મારુતિએ કરી દીધો ખેલ! 6 એરબેગ સાથે લોન્ચ કરી દેશની સૌથી સસ્તી કાર Alto, જાણો કિંમત

દેશની સૌથી મોટી કાર નિર્માતા કંપની મારુતિ સુઝુકીએ તેના વ્હીકલ પોર્ટફોલિયોમાં સુરક્ષાના સંદર્ભમાં એક મોટું અપડેટ આપ્યું છે. કંપનીએ તેની સૌથી સસ્તી કાર Alto K10ને હવે સ્ટાન્ડર્ડ રીતે 6 એરબેગ્સ સાથે લોન્ચ કરી છે. મતલબ કે હવે Alto K10ના તમામ વેરિયન્ટમાં 6 એરબેગ્સની સુવિધા હશે. આ નવા અપડેટ સાથે, Alto K10ના તમામ વેરિયન્ટ્સની કિંમતોમાં ફેરફાર જોવા મળ્યો છે. આ કાર પહેલા કરતા વધુ મોંઘી થઈ ગઈ છે. પરંતુ તેમ છતા તેની શરૂઆતની કિંમત 4.23 લાખ રૂપિયા (એક્સ-શૉરૂમ) છે.

સેફ્ટી ફીચર્સ સિવાય કંપનીએ મારુતિ અલ્ટો K10માં કોઈ મોટો ફેરફાર કર્યો નથી. પહેલાની જેમ આ કાર પેટ્રોલ એન્જિન અને CNG વેરિએન્ટમાં કુલ 7 ટ્રિમમાં વેચાણ માટે ઉપલબ્ધ થશે. પરંતુ નવા અપડેટ બાદ આ કારની કિંમતમાં અંદાજે 16,000 રૂપિયાનો વધારો થયો છે. જોકે, કંપનીએ વેરિયન્ટના નામમાંથી (O) પ્રોફિક્સને હટાવી દીધો છે.

કંપનીએ આ કારના એન્જિન મિકેનિઝમમાં કોઈ ફેરફાર કર્યો નથી. મારુતિ અલ્ટો K10 પહેલાની જેમ જ 1.0 લીટર પેટ્રોલ એન્જિન સાથે આવે છે. આ એન્જિન 67 PSનો પાવર અને 89 Nmનો ટોર્ક જનરેટ કરે છે. જ્યારે CNG વેરિયન્ટમાં આ એન્જિન 57 PSનો પાવર અને 82 Nmનો ટોર્ક જનરેટ કરે છે. આ એન્જિન 5-સ્પીડ મેન્યુઅલ અને ઓટોમેટિક ગિયરબોક્સ સાથે જોડાયેલું છે.

કાર માઇલેજ:

મારુતિ દાવો કરે છે કે 5-સ્પીડ પેટ્રોલ મેન્યુઅલ ટ્રાન્સમિશન વેરિઅન્ટ 24.39 કિમી પ્રતિ લિટરની માઈલેજ આપે છે અને ઓટોમેટિક ટ્રાન્સમિશન પ્રતિ લીટર 24.90 કિમી સુધીની એવરેજ આપે છે. જ્યારે આ કારનું CNG વેરિયન્ટ 33.85 km/kg સુધીની એવરેજ આપવામાં સક્ષમ છે. જો કે, તેનું CNG વેરિયન્ટ ઓટોમેટિક ટ્રાન્સમિશનમાં આવતું નથી.

મારુતિ સુઝુકી અલ્ટો K10 હવે પહેલા કરતા પણ વધુ સુરક્ષિત બની ગઈ છે. 6 એરબેગ્સ ઉપરાંત, કંપનીએ આ કારમાં પાછળના પાર્કિંગ સેન્સર, બધા પાછળના મુસાફરો માટે 3-પોઇન્ટ સીટ બેલ્ટ, લગેજ-રિટેન્શન ક્રોસબાર, ઇલેક્ટ્રોનિક સ્ટેબિલિટી પ્રોગ્રામ (ESP), એન્ટિ-લોક બ્રેકિંગ સિસ્ટમ (ABS) અને ઇલેક્ટ્રોનિક બ્રેક-ફોર્સ ડિસ્ટ્રિબ્યુશન (EBD)નો સમાવેશ કર્યો છે.

મારુતિ અલ્ટો તેની ઓછી કિંમત, સારી એવરેજ અને લો મેન્ટેનેન્સને કારણે ભારતીય બજારમાં ખૂબ જ લોકપ્રિય છે. કંપનીનો દાવો છે કે મારુતિ અલ્ટોના લગભગ 74 ટકા ખરીદદારો પ્રથમ વખત કાર ખરીદનારા છે. એટલે કે જે લોકો તેમની પ્રથમ કાર ખરીદી રહ્યા છે તેઓ મારુતિ અલ્ટો પસંદ કરે છે. કંપનીએ આ કારને પહેલીવાર વર્ષ 2000માં લોન્ચ કરી હતી અને અત્યાર સુધીમાં 46 લાખ યુનિટ વેચાઈ ચૂક્યા છે.