Video: બાંગ્લાદેશી એરફોર્સનું ચાઇનીઝ બનાવટનું F-7 ફાઇટર જેટ સ્કૂલ પરિસરમાં ક્રેશ; મચ્યો હાહાકાર

Bangladesh Air Force jet crashes into Dhaka school: બાંગ્લાદેશની રાજધાની ઢાકાના ઉત્તરા વિસ્તારમાં આજે બપોરે એક ભયાનક અકસ્માત થયો. અહીં બાંગ્લાદેશ વાયુસેનાનું એક ટ્રેની ફાઇટર એરક્રાફ્ટ F-7 BGI મિલસ્ટોન સ્કૂલ એન્ડ કોલેજના કેમ્પસમાં ક્રેશ થઈ ગયું. આ અકસ્માતમાં અત્યાર સુધી મળેલી માહિતી અનુસાર, ઓછામાં ઓછું એક વ્યક્તિનું મોત થયું છે અને ઘણા લોકો ઇજાગ્રસ્ત થયા છે. આ અકસ્માત બપોરે 1:06 વાગ્યાની આસપાસ થયો હતો, જ્યારે વિદ્યાર્થીઓ અને કર્મચારી શાળામાં હતા. પ્રત્યક્ષદર્શીઓ અને મળી રહેલા વીડિયો અનુસાર, અકસ્માત બાદ તરત જ, વિસ્તારમાં ધુમાડાના ગોટે ગોટા ઉડવા લાગ્યા હતા અને આગની જ્વાળાઓ વધવા લાગી હતી. ફાયર બ્રિગેડ, એમ્બ્યુલન્સ અને સુરક્ષા એજન્સીઓની ટીમો ઘટનાસ્થળે પહોંચી ગઈ હતી અને આગને કાબુમાં લેવાનો પ્રયાસ શરૂ કર્યો હતો.

બાંગ્લાદેશ આર્મીના જનસંપર્ક કાર્યાલયે પુષ્ટિ કરી છે કે દુર્ઘટનાગ્રસ્ત જેટ બાંગ્લાદેશ વાયુસેનાનું હતું. જો કે, ઘટના સંબંધિત વિગતવાર માહિતી અત્યાર સુધી જાહેર કરવામાં આવી નથી અને સેના દ્વારા કોઈ સત્તાવાર નિવેદન જાહેર કરવામાં આવ્યું નથી. પાઇલટની સ્થિતિ અંગે પણ કોઈ સત્તાવાર પુષ્ટિ કરવામાં આવી નથી. ફાયર સર્વિસ ઓફિસર લીમા ખાને જણાવ્યું હતું કે, અકસ્માતમાં ઓછામાં ઓછા એક વ્યક્તિનું મોત થયું છે, જ્યારે 100 અન્ય ઇજાગ્રસ્ત થયા છે. તેમણે સ્પષ્ટ કરવામાં આવ્યું નથી કે મૃતકો અને ઇજાગ્રસ્તો નાગરિકો હતા કે લશ્કરી કર્મચારીઓ. અકસ્માત બાદ તરત જ, સ્થળ પરથી ગાઢ ધુમાડો નીકળતો જોવા મળ્યો અને ઈમરજન્સી સેવાઓ તાત્કાલિક ઘટનાસ્થળે પહોંચી ગઈ. ફાયર બ્રિગેડ અને બચાવ ટીમો હજી પણ ઘટનાસ્થળે ઉપસ્થિત છે અને કાટમાળ દૂર કરવામાં, નુકસાનનું મૂલ્યાંકન કરવામાં અને અન્ય સંભવિત ઇજાગ્રસ્તોને શોધખોળ કરવામાં આવી રહી છે.

A #Bangladesh Air Force (BAF) training aircraft has crashed into Milestone College campus Atleast one person killed, numbers may rise. An “F-7 BGI” training aircraft crashed just after takeoff around 1:06pm,
video 3 pic.twitter.com/he3X7cVK7A

— Tuhin Babu (@MdTuhinBabu9) July 21, 2025

F-7 વિમાનની વાત કરીએ તો, તેને ચીની કંપની ચેંગડુ એરક્રાફ્ટ કોર્પોરેશન દ્વારા બનાવવામાં આવ્યું છે. તે એક સિંગલ સીટર એરક્રાફ્ટ છે. જો કે, તેના કેટલાક સંસ્કરણોમાં ડબલ સીટનો વિકલ્પ પણ છે. F-7ની મહત્તમ ગતિ મેક 2.02 છે એટલે કે લગભગ 2120 કિલોમીટર પ્રતિ કલાક.

Bangladesh📍 Dhaka 2025: BAF training plane crash on elementary school.. Multiple Dead*⚠️ pic.twitter.com/uzCgjKxOi8

— imtiaz🇧🇩🇵🇸 (@_imtiaz1899) July 21, 2025

F-7 વિમાન બાંગ્લાદેશમાં પહેલા પણ ક્રેશ થયું છે. 8 એપ્રિલ 2008ના રોજ તંગાઇલમાં F-7 ક્રેશ થયું હતું. આ અકસ્માતને કારણે પાઇલટે પોતાનો જીવ ગુમાવ્યો હતો. પાઇલટ મોર્શેદ હસન ક્રેશ પહેલા જ બહાર નીકળી ગયો હતો, પરંતુ પેરાશૂટ ખરાબ થઈ ગયું હતું. આ કારણે તે ગંભીર રીતે ઇજાગ્રસ્ત થયો હતો. પાયલટ હસનને લશ્કરી હોસ્પિટલમાં દાખલ કરવામાં આવ્યો હતો, જ્યાં સારવાર દરમિયાન તેનું મોત થઈ ગયું હતું.