શું સાચે જ ઈમરાનની હત્યાનું કાવતરું ઘડાયું હતું? કાવતરું ઘડનારા વ્યક્તિઓના વીડિયો રેકોર્ડિંગ અને નામ ચોરાયા
વર્લ્ડ ડેસ્ક: પાકિસ્તાનના પૂર્વ વડાપ્રધાન ઈમરાન ખાનના બે મોબાઈલ ફોન ચોરાઈ ગયા છે. પરંતુ આ ફોનની ચોરીના સમય પર સવાલો ઉઠી રહ્યા છે. પાકિસ્તાનની ટોચની સત્તાધારી પાર્ટીના નેતા મરિયમ નવાઝે ઈમરાન ખાન પાસે તેમના કથિત "હત્યાના કાવતરા"ના પુરાવા માંગ્યા હતા.
આ પછી, હવે ઈમરાન ખાનના એક સહયોગીએ કહ્યું કે પૂર્વ પીએમના બે સેલફોન, જેમાં તેમની હત્યાનું કાવતરું ઘડનારા તમામ વ્યક્તિઓના વીડિયો રેકોર્ડિંગ અને નામ ચોરાયા હતા. પાકિસ્તાનના ભૂતપૂર્વ વડા પ્રધાન ઈમરાન ખાને તેમની હત્યાનું કથિત ષડયંત્ર ઘડનારા તમામ લોકોના નામ જાહેર કરતી વીડિયો ક્લિપ બનાવવાનો દાવો કર્યા પછી તેમના બે મોબાઈલ ફોન ચોરાઈ ગયા હતા. આ માહિતી સોમવારે સામે આવી છે.
ખાનના પ્રવક્તા શાહબાઝ ગિલે ટ્વીટ કર્યું હતું કે ખાન શનિવારે સિયાલકોટ એરપોર્ટ પરથી એક રેલીને સંબોધિત કરવા માટે સિયાલકોટ ગયા હતા ત્યારે તેમનો ફોન ચોરાઈ ગયો હતો.
ભૂતપૂર્વ વડા પ્રધાને રેલીમાં તેમના સમર્થકોને કહ્યું હતું કે તેમનો જીવ જોખમમાં છે અને તેમણે "તમામ કાવતરાખોરો" ના નામ જાહેર કરતો એક વીડિયો રેકોર્ડ કર્યો હતો. તેણે ચેતવણી આપી હતી કે જો તેની (ખાન) હત્યા કરવામાં આવશે તો તે સ્થિતિમાં આ વીડિયો જાહેર કરવામાં આવશે.
ગિલે કહ્યું કે એક તરફ ઈમરાન ખાનને જાણી જોઈને કોઈ સુરક્ષા આપવામાં આવી નથી અને બીજી તરફ તેમના બે ફોન ચોરાઈ ગયા છે. ભૂતપૂર્વ સલાહકારે કોઈનું નામ લીધા વિના કહ્યું, "તમે સંપૂર્ણપણે મૂંઝવણમાં છો, કારણ કે ખાને જે વીડિયો રેકોર્ડ કર્યા છે તે આ ફોનમાં નથી."
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp