Delta Airlines: ટેકઓફ દરમિયાન જ ફ્લાઇટના એન્જિનમાં લાગી ગઈ આગ, કરવી પડી ઈમરજન્સી લેન્ડિંગ; જુઓ વીડિયો
Engine of Boeing 767 of Delta Airlines returns to Los Angeles Airport after engine caught fire: ડેલ્ટા એરલાઇન્સની ફ્લાઇટના એન્જિનમાં ટેક-ઓફ દરમિયાન આગ લાગી ગઈ હતી, જેના કારણે વિમાનને ઉડાણ ભર્યાના થોડા સમય બાદ જ તાત્કાલિક ઇમરજન્સી લેન્ડિંગ કરાવવી પડી હતી. આ ઘટના લોસ એન્જલ્સ ઇન્ટરનેશનલ એરપોર્ટ (LAX) પર ત્યારે બની હતી જ્યારે ફ્લાઇટ DL446 લોસ એન્જલ્સથી એટલાન્ટા જઈ રહી હતી.
સમાચાર એજન્સી રોઇટર્સ અનુસાર, પ્લેનના ડાબા એન્જિનમાંથી તણખા અને જ્વાળાઓ નીકળી રહી હતી. આ ઘટનાનો એક વીડિયો પણ સામે આવ્યો છે. તેમાં જોવા મળી રહ્યું છે કે પ્લેન થોડીવાર હવામાં ચક્કર લગાવ્યા બાદ સુરક્ષિત રીતે એરપોર્ટ પર ઇમરજન્સી લેન્ડિંગ કર્યું હતું. લેન્ડિંગ સમયે ઇમરજન્સી સેવાઓની ટીમો પહેલાથી જ રનવે પર તૈનાત હતી.
BREAKING- Engine of Boeing 767 of Delta Airlines returns to Los Angeles Airport after engine caught fireBoeing again?pic.twitter.com/S9nNSIqMDe — Frontalforce 🇮🇳 (@FrontalForce) July 19, 2025
BREAKING- Engine of Boeing 767 of Delta Airlines returns to Los Angeles Airport after engine caught fireBoeing again?pic.twitter.com/S9nNSIqMDe
સદભાગ્યે, આ અકસ્માતમાં કોઈ મુસાફર કે ક્રૂ મેમ્બરને ઈજા થઈ નથી. અમેરિકાની ફેડરલ એવિએશન એડમિનિસ્ટ્રેશન (FAA) દ્વારા આ ઘટનાની તપાસ કરવામાં આવી રહી છે જેથી એન્જિનમાં આગ લાગવાનું ચોક્કસ કારણ જાણી શકાય.
હેરાનીની વાત એ છે કે 2025માં ડેલ્ટા એરલાઇન્સના વિમાનમાં આગ લાગવાની આ બીજી ઘટના છે. આ અગાઉ 1 જાન્યુઆરીએ, DL105 ફ્લાઇટ, જે એક એરબસ છે, તેમાં એટલાન્ટાથી ઉડાણ ભર્યા બાદ તેના એન્જિનમાં આગ લાગી ગઈ હતી. જોકે તે અકસ્માતમાં પણ કોઈને ઈજા થઈ નહોતી. આ ઘટનાઓ એરલાઇનની ટેક્નિકલ સુરક્ષા પર સવાલ જરૂર ઉભા કરે છે, જોકે સમયસર કાર્યવાહીને કારણે બંને વખત મોટો અકસ્માત ટળી ગયો હતો.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp