ભાવિશ અગ્રવાલની પોસ્ટની ઓલા ઇલેક્ટ્રિકના શેર પર પડી ભારે અસર, એક જ ઝટકામાં મોટું નુકસાન

5 ઓક્ટોબર, શનિવારનો દિવસ હતો. બજાર બંધ હતું, પરંતુ હંમેશાંની જેમ સોશિયલ મીડિયા પર પોસ્ટને લાઇક અને રીપોસ્ટ કરવાનું કામ ચાલી રહ્યું હતું. દરમિયાન, ઓલા ઇલેક્ટ્રિકના સીઇઓ ભાવિશ અગ્રવાલે તેમના આઇડી પરથી ઓલા ગીગાફેક્ટરીની તસવીર પોસ્ટ કરી, જે બીજા દિવસે એટલે કે 6 ઓક્ટોબરે રીપોસ્ટ કરતા સ્ટેન્ડ અપ કોમેડિયન કુણાલ કામરાએ નીતિન ગડકરીને ટેગ કરી દીધા. ત્યારબાદ ભાવિશ અગ્રવાલ અને કુણાલ કામરા વચ્ચે ઉગ્ર બોલાચાલી થઇ હતી.

આજે તેની અસર કંપનીના શેર પર પણ જોવા મળી છે. જ્યારે 7 ઓક્ટોબરે બજાર ખુલ્યું ત્યારે શેરમાં 9%નો ઘટાડો આવી ગયો હતો. આજની સ્ટોરીમાં આપણે એટલું જ નહીં સમજીએ કે આ બંને વચ્ચેની ચર્ચાનો મુદ્દો શું હતો? આપણે એ પણ જાણીશું કે કંપનીના શેર સતત કેમ ઘટી રહ્યા છે?

ઓલા ઇલેક્ટ્રિક તાજેતરમાં જ માર્કેટમાં લિસ્ટ થઇ હતી. લિસ્ટિંગ બાદ કંપનીના શેરમાં જોરદાર ઉછાળો જોવા મળ્યો હતો. તેણે રોકાણકારોને બમ્પર વળતર પણ આપ્યું. ત્યારબાદ, ઓલા ઇલેક્ટ્રિકના શેરમાં સતત તેજી અટકી ગઇ હતી. 157 રૂપિયાની ઊંચી સપાટી બનાવ્યા બાદ શેર હવે રૂ.90 પર ટ્રેડ કરી રહ્યા છે.

શેરમાં આ ઘટાડા પાછળ બે મુખ્ય કારણો છે. પ્રથમ એ છે કે કંપનીએ થોડા દિવસો અગાઉ 4 વ્હીલર પ્રોગ્રામને હોલ્ડ પર મૂક્યો હતો. કંપનીના CEOએ કહ્યું હતું કે અત્યારે તેમનું ફોકસ ટૂ-વ્હીલર કેટેગરીમાં વિસ્તરણ કરવા પર છે.  કંપની આગામી 2 વર્ષ સુધી ઇલેક્ટ્રિક કાર લોન્ચ કરવાની યોજના પર રોક લગાવી રહી છે. ત્યારબાદ શેર પર થોડી અસર જોવા મળી હતી. સ્ટોકમાં ઘટાડો આવ્યા. જ્યારે આ બધું ચાલી રહ્યું હતું, ત્યાં સુધી ઓલા સ્કૂટર સંબંધિત વીડિયો સોશિયલ મીડિયા પર વાયરલ થવા લાગ્યા.

કંપનીની સેવા સામે ગુસ્સો વ્યક્ત કરતા એક ગ્રાહકે તેના સ્કૂટર પર સરઘસ કાઢ્યું હતું. યુવકે કહ્યું કે તે લાંબા સમયથી કંપનીની સેવાથી પરેશાન છે. તેમની ગાડી રિપેર કરવામાં આવી રહી નથી. આ ઘટાડાનું બીજું કારણ એ છે કે, સ્કૂટરમાં આવેલી ખામી અને ઓલાના સર્વિસ સેન્ટરમાં તેનું સમાધાન ન થવાના પણ ઘણા સમાચાર હતા. ઘણા ગ્રાહકોએ જાહેર પ્લેટફોર્મ પર ખુલ્લેઆમ તેમની ફરિયાદો કરી છે. આ સમસ્યાને લઇને કુણાલ કામરાએ ભાવિશ અગ્રવાલની પોસ્ટ પર કટાક્ષ કર્યો હતો.

કામરાએ ઘણા ઓલા ઇલેક્ટ્રિક સ્કૂટરની તસવીર પોસ્ટ કરી, જે કથિત રીતે રિપેરિંગ માટે સર્વિસ સેન્ટરમાં એકસાથે ઊભા હતા. કામરાએ તસવીર સાથે લખ્યું કે શું ભારતીય ગ્રાહકોનો અવાજ છે? શું આ તેમને મળવું જોઇએ? ટૂ-વ્હીલર એ ઘણા દૈનિક વેતનવાળા મજૂરોની જીવનરેખા છે. કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીને ટેગ કરીને તેમણે પૂછ્યું કે શું ભારતીયો પણ આ જ રીતે EVનો ઉપયોગ કરશે? કામરાએ એમ પણ કહ્યું કે જેમને ઓલા ઇલેક્ટ્રિક સાથે કોઇ સમસ્યા હોય તેમણે દરેકને ટેગ કરીને નીચે તેમની કહાની લખવી જોઇએ.

તેના પર અગ્રવાલે જવાબ આપ્યો કે તમે ખૂબ કાળજી રાખો છો, આવો અને અમને મદદ કરો! હું તમને તમારા અથવા તમારી નિષ્ફળ કારકિર્દીના આ પેઇડ ટ્વીટ કરતા વધુ પૈસા આપીશ. અથવા ચૂપ રહો અને ચાલો ગ્રાહકોની વાસ્તવિક સમસ્યાઓને ઠીક કરવા પર ધ્યાન કેન્દ્રિત કરવા દો. તેમણે વધુમાં કહ્યું કે અમે ઝડપથી સર્વિસ નેટવર્કનો વિસ્તાર કરી રહ્યા છીએ અને ટૂંક સમયમાં લાંબી કતારો દૂર થઇ જશે. ત્યારબાદ પણ બંને વચ્ચે એક્સ પર જોરદાર બહેસબાજી થઇ.