વધુ એક દિગ્ગજ ક્રિકેટરના થયા છૂટાછેડા, 14 વર્ષ બાદ પત્નીથી અલગ થયો, તૂટી પડ્યો દુઃખોનો પહાડ
JP Duminy Divorce: દક્ષિણ આફ્રિકાના દિગ્ગજ ક્રિકેટર જેપી ડુમિનીના છૂટાછેડા થઈ ગયા છે. ડુમિનીએ ઈન્સ્ટાગ્રામ પર એક પોસ્ટ શેર કરીને આ જાણકારી આપી હતી. ડ્યુમિની અને તેની પત્ની સુ વચ્ચેના સંબંધો લાંબા સમયથી સારા ચાલી રહ્યા નહોતા. લગભગ 14 વર્ષના લગ્નજીવન બાદ ડ્યુમિની અને સૂ હવે અલગ થઈ ગયા છે. ડુમિનીની ક્રિકેટ કારકિર્દી શાનદાર રહી છે. તે ઈન્ડિયન પ્રીમિયર લીગમાં ઘણી ટીમો માટે રમ્યો છે.
દક્ષિણ આફ્રિકાના ખેલાડી ડુમિનીએ સોમવારે ઈન્સ્ટાગ્રામ પર એક પોસ્ટ શેર કરીને ચાહકોને આશ્ચર્યજનક સમાચાર આપ્યા હતા. ડુમિનીએ કહ્યું કે તેના છૂટાછેડા થઈ ગયા છે. તેણે લખ્યું કે, "ખૂબ વિચાર કર્યા બાદ, સૂ અને મેં અલગ થવાનો નિર્ણય લીધો છે. અમે બંને ભાગ્યશાળી છીએ કે લગ્ન પછી ઘણી સુંદર યાદો એકઠી કરી છે. અમને બે સુંદર દીકરીઓ પણ મળી છે. અમે આ સમયે તમારા બધા પાસેથી ગોપનીયતાની વિનંતી કરીએ છીએ.
ક્રિકેટ જગતના ઘણા મહાન ખેલાડીઓના છૂટાછેડા થઈ ચૂક્યા છે. ભારતીય ટીમના ઓલરાઉન્ડર હાર્દિક પંડ્યાના ગયા વર્ષે છૂટાછેડા થઈ ગયા હતા. તેની પત્ની નતાશા સ્ટેનકોવિક હવે અલગ રહે છે. યુઝવેન્દ્ર ચહલ અને ધનશ્રી વર્માના છૂટાછેડાના સમાચાર પણ આવ્યા હતા. જો કે આ મામલે બંનેએ હજુ સુધી કોઈ પ્રતિક્રિયા આપી નથી. ફાસ્ટ બોલર મોહમ્મદ શમી અને શિખર ધવનના પણ છૂટાછેડા થઈ ચૂક્યા છે.
જેપી ડુમિનીની ક્રિકેટ કારકિર્દી શાનદાર રહી છે. તેણે દક્ષિણ આફ્રિકા માટે 199 વન-ડે મેચ રમી છે. આ દરમિયાન તેણે 5117 રન બનાવ્યા છે. ડ્યુમિનીએ આ ફોર્મેટમાં 4 સદી અને 27 અડધી સદી ફટકારી છે. તેણે આ ફોર્મેટમાં 69 વિકેટ પણ લીધી છે. ડ્યુમિની IPLમાં ઘણી ટીમો માટે રમી ચૂક્યો છે. તેણે આ ટૂર્નામેન્ટની 83 મેચમાં 2029 રન બનાવ્યા છે. આ દરમિયાન 23 વિકેટ ઝડપી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp