પણી પડી મોંઘી; મહુઆ મોઇત્રા પર FIR નોંધાઈ, સ્વરાએ પણ આડકતરી રીતે આ વિવાદમાં ઝંપલાવ્યું
ફિલ્મ નિર્માતા લીના મણિમેકલાઈની આગામી ડોક્યુમેન્ટરી ફિલ્મ 'કાલી'એ સમગ્ર દેશમાં હંગામો મચાવી દીધો છે. લોકો આ પોસ્ટરનો ઉગ્ર વિરોધ કરી રહ્યા છે, લીના મણિમેકલાઈ સામે FRI પણ નોંધવામાં આવી છે. 'કાલી'ના આ પોસ્ટરને લઈને દેશ-વિદેશમાં વાંધો ઉઠાવવામાં આવી રહ્યો છે, ત્યારે આ દરમિયાન ફિલ્મ અભિનેત્રી સ્વરા ભાસ્કરે લીના મણિમેકલાઈ અને 'કાલી'ના પોસ્ટરને આડકતરી રીતે સમર્થન આપ્યું છે.
સ્વરાએ સીધી રીતે સમર્થન ન આપતા, તૃણમૂલ કોંગ્રેસના સાંસદ મહુઆ મોઈત્રાના ખુલ્લેઆમ બોલવા બદલ વખાણ કર્યા છે. વાસ્તવમાં, તૃણમૂલ કોંગ્રેસના સાંસદ મહુઆ મોઇત્રાએ ઇન્ડિયા ટુડે કોન્ક્લેવ ઇસ્ટ 2022માં તેમની ભાગીદારી દરમિયાન કહ્યું હતું કે, 'કાલીના ઘણા રૂપ હોય છે, મારા માટે, કાલી એટલે માંસ પ્રેમી અને વાઇન સ્વીકારનાર દેવી છે. લોકોના જુદા જુદા મંતવ્યો હોય છે, મને આ મુદ્દે કોઈ સમસ્યા નથી.'
સ્વરાએ મહુઆ મોઇત્રાના આ નિવેદનને સમર્થન આપ્યું છે અને અવાજ ઉઠાવવા બદલ તેના વખાણ કર્યા છે. મહુઆ મોઇત્રાને તેના ઓફિશિયલ ટ્વિટર હેન્ડલ પર ટેગ કરતાં સ્વરાએ લખ્યું, 'મહુઆ મોઇત્રા શાનદાર હે, ઉનકી આવાઝ કો ઔર હિંમત મિલે.'
વાસ્તવમાં, આ વિવાદ ત્યારે શરૂ થયો જ્યારે લીનાએ તેના સત્તાવાર ટ્વિટર હેન્ડલ પર ડોક્યુમેન્ટ્રી 'કાલી'નું પોસ્ટર શેર કર્યું. આ પોસ્ટરમાં, મા કાલી ખૂબ કાળજી સાથે સિગારેટ પીતી બતાવવામાં આવી છે અને તેના એક હાથમાં ગે સમુદાયનો ધ્વજ છે. મા કાલીના આ પોસ્ટરને લઈને ઘણો વિવાદ થઈ રહ્યો છે. લોકો ફિલ્મ નિર્માતા પર ધાર્મિક ભાવનાઓને ઠેસ પહોંચાડવાનો આરોપ લગાવી રહ્યા છે અને તેની ધરપકડ કરવાની માંગ કરવામાં આવી રહી છે. ફિલ્મ નિર્માતા વિરુદ્ધ દેશના અલગ-અલગ શહેરોમાં FIR દાખલ કરવામાં આવી છે.
દસ્તાવેજી ફિલ્મ "કાલી" વિશે વિવાદાસ્પદ અને વાંધાજનક ટિપ્પણી કરવા બદલ TMC સાંસદ મહુઆ મોઇત્રા વિરુદ્ધ પણ ભોપાલમાં FIR નોંધવામાં આવી છે. મોઇત્રાએ મા કાલીને દારૂ અને માસ સ્વીકારતી દેવી ગણાવી હતી. હવે ભોપાલના ક્રાઈમ બ્રાન્ચ પોલીસ સ્ટેશનમાં મહુઆ મોઈત્રા વિરુદ્ધ આઈપીસીની કલમ 295A હેઠળ ધાર્મિક ભાવનાઓને ઠેસ પહોંચાડવાનો કેસ નોંધવામાં આવ્યો છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp