BREKING: ડોનાલ્ડ ટ્રમ્પે અમેરિકાના 47માં રાષ્ટ્રપતિ તરીકે શપથ લીધા, જુઓ વીડિયો

Donald Trump: સોમવારે અમેરિકામાં આશાની નવી સવાર થઈ ચૂકી છે. ડોનાલ્ડ ટ્રમ્પે અમેરિકાના 47મા રાષ્ટ્રપતિ તરીકે શપથ લઈ લીધા છે. વ્હાઇટ હાઉસને દુલ્હનની જેમ શણગારવામાં આવ્યું હતું, જ્યાં વિશ્વભરના પ્રતિષ્ઠિત મહેમાનો એકઠા થયા હતા.  ડોનાલ્ડ ટ્રમ્પે બીજી વખત અમેરિકાના રાષ્ટ્રપતિ તરીકે શપથ લીધા. શપથ ગ્રહણ સમારોહમાં ટ્રમ્પનો આખો પરિવાર હાજર હતો. આ સાથે જ ટ્રમ્પના શપથ ગ્રહણમાં ભારતીય મૂળના Googleના CEO સુંદર પિચાઈ પણ હાજર રહ્યા હતા.

અમેરિકન પ્રમુખોના શપથમાં માત્ર 35 શબ્દો હોય છે. અમેરિકાના 47માં રાષ્ટ્રપતિ તરીકે શપથ લેતાં ડોનાલ્ડ ટ્રમ્પે કહ્યું કે 'હું સત્યનિષ્ઠાપૂર્વક શપથ લઉં છું કે હું યુનાઇટેડ સ્ટેટ્સના રાષ્ટ્રપતિ પદનું નિષ્ઠાપૂર્વક વહન કરીશ. અને પોતાની પૂરી ક્ષમતાથી સંયુક્ત રાજ્ય અમેરિકાના બંધારણની જાળવણી, રક્ષણ અને બચાવ કરીશ.

નવા ચૂંટાયેલા રાષ્ટ્રપતિ ટ્રમ્પના મંત્રીમંડળમાં મોટી કંપનીઓના CEOને પણ સ્થાન મળ્યું છે. મેટા, X અને એમેઝોનના CEO રાષ્ટ્રપતિ-ચૂંટાયેલાના સમગ્ર મંત્રીમંડળ સમક્ષ બેઠા હતા. આ એક સંકેત છે કે ટ્રમ્પે કેટલીક સૌથી શક્તિશાળી કંપનીઓ અને સોશિયલ મીડિયા પ્લેટફોર્મના વડાઓને તેમની એજન્સીના વડાઓ કરતાં વધુ મહત્ત્વ આપ્યું છે.

BREAKING: Donald J. Trump is sworn in as the 47th President of the United States. pic.twitter.com/zFFfNGHwXh

— Fox News (@FoxNews) January 20, 2025

પોતાના પહેલા ભાષણમાં તેમણે કહ્યું કે, 'અમેરિકા પહેલા કરતા વધુ મહાન, મજબૂત અને અસાધારણ બનશે.' દેશમાં પરિવર્તનની લહેર છે. સૂર્યપ્રકાશ આખી દુનિયા પર પડી રહ્યો છે. અમેરિકા પાસે આ તકનો પહેલા કરતા વધુ સારી રીતે લાભ લેવાની તક છે.

ટ્રમ્પે કહ્યું કે, "જે લોકો અમારા કામમાં અવરોધ ઉભો કરવાનો પ્રયાસ કરે છે તેમણે મારી સ્વતંત્રતા અને હકીકતમાં, મારું જીવન છીનવી લેવાનો પ્રયાસ કર્યો છે." થોડા મહિના અગાઉ, પેન્સિલવેનિયામાં એક ગોળી મારા કાનમાં વાગી ગઈ. પણ મને ત્યારે પણ લાગ્યું અને અત્યારે પણ લાગે છે કે મારું જીવન કોઈ કારણસર બચી ગયું છે. અમેરિકાને ફરીથી મહાન બનાવવા માટે ભગવાને મને બચાવ્યો.

લોસ એન્જલસમાં લાગેલી આગ પર ટ્રમ્પે કહ્યું કે, 'અમે આવું થવા દઈ શકીએ નહીં. આપણી પાસે જાહેર આરોગ્ય પ્રણાલી છે જે આપત્તિના સમયે કામ કરતી નથી, તેમ છતા તેના પર વિશ્વના કોઈપણ દેશ કરતા વધુ નાણાં ખર્ચવામાં આવે છે. આપણી પાસે એક એવી શિક્ષણ પ્રણાલી છે જે આપણા બાળકોને ઘણા કિસ્સાઓમાં પોતાના પ્રત્યે શરમાવાનું અને આપણા દેશને ધિક્કારવાનું શીખવે છે. આ બધું આજથી જ બદલાઈ જશે.

મેટા, X અને એમેઝોનના CEO રાષ્ટ્રપતિ-ચૂંટાયેલાના સમગ્ર મંત્રીમંડળ સમક્ષ બેઠા હતા. આ એક સંકેત છે કે ટ્રમ્પે કેટલીક સૌથી શક્તિશાળી કંપનીઓ અને સોશિયલ મીડિયા પ્લેટફોર્મના વડાઓને તેમની એજન્સીના વડાઓ કરતાં વધુ મહત્ત્વ આપ્યું છે. ટ્રમ્પના શપથ ગ્રહણ માટે અમેરિકન સુપ્રીમ કોર્ટના તમામ 9 ન્યાયાધીશો યુએસ કેપિટોલમાં હાજર રહ્યા હતા. રોબર્ટ્સની આગેવાની હેઠળ બધા અંદર પ્રવેશ્યા હતા. નિવૃત્ત ન્યાયાધીશ સ્ટીફન બ્રેયર પણ હાજર રહ્યા હતા.

ટ્રમ્પના શપથ ગ્રહણ સમયે સુરક્ષા વ્યવસ્થા આવી હતી

25,000 અધિકારીઓ, 30 માઇલ ફેન્સિંગ અને દરેક જગ્યાએ પેટ્રોલિંગ. એવું કહેવામાં આવી રહ્યું છે કે અમેરિકાના ઈતિહાસમાં આ સૌથી સુરક્ષિત શપથ ગ્રહણ સમારોહ હતો. વાસ્તવમાં, ટ્રમ્પ પરના હુમલા બાદ, ગુપ્ત સેવાઓનું કહેવું છે કે કોઈપણ ધમકીને અવગણવામાં આવી રહી નથી.