ઝાડુ-ફૂંકના નામે તાંત્રિકે 12 વર્ષીય સગીરાને કર્યા અડપલાં, રડતાં-રડતાં સંભળાવી આપવીતી
ઉત્તર પ્રદેશના ઝાંસીમાં એક ચોંકાવનારી ઘટના સામે આવી છે. બરુઆસાગર પોલીસ સ્ટેશન વિસ્તારમાં એક તાંત્રિકે ઝાડુ-ફૂંક કરવાના બહાને 12 વર્ષની બાળકી સાથે ડપલા કર્યા. પીડિતાના પરિવારના જણાવ્યા અનુસાર, છોકરી થોડા દિવસોથી ગળામાં દુઃખાવાની ફરિયાદ કરી રહી હતી અને તે ખાઈ પણ શકતી નહોતી. સારવારથી પણ રાહત ન મળી, ત્યારે લોકોએ તેને બહારનું હોવાનું માની લીધું હતું.
પરિવારને ખબર પડી કે મધ્ય પ્રદેશના નિવારીના સિનૌનિયા ગામનો હરભજન નામનો એક વ્યક્તિ ઝાડુ-ફૂંક કરે છે. 18 નવેમ્બરના રોજ, તેને તેમના ઘરે બોલાવવામાં આવ્યો. છોકરીને જોઈને તેણે કહ્યું કે, કે તેને ભૂત વળગ્યું છે અને આ વિધિ ખાનગીમાં કરવામાં આવશે. તેણે પરિવારને સ્પષ્ટ કહી દીધું કે છોકરી રડે તો પણ કોઈ અંદર ન આવે. અને પરિવાર તેની વાતમાં આવી ગયો.
તાંત્રિક છોકરીને એક રૂમમાં લઈ ગયો. થોડા સમય બાદ, છોકરી રડવા લાગી, પરંતુ તેણે તેના માતા-પિતાને અંદર જતા અટકાવ્યા. લગભગ અડધા કલાક બાદ, તે બહાર આવ્યો અને કહ્યું કે ધાર્મિક વિધિ પૂર્ણ થઈ ગઈ છે અને છોકરીને હવે રાહત મળશે. ત્યારબાદ તે જતો રહ્યો.
પછી, છોકરી રડતી રડતી તેની માતાને વળગી પડી અને પોતાની આપવીતી સંભળાવી. તેણે કહ્યું કે તાંત્રિકે તેના કપડાં ઉતારી, તેના શરીર પર લીંબુ ઘસ્યું અને અશ્લીલ હરકત કરી. આ સાંભળીને પરિવાર ગભરાઈ ગયો. પરિવાર તાત્કાલિક પોલીસ સ્ટેશન દોડી ગયો અને ફરિયાદ નોંધાવી.
બરુઆસાગર પોલીસ સ્ટેશનના અધિકારી રાહુલ રાઠોડે જણાવ્યું કે છોકરીની માતાની ફરિયાદના આધારે આરોપી હરભજન વિરુદ્ધ IPCની કલમ 75(2), 7 અને 8 હેઠળ કેસ નોંધવામાં આવ્યો છે. પોલીસ આરોપીની શોધ કરી રહી છે અને ટૂંક સમયમાં તેની ધરપકડ કરશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp