રિલાયન્સ પ્રથમ વખત કાર બનાવવા જઈ રહી છે, ટાટા-મહિન્દ્રાને ટક્કર આપશે
રિલાયન્સ ઈન્ફ્રાસ્ટ્રક્ચરઃ રિલાયન્સ ઈન્ફ્રાસ્ટ્રક્ચરે રિલાયન્સ ઈવી પ્રાઈવેટ લિમિટેડના નામે કંપનીની નોંધણી કરી છે. તેમજ તેમની સાથે BYDના પૂર્વ અધિકારી સંજય ગોપાલક્રિષ્નનનો સમાવેશ કરવામાં આવ્યો છે.
અનિલ અંબાણીની માલિકીની રિલાયન્સ ગ્રૂપે કાર માર્કેટમાં જોરદાર ધૂમ મચાવવાની તૈયારીઓ શરૂ કરી દીધી છે. અનિલ અંબાણીની આગેવાની હેઠળની ગ્રુપ કંપની રિલાયન્સ ઈન્ફ્રાસ્ટ્રક્ચરે ઈલેક્ટ્રિક કાર અને બેટરી બનાવવાની યોજના તૈયાર કરી છે. આ માટે રિલાયન્સ ઈન્ફ્રાએ ચીનની લોકપ્રિય ઈલેક્ટ્રિક કાર ઉત્પાદક કંપની BYDના ભૂતપૂર્વ અધિકારીને સામેલ કર્યા છે.
બિઝનેસ સ્ટાન્ડર્ડે સૂત્રોને ટાંકીને પોતાના રિપોર્ટમાં કહ્યું છે કે રિલાયન્સ ઈન્ફ્રાસ્ટ્રક્ચર ઈવી પ્લાન પર ગંભીરતાથી વિચાર કરી રહી છે. તેણે ઈવી પ્લાન્ટના ખર્ચ માટે સંશોધન શરૂ કર્યું છે. આ પ્લાન્ટની વાર્ષિક ઉત્પાદન ક્ષમતા 2.5 લાખ વાહનોની હશે. આગામી કેટલાક વર્ષોમાં આ સંખ્યા વધારીને 7.50 લાખ વાહનો સુધી લઈ શકાય છે. આ સિવાય કંપની 10 ગીગાવોટ કલાક (GWh)ની ક્ષમતા ધરાવતો બેટરી પ્લાન્ટ પણ સ્થાપવા માંગે છે. જે બાદમાં વધારીને 75 ગીગાવોટ કલાક કરવામાં આવશે. હાલમાં રિલાયન્સ ઈન્ફ્રાસ્ટ્રક્ચરે આ પ્લાન વિશે કંઈ કહ્યું નથી. જોકે, આ રિપોર્ટ આવ્યા બાદ કંપનીના શેરમાં લગભગ 2 ટકાનો વધારો થયો છે.
અનિલ અંબાણીની કંપની રિલાયન્સ ઈન્ફ્રાસ્ટ્રક્ચરે તાજેતરમાં જ આ પ્રોજેક્ટ માટે BYDના ભૂતપૂર્વ અધિકારી સંજય ગોપાલક્રિષ્નનનો સમાવેશ કર્યો છે. તેઓ આ પ્રોજેક્ટ સાથે કન્સલ્ટન્ટ તરીકે જોડાયેલા છે. મુકેશ અંબાણીના નાના ભાઈ અનિલ અંબાણીએ વર્ષ 2005માં પોતાનો બિઝનેસ અલગ કરી દીધો હતો. તે પછી, અનિલ અંબાણીની આગેવાની હેઠળનું જૂથ કંઈ ખાસ કરી શક્યું નહીં, પરંતુ મુકેશ અંબાણીની આગેવાની હેઠળની રિલાયન્સ ઈન્ડસ્ટ્રીઝે તેલ, ગેસ, ટેલિકોમ અને રિટેલ જેવા ઘણા ક્ષેત્રોમાં પોતાનું વર્ચસ્વ સ્થાપિત કર્યું છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp