BCCIને લાગશે કરોડોનો ઝટકો! આ કામો પર રોક લગાવી શકે છે સરકાર
ભારતીય ક્રિકે કંટ્રોલ બોર્ડ (BCCI) દુનિયાભરમાં સૌથી અમીર ક્રિકેટ બોર્ડ છે, પરંતુ ભારત સરકારનું સ્વાસ્થ્ય મંત્રાલય હવે BCCIની સારી એવી કમાણીને ઝટકો આપી શકે છે. સ્વાસ્થ્ય મંત્રાલય હવે મેચ દરમિયાન દેખાડવામાં આવતી તંબાકુ અને ગુટખાઓની જાહેરાતને બંધ કરાવી શકે છે. ભારતીય ટીમની મેચ અને ઇન્ડિયન પ્રીમિયર લીગ (IPL) મેચો દરમિયાન ટી.વી.થી લઇને મેદાન દરેક જગ્યાએ જાહેરાત નજરે પડે છે. આ જ જાહેરાતોના માધ્યમથી BCCIની સારી એવી કમાણી પણ થાય છે. પરંતુ સ્વાસ્થ્ય મંત્રાલયનો નિર્ણય BCCIની કમાણીને મોટો ઝટકો આપી શકે છે.
મીડિયા રિપોર્ટ મુજબ, સ્વાસ્થ્ય મંત્રાલય એક મોટો નિર્ણય લેવા પર વિચાર કરી રહ્યું છે. તે ક્રિકેટ મેચ દરમિયાન દેખાડવામાં આવતી તંબાકુ અને ગુટખાઓની જાહેરાતોને બંધ કરાવી શકે છે. સ્વાસ્થ્ય મંત્રાલય આ બાબતે જલદી જ BCCI સાથે વાત કરી શકે છે. 2023માં ધૂમ્રરહિત તંબાકુ (SLT) બ્રાન્ડ્સની બધી સરોગેટ જાહેરાતમાંથી 41.3 ટકાને વન-ડે વર્લ્ડ કપ (ભારતમાં થયો હતો)ની અંતિમ 17 મેચો દરમિયાન દેખાડવામાં આવી હતી. આ વાત ભારતીય ચિકિત્સા અનુસંધાન પરિષદ (ICMR) અને વિશ્વ આરોગ્ય સંસ્થા વાઇટલ સ્ટ્રેટેજિસની સ્ટડીમાં જાણકારી મળી છે. આ રિપોર્ટ મે મહિનામામાં બ્રિટિશ મેડિકલ જર્નલમાં પબ્લિશ થયો હતો.
સ્વાસ્થ્ય મંત્રાલય ક્રિકેટ સ્ટેડિયમમાં ધૂમ્રરહિત તંબાકુની જાહેરાત પર રોક લગાવવાની એક પ્લાનિંગ તૈયાર કરી રહ્યું છે. તેને લઇને તે BCCI સાથે પણ વાત કરશે. રિપોર્ટમાં એક અધિકારીના સંદર્ભે લખ્યું કે, ‘યુવાઓ વચ્ચે ક્રિકેટ મેચ ખૂબ ફેમસ છે. આ દરમિયાન ઘણા મામલા પણ સામે આવ્યા છે, જ્યારે ક્રિકેટ મેચો અને સેલિબ્રિટી એન્ડોર્સમેન્ટ દરમિયાન તંબાકુની જાહેરાત દેખાડવામાં આવી છે. તે ઇનડાયરેક્ટ યુવાઓને આકર્ષિત કરે છે. સ્વાસ્થ્ય મંત્રાલયનું DGHS જલદી જ આ બાબતે BCCI સાથે વાત કરી શકે છે અને તેને આ પ્રકારની જાહેરાતો પર રોક લગાવવાનો આગ્રહ કરી શકે છે. જો નિયમની વાત કરીએ તો સિગારેટ અને અન્ય તંબાકુ ઉત્પાદન અધિનિયમ (COTPA)ની કલમ 5 અને કેબલ ટેલિવિઝન નિયમ 1995 હેઠળ ફિલ્મ અને ટેલિવિઝનમાં તંબાકુ ઉત્પાદનોના કોઇ પણ પ્રત્યક્ષ અને આ પ્રત્યક્ષ જાહેરાતના પ્રદર્શન પર રોક લગાવવામાં આવી છે. 1 સપ્ટેમ્બર 2023થી પ્રતિબંધને ઓવર ધ ટોપ (OTT) પ્લેટફોર્મ સુધી વધારી દેવામાં આવ્યું છે અને એમ કરનાર ભારત પહેલો દેશ બની ગયો છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp