મહારાષ્ટ્રમાં કોણ હશે આગામી મુખ્યમંત્રી? મહાયુતિના નેતાઓની બેઠકમાં થઈ ગયું નક્કી!
Maharashtra New CM; ભાજપના નેતા દેવેન્દ્ર ફડણવીસ મહારાષ્ટ્રના આગામી મુખ્યમંત્રી હશે. બુધવારે મળેલી મહાયુતિની બેઠકમાં દેવેન્દ્ર ફડણવીસના નામને મંજૂરી આપવામાં આવી હતી. ફડણવીસને ભાજપના ધારાસભ્ય દળના નેતા તરીકે પસંદ કરવામાં આવ્યા છે. મહાયુતિની બેઠકમાં એકનાથ શિંદે અને અજીત પવારને મહારાષ્ટ્રના નાયબ મુખ્યમંત્રી બનાવવા પર સહમતિ બની છે. આ નિર્ણય બાદ હવે દેવેન્દ્ર ફડણવીસ તેમના સમર્થકો અને ધારાસભ્યોના નામ સાથે મહારાષ્ટ્રના રાજ્યપાલને મળશે અને સરકાર બનાવવાનો દાવો રજૂ કરશે.
મહાયુતિના નેતાઓ બપોરે 3.30 કલાકે રાજભવન જશે. મહારાષ્ટ્રમાં 5 ડિસેમ્બરે આઝાદ મેદાનમાં શપથ ગ્રહણ કાર્યક્રમનું આયોજન કરવામાં આવનાર છે. આ કાર્યક્રમમાં ભાજપના અનેક વરિષ્ઠ નેતાઓ હાજર રહેશે. વિધાનસભાની ચૂંટણીમાં જે રીતે ભાજપને સીટો મળી છે તેને જોતા એવું માનવામાં આવતું હતું કે આગામી મુખ્યમંત્રી ભાજપના જ હશે. દેવેન્દ્ર ફડણવીસ નાગપુર દક્ષિણ પશ્ચિમ બેઠક પરથી ચૂંટાયા છે. તેઓ ભૂતકાળમાં પણ મુખ્યમંત્રી રહી ચૂક્યા છે. એકનાથ શિંદે સરકારમાં નાયબ મુખ્યમંત્રી પદ સંભાળી ચૂકેલા દેવેન્દ્ર ફડણવીસને 2019માં પણ મુખ્યમંત્રી બનવાની તક મળી હતી પરંતુ 2 દિવસ બાદ તેમણે રાજીનામું આપવું પડ્યું હતું.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp