પંજાબી ગાયક અલ્ફાઝ પર હુમલો થયો હોવાની હની સિંહની પોસ્ટ અફવા? રવિવારે રાત્રે મુકેલી પોસ્ટ સોમવારે ડિલીટ કરી
આ વર્ષે, પંજાબી ગાયક સિદ્દુ મૂઝવાલાની હત્યાના દિવસથી સંગીત ઉદ્યોગ આઘાતમાં છે. દરમિયાન હવે સમાચાર આવ્યા છે કે પંજાબી ગાયક અલ્ફાઝ પર પણ જીવલેણ હુમલો થયો છે. કરોડરજ્જુની ઇજાને કારણે અલ્ફાઝને મોહાલીની એક ખાનગી હોસ્પિટલમાં દાખલ કરવામાં આવ્યો છે. ફેમસ રેપર હની સિંહે આ જાણકારી આપી છે.
અહેવાલો અનુસાર, પંજાબી ગાયક અલ્ફાઝ ગઈકાલે રાત્રે એક કાર્યક્રમમાંથી પરત ફરી રહ્યો હતો ત્યારે બનુર માર્ગ પર આ અકસ્માત થયો હતો. રસ્તામાં, તે કોઈ કામ માટે કારમાંથી નીચે ઉતર્યાો અને અચાનક એક ઝડપી ઓટોએ તેને ટક્કર મારી. ઘટના સમયે તેની સાથે તેના વાહનમાં કેટલાક અન્ય મિત્રો પણ હતા, જેમણે અલ્ફાઝને ગંભીર હાલતમાં મોહાલીની ખાનગી હોસ્પિટલમાં દાખલ કર્યો હતો.
રેપર યો યો હની સિંહે હોસ્પિટલમાંથી અલ્ફાઝની તસવીર શેર કરી અને સોશિયલ મીડિયા પર કહ્યું, 'મારા ભાઈ અલ્ફાઝ પર ગઈકાલે રાત્રે હુમલો થયો હતો. જેમણે આ હુમલાનું આયોજન કર્યું છે તેને હું છોડીશ નહીં. મારા આ શબ્દો યાદ રાખો. આ સાથે હની સિંહે તેના ચાહકોને આલ્ફાસ માટે પ્રાર્થના કરવાની પણ અપીલ કરી હતી. જોકે, સોમવારે સવારે હની સિંહે આ પોસ્ટ ડિલીટ કરી દીધી હતી.
મળતી માહિતી મુજબ આ અકસ્માતમાં અલ્ફાઝને કરોડરજ્જુમાં ઈજા થઈ છે. સોશિયલ મીડિયા પર લોકો તેને શુભેચ્છા પાઠવી રહ્યા છે. જો કે સોશિયલ મીડિયા પર ઘણા લોકો આ ઘટનાને અફવા ગણાવીને રોડ અકસ્માત ગણાવી રહ્યા છે.અલ્ફાઝના કરિયરની વાત કરીએ તો તેણે માત્ર 14 વર્ષની ઉંમરથી પંજાબી મ્યુઝિક ઈન્ડસ્ટ્રીમાં કામ કરવાનું શરૂ કર્યું હતું. અત્યાર સુધીમાં તેણે 2500 થી વધુ ગીતો લખ્યા છે. 2011માં તેનું પહેલું ગીત 'હૈ મેરા દિલ' ખૂબ જ પસંદ કરવામાં આવ્યું હતું. તે હની સિંહના સૌથી ખાસ મિત્રોમાંથી એક માનવામાં આવે છે. તેણે હની સિંહ સાથે ઘણા ગીતો ગાયા છે. બંનેએ સાથે અનેક શો કર્યા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp