ખેડૂતો પર મહેરબાન મોદી સરકાર, 35,000 કરોડની આ યોજનાને આપી મંજૂરી

મોદી સરકાર ખેડૂતોની આવક વધારવા માટે સતત પ્રયાસો કરી રહી છે. તેમાં ખૂબ સફળતા પણ મળી છે. આ દિશામાં, મોદી સરકારે ખેડૂતોને વધુ સારા ભાવ આપવા અને ગ્રાહકો માટે આવશ્યક ચીજવસ્તુઓના ભાવની વધઘટને નિયંત્રિત કરવા માટે રૂ. 35,000 કરોડના બજેટ સાથે PM-ASHA યોજનાને ચાલુ રાખવાની મંજૂરી આપી છે. એક સરકારી નિવેદનમાં કહેવામાં આવ્યું છે કે વડાપ્રધાન નરેન્દ્ર મોદીની અધ્યક્ષતામાં બુધવારે મળેલી કેન્દ્રીય કેબિનેટની બેઠકમાં ખેડૂતોને યોગ્ય ભાવ આપવાનો અને ગ્રાહકો માટે આવશ્યક ચીજવસ્તુઓના ભાવની વધઘટને નિયંત્રિત કરવા માટે પ્રધાનમંત્રી અન્નદાતા આય સંરક્ષણ અભિયાન (PM-ASHA)ની યોજનાઓ ચાલુ રાખવા માટે મંજૂરી આપવામાં આવી હતી.

તેનાથી રાજ્યોને 'સંકટ' વેચાણને રોકવા માટે ખેડૂતો પાસેથી MSP પર આ પાકોની વધુ ખરીદી કરવામાં મદદ મળશે. જો કે, સરકારે કહ્યું કે આ મર્યાદા 2024-25ની સીઝન માટે કઠોળ અડદ અને મસૂરના કિસ્સામાં લાગૂ થશે નહીં કારણ કે 2024-25ની સીઝન દરમિયાન અરહર, અડદ અને મસૂરની 100 ટકા ખરીદી થશે, જેમ કે પહેલા નક્કી કરવામાં આવ્યું હતું. કેન્દ્રએ MSP પર નોટિફાઇડ કઠોળ, તેલીબિયાં અને નારિયેળના દાણા (કોપરા)ની પ્રાપ્તિ માટેની વર્તમાન સરકારી ગેરંટી રિન્યૂ અને વધારીને રૂ. 45,000 કરોડ કરી છે. તેનાથી જ્યારે પણ બજાર કિંમતો MSP કરતાં ઓછી હોશે તો કઠોળ, તેલીબિયાં અને કોપરાની ખરીદી કરવામાં મદદ મળશે. કૃષિ વિભાગ દ્વારા MSP પર ખરીદી કરવામાં આવશે, જેમાં નેશનલ એગ્રીકલ્ચરલ કો-ઓપરેટિવ માર્કેટિંગ ફેડરેશન ઓફ ઈન્ડિયા (NAFED)ના ઈ-સમૃદ્ધિ પોર્ટલ અને નેશનલ કો-ઓપરેટિવ કન્ઝ્યૂમર ફેડરેશન ઓફ ઈન્ડિયા (NCCF)ના ઈ-સંયુક્તિ પોર્ટલ પર પહેલાથી જ નોંધાયેલા ખેડૂતો સામેલ છે.

આ યોજના સંગ્રહખોરો અને સટોડિયાઓને હતાશ કરવામાં મદદ કરશે. જ્યારે પણ બજાર કિંમતો MSP કરતા વધારે હોય છે, ત્યારે બજાર ભાવે કઠોળની પ્રાપ્તિ ગ્રાહક બાબતોના વિભાગ દ્વારા કરવામાં આવશે, જેમાં NAFEDના ઈ-સમૃદ્ધિ પોર્ટલ અને NCCFના ઈ-સંયુક્તિ પોર્ટલ પર પૂર્વ નોંધણી કરાયેલ ખેડૂતોનો સમાવેશ થશે. બફર જાળવણી ઉપરાંત, પીએસએફ યોજના હેઠળ ટામેટા અને અન્ય પાક ભારત દાળ, ભારત આટા અને ભારત ચોખાની સબસિડીવાળી ખૂદરા વેચાણમાં કરવામાં આવશે. રાજ્યોને સૂચિત તેલીબિયા માટેના વિકલ્પ તરીકે પ્રાઇસ ડેફિસિટ પેમેન્ટ સ્કીમ (PDPS)ના અમલીકરણની દિશામાં આગળ આવવા માટે પ્રોત્સાહિત કરવા માટે  કવરેજને વર્તમાન 25 ટકાથી કવરેજ વધારીને 40 ટકા કરવામાં આવ્યો છે અને ખેડૂતોને લાભ માટે અમલીકરણનો સમયગાળો આપવામાં આવ્યો છે.