યુપીના ઝાંસી મેડિકલ કોલેજમાં ભીષણ આગ, 10 બાળકોના મોત, CM યોગીએ દુઃખ વ્યક્ત કર્યું.
ઝાંસી મેડિકલ કોલેજના શિશુ વોર્ડમાં આગ લાગી હતી. આગમાં 10 બાળકોના મોત થયા છે. જ્યારે 30થી વધુ બાળકોને બચાવી લેવાયા છે. સીએમ યોગીએ આ ઘટના પર દુખ વ્યક્ત કર્યું છે.ઝાંસી મેડિકલ કોલેજના શિશુ વોર્ડમાં શુક્રવારે રાત્રે ભીષણ આગ લાગી હતી. આ અકસ્માતમાં અત્યાર સુધીમાં 10 બાળકોના મોત થયા છે. જ્યારે પાંચ બાળકોની હાલત નાજુક હોવાનું કહેવાય છે. રેસ્ક્યુ ટીમ બચાવ કાર્યમાં લાગેલી છે. વોર્ડમાં 47 જેટલા નવજાત શિશુઓને દાખલ કરાયા હતા. શુક્રવારે મોડી રાત્રે, મહારાણી લક્ષ્મીબાઈ મેડિકલ કોલેજના નિયોનેટલ ઇન્ટેન્સિવ કેર યુનિટના SNCU વોર્ડમાં ભીષણ આગને કારણે 10 નવજાત શિશુઓ સળગી જવાથી અને ગૂંગળામણને કારણે મૃત્યુ પામ્યા હતા. જ્યાં આગ લાગી તે વોર્ડમાં 47 નવજાત શિશુઓ દાખલ હતા.
સમાચાર લખાય છે ત્યાં સુધી વોર્ડમાંથી 31 નવજાત બાળકોને બહાર કાઢવામાં આવ્યા હતા. અકસ્માતની માહિતી મળતા જ ફાયર બ્રિગેડની ગાડીઓ ઘટના સ્થળે પહોંચી ગઈ હતી. સેનાને પણ બોલાવવામાં આવી હતી. સેના અને ફાયર બ્રિગેડની ગાડીઓ આગ ઓલવવામાં વ્યસ્ત છે. દસ નવજાત શિશુઓના મોતથી હોસ્પિટલ પરિસરમાં અફરાતફરીનો માહોલ છે. નવજાત શિશુના માતા-પિતા પણ તેમના નવજાતને બચાવવા માટે આજીજી કરી રહ્યા છે. પ્રારંભિક તપાસમાં એવું કહેવામાં આવી રહ્યું છે કે તે સિલિન્ડર બ્લાસ્ટ હતો.
હોસ્પિટલની બારીના કાચ તોડીને બાળકો અને દર્દીઓને બહાર કાઢવામાં આવ્યા હતા. સૂત્રોએ જણાવ્યું કે લગભગ 31 બાળકોને બચાવી લેવામાં આવ્યા છે. સૂત્રોનું કહેવું છે કે વોર્ડમાં 47 જેટલા બાળકોને દાખલ કરવામાં આવ્યા હતા. પરિવારના સભ્યોનો આરોપ છે કે તેમને તેમના બાળકોને મળવા દેવામાં આવતા નથી.
સીએમ યોગીએ દુઃખ વ્યક્ત કર્યું
મુખ્યમંત્રી યોગી આદિત્યનાથે ઝાંસીની આગની ઘટના પર શોક વ્યક્ત કર્યો છે. સીએમ યોગીએ મૃતક બાળકોના શોકગ્રસ્ત પરિવારો પ્રત્યે સંવેદના વ્યક્ત કરી છે. મુખ્યમંત્રી યોગીએ અધિકારીઓને તાત્કાલિક ઘટનાસ્થળે પહોંચીને રાહત કાર્યને ઝડપી બનાવવા સૂચના આપી છે. સીએમ યોગીએ ઘાયલોની યોગ્ય સારવાર માટે સૂચના આપી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp