3 મહિનામાં 300-300 કરોડનો નફો, એપ્રિલથી જૂન સુધી શેરબજારમાંથી આ લોકોએ છાપી નોટ, સામે આવી લિસ્ટ
જૂન મહિનો ભારતીય શેરબજારો માટે ઉથલ-પાથલથી ભરેલો રહ્યો. 4 જૂને લોકસભા ચૂંટણીના પરિણામો આવવા પહેલા એક્ઝિટ પોલના અંદાજથી માર્કેટમાં મોટો ઉછાળો જોવા મળ્યો હતો, પરંતુ પરિણામના દિવસે મોદી સરકારને બહુમતી ન મળવાને કારણે માર્કેટ ખરાબ રીતે ગબડ્યું હતું. જોકે, ત્રીજી વખત સત્તામાં આવ્યા બાદ શેરબજાર ફરી ઉછળ્યું હતું અને રેકોર્ડ હાઇ બનાવ્યું હતું. આ સમયગાળા દરમિયાન ઘણા રોકાણકારોએ પૈસા ગુમાવ્યા, જ્યારે કેટલાક રોકાણકારોએ ખૂબ નોટ છાપી. દેશના દિગ્ગડ રોકાણકારોએ જૂનમાં બજારમાંથી સારી કમાણી કરી. હેરાનીની વાત એ છે કે તેમાં ઝુનઝુનવાલા અને દમાની જેવા પ્રખ્યાત રોકાણકારોના નામ નથી, પરંતુ અન્ય રોકાણકારો છે.
અનુજ સેઠ, મનીષ જૈન, વિજય કેડિયા અને આકાશ ભણસાલી સહિત આવા 15 રોકાણકારો છે જેમણે એપ્રિલથી જૂન ક્વાર્ટરમાં શેરબજારમાંથી ખૂબ નોટ છાપી હતી. તો ઝુનઝુનવાલા એન્ડ ફેમિલી, આશિષ કોચલિયા, તેજસ ત્રિવેદી અને વિશ્વાસ અંબાલાલ પટેલના ઇન્વેન્સમેન્ટ પોર્ટફોલિયોમાં ઘટાડો થયો હતો. ETના રિપોર્ટમાં પ્રાઇમઇન્ફોબેઝ ડોટકોમ પોર્ટફોલિયોમાં આ આંકડાઓ સામે આવ્યા છે. ચાલો તમને જણાવીએ કે આ મોટા રોકાણકારોના રોકાણ પોર્ટફોલિયોની સાઇઝ શું છે?
ભારતના સૌથી મોટા રોકાણકાર અને DMartના સ્થાપક રાધાકિશન દામાણીને પણ એપ્રિલ-જૂન ક્વાર્ટરમાં નફો થયો છે. માર્ચમાં તેમના પોર્ટફોલિયોની સાઇઝ કદ 203744 કરોડ રૂપિયા હતી, જે જૂનમાં વધીને રૂ. 213968 કરોડ થઇ ગઇ હતી. આ 3 મહિનામાં તેમણે 10,224 કરોડ રૂપિયાની કમાણી કરી. દિગ્ગજ રોકાણકાર વિજય કેડિયા માટે એપ્રિલ-જૂન ક્વાર્ટર લાભકારી રહ્યું. આ સમયગાળા દરમિયાન તેમણે 314 કરોડ રૂપિયાની કમાણી કરી હતી. વિજય કેડિયાના પોર્ટફોલિયોની સાઇઝ માર્ચ 2024માં સમાપ્ત થયેલા ત્રિમાસિકમાં રૂ. 1324 કરોડ હતી, જ્યારે જૂનમાં તે વધીને રૂ. 1638 કરોડ થઇ ગઇ હતી.
અનુજ સેઠે એપ્રિલ-જૂન ક્વાર્ટરમાં શેરબજારમાં રોકાણ કરીને રૂ. 307 કરોડની કમાણી કરી હતી. માર્ચ 2024માં તેમનો પોર્ટફોલિયો 1073 કરોડ રૂપિયા હતો અને જૂનમાં તે વધીને 1380 કરોડ રૂપિયા થઈ ગયો. તો, અનુભવી રોકાણકાર મનીષ જૈને જૂન ક્વાર્ટરમાં શેરબજારમાંથી રૂ. 355 કરોડની કમાણી કરી હતી. માર્ચ 2024માં તેમના પોર્ટફોલિયોની કિંમત રૂ. 1237 કરોડ હતી જે જૂનમાં વધીને રૂ. 1592 કરોડ થઇ ગઇ હતી.
ઝુનઝુનવાલા એન્ડ ફેમિલીને એપ્રિલ-જૂન ક્વાર્ટરમાં ખોટ થઇ હતી. કારણ કે આ સમયગાળા દરમિયાન તેમના પોર્ટફોલિયોની સાઇઝ 50897 કરોડ રૂપિયાથી ઘટીને 47053 કરોડ રૂપિયા થઈ ગઇ છે. તો આશિષ કોચલિયાને 68 કરોડ રૂપિયા અને વિશ્વાસ અંબાલાલ પટેલને 116 કરોડ રૂપિયાનું નુકસાન થયું.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp