LMLનું પ્રથમ ઈલેક્ટ્રિક સ્કૂટર રજૂ; Freeમાં કરાવી શકો છો બૂકિંગ, જાણો આ સ્કૂટરની વિશેષતાઓ અને કિંમત
LML એ તેના આગામી ઇલેક્ટ્રિક સ્કૂટર LML Start નું બુકિંગ શરૂ કરી દીધું છે. કંપનીએ ગયા મહિને જ તેના ત્રણ ઇલેક્ટ્રિક ટુ-વ્હીલર રજૂ કર્યા હતા, જેમાં આ સ્કૂટર સામેલ હતું. કંપનીએ કહ્યું કે તેણે તેની સત્તાવાર વેબસાઇટ પર નવી સ્ટાર EV માટે ઓનલાઈન બુકિંગ શરૂ કરી દીધું છે. ગ્રાહકો કંપનીની વેબસાઈટ દ્વારા ફોર્મ ભરી શકે છે અને કોઈપણ પૈસા ચૂકવ્યા વગર સ્કૂટર બુક કરાવી શકે છે.
એવું માનવામાં આવે છે કે ભારતમાં કંપનીની વાપસી બાદ આ પહેલી પ્રોડક્ટ હશે, જેને કંપની વેચવા જઈ રહી છે. આ સ્કૂટરની ડિઝાઈન માર્કેટના બાકીના ઈલેક્ટ્રિક સ્કૂટર્સથી એકદમ અલગ છે. આમાં, તમને એક અલગ ડિઝાઇન, એડજસ્ટેબલ બેઠક, એક ઇન્ટરેક્ટિવ સ્ક્રીન અને ફોટોસેન્સિટિવ હેડલેમ્પ્સ મળે છે. સ્કૂટરમાં 360-ડિગ્રી કેમેરા, હેપ્ટિક ફીડબેક અને LED લાઇટિંગ છે.
એલએમએલના એમડી અને સીઈઓ યોગેશ ભાટિયાએ જણાવ્યું હતું કે, “અમને એ જાહેરાત કરતાં આનંદ થાય છે કે અમારી ફ્લેગશિપ પ્રોડક્ટ, એલએમએલ સ્ટાર માટે બુકિંગ શરૂ થઈ ગયું છે. લોકો અમારી વેબસાઇટની મુલાકાત લઈ શકે છે અને એક પણ પૈસો ખર્ચ્યા વિના સ્કૂટર ખરીદી શકે છે. અમને ખાતરી છે કે LML સ્ટાર અમારા ગ્રાહકોના નિર્ણયને યોગ્ય ઠેરવશે."
જ્યારે લૉન્ચ કરવામાં આવશે, ત્યારે નવો LML સ્ટાર તાજેતરમાં લૉન્ચ થયેલા Ola S1 એર એન્ટ્રી-લેવલ સ્કૂટર, બજાજ ચેતક, TVS iQube અને અન્ય ઇલેક્ટ્રિક સ્કૂટર સાથે ટકરાશે. એવું માનવામાં આવે છે કે નવા સ્કૂટરની કિંમત 1 લાખ રૂપિયાથી 1.10 લાખ રૂપિયા (એક્સ-શોરૂમ) વચ્ચે હોઈ શકે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp