Syringe Attack at France Music Festival: ફ્રાન્સમાં નવો આતંક: ભીડમાં મહિલાઓને લગાવવામાં આવી રહી છે સિરિંજ, 145 કેસથી હાહાકાર

France News: ફ્રાંસ પોલીસે આ વિકેન્ડ અંતે દેશના વાર્ષિક સ્ટ્રીટ મ્યૂઝિક ફેસ્ટિવલ દરમિયાન 145 લોકોને સિરિંજ લગાવવાની ફરિયાદ બાદ 371 શંકાસ્પદોની અટકાયત કરી છે. શનિવારે સાંજે ફેતે ડે લા મ્યૂઝિક માટે લાખો લોકો આખા ફ્રાન્સમાં રસ્તાઓ પર ઉતરી આવ્યા હતા. અધિકારીઓએ જણાવ્યું હતું કે પેરિસે પહેલાં ક્યારેય આટલી મોટી ભીડ જોઈ નહોતી. નારીવાદી ઇન્ફ્લૂએન્સર એબ્રેઝ સોઉરે ફેસ્ટિવલ અગાઉ ઓનલાઇન ચેતવણી આપી હતી કે સોશિયલ મીડિયા પર મહિલાઓને સિરિંજથી નિશાન બનાવવા માટે કોલ આવ્યા હતા.

જોકે, તે નિશ્ચિત નહોતું કે આવી પોસ્ટ ક્યાંથી અથવા કોના દ્વારા કરવામાં આવી હશે. ગૃહ મંત્રાલયે જણાવ્યું હતું કે દેશભરમાં 145પીડિતોએ આઉટડોર મ્યૂઝિક પ્રોગ્રામ્સ દરમિયાન સિંરિંજ લગાવવાનો અહેવાલ આપ્યો હતો. પેરિસ પોલીસે રાજધાનીમાં આવા 13 કેસની સૂચના આપી. અધિકારીઓએ એ જણાવ્યું નહોતું કે શું આ રોહિપ્નોલ અથવા GHB જેવી ડેટ-રેપ દવાઓ સાથે તથાકથિત સોઈ લગાવવાના કિસ્સા હતા, જેનો ઉપયોગ હુમલાખોરો દ્વારા પીડિતોને ભ્રમિત અથવા બેહોશ કરવા અને તેમને જાતીય હુમલા માટે સંવેદનશીલ બનાવવા માટે કરવામાં આવે છે. મંત્રાલયે જણાવ્યું હતું કે, ‘કેટલાક પીડિતોને ટોક્સિકોલોજી પરીક્ષણો માટે હોસ્પિટલમાં લઈ જવામાં આવ્યા હતા.’

Total chaos and lawlessness in France’s Music Festival 2025 (Fête de la Musique)!

- 371 arrests
- 6 stabbed, 14 seriously injured
- 145 reported syringe attacks
- 1,500+ minor injuries
- 51 vehicles torched#Paris #FeteDeLaMusique #Francepic.twitter.com/mDLLpZeqxP

— Keh Ke Peheno (@coolfunnytshirt) June 24, 2025

પેરિસમાં સરકારી વકીલોએ કહ્યું કે, 15 વર્ષની છોકરી અને 18 વર્ષના એક પુરુષ સહિત 3 લોકોને છરાથી ઘા કરવામાં આવ્યા હોવાના અહેવાલો બાદ તપાસ શરૂ કરવામાં આવી હતી. ત્રણેયએ અસ્વસ્થતા અનુભવવાની ફરિયાદ કરી હતી. આંતરિક મંત્રાલયે જણાવ્યું હતું કે ફ્રાન્સમાં 12 શંકાસ્પદોની ધરપકડ કરવામાં આવી છે. પોલીસ સૂત્રએ જણાવ્યું હતું કે તેમાં દક્ષિણ-પશ્ચિમ શહેર અંગોલેમના 4 લોકો હતા, જેમના પર લગભગ 50 પીડિતોને નિશાન બનાવવાની શંકા હતી.

ઉત્તર-પૂર્વી શહેર મેટ્ઝના કેન્દ્રમાં પણ હુમલાની શંકાના આધારે 2 લોકોની ધરપકડ કરવામાં આવી હતી. ક્ષેત્રિય સાર્વજનિક પ્રસારણકર્તા ફ્રાન્સ 3એ જણાવ્યુ કે, એક વ્યક્તિને સિરિંજ સાથે પકડવામાં આવ્યો હતો અને એક મહિલા જેને સિરિંજ લગાવવાની ફરિયાદ કરી હતી, તેણે બીજાની ઓળખ કરી હતી. મેટ્ઝમાં સ્થાનિક ફરિયાદીની ઓફિસે જણાવ્યું હતું કે કથિત બધા પીડિતો 18 વર્ષથી ઓછી ઉંમરના હતા. કથિત શંકાસ્પદોમાંનો એક, 20 વર્ષીય યુવક પુરુષ, હિંસા માટે પોલીસને પહેલેથી જ ઓળખતો હતો.