Bonus Share : દશેરા પહેલા આ કંપની આપવા જઈ રહી છે બમ્પર બોનસ, લોકો થશે માલામાલ!
બિઝનેસ ડેસ્ક : મેકઅપ પ્રોડક્ટ્સ વેચતી કંપની નાયકાના રોકાણકારો માટે સારા સમાચાર છે. કંપની તેના શેરધારકોને બોનસ શેર આપી શકે છે. 3 ઓક્ટોબરે બોર્ડ આગામી બોનસ શેર્સ આપવા અંગે વિચારણા કરવા જઈ રહ્યું છે. સૂત્રોનું કહેવું છે કે બોનસ શેર આપવાની દરખાસ્તને બોર્ડની બેઠકમાં મંજૂરી મળવાની આશા છે.
નાયકાએ 28 સપ્ટેમ્બરે બોમ્બે સ્ટોક એક્સચેન્જમાં આ માહિતી આપી હતી અને કહ્યું હતું કે બોર્ડ પોસ્ટલ બેલેટ અને મંજૂરીની અન્ય પદ્ધતિઓ દ્વારા શેર ઇશ્યૂ કરવા માટે રોકાણકારોની મંજૂરી લેશે. તમને જણાવી દઈએ કે બોનસ શેર સંપૂર્ણપણે મફત ઈક્વિટી શેર છે, જે કંપનીના વર્તમાન શેરધારકોને જારી કરવામાં આવે છે. બોનસ શેર હેઠળ, કંપની રોકાણકારોને મફત શેર આપે છે. બોર્ડ ઓફ ડિરેક્ટર્સની બેઠક 3 ઓક્ટોબરના રોજ મળવાની છે. આમાં, કંપનીના શેરધારકો માટે બોનસ શેર ધ્યાનમાં લેવામાં આવશે
તમને જણાવી દઈએ કે આ કંપનીનો સ્ટોક 10 નવેમ્બર 2021ના રોજ શેરબજારમાં આવ્યો હતો. આ યુનિકોર્નના શેર રૂ. 2,001માં લિસ્ટેડ હતા જ્યારે કંપનીએ માત્ર રૂ. 1,125ની ઇશ્યૂ કિંમત નક્કી કરી હતી. જોકે, આ પછી કંપનીના શેરમાં ઘટાડો થયો હતો અને ભારે વેચવાલી જોવા મળી હતી. કંપનીનો શેર રૂ. 2573ની 52 સપ્તાહની ટોચે પહોંચી ગયો હતો, જ્યારે 52 સપ્તાહની નીચી સપાટી રૂ. 1207 હતી. જોકે, બોનસ ઈશ્યુની જાહેરાત બાદ કંપનીના શેર બીએસઈ પર છ ટકા વધીને રૂ.1,350ના સ્તરે પહોંચી ગયા હતા. 3 ઓક્ટોબર 2022ના રોજ આ કંપનીનું શેર મૂલ્ય 1275 છે.
તમને જણાવી દઈએ કે નાયકા બોનસ આપવા પાછળનો ઉદ્દેશ્ય છેલ્લા કેટલાક દિવસોમાં ખોવાઈ ગયેલા પૈસા પર રોકાણકારોને ઈનામ આપીને ખુશ કરવાનો પ્રયાસ છે. જો કંપની 1:1 રેશિયોના આધારે બોનસની જાહેરાત કરે, તો રોકાણકારો સાથેના શેર બમણા થઈ જશે પરંતુ શેરની કિંમત અડધી થઈ જશે. રિપોર્ટ અનુસાર બોનસ શેરથી શેરધારકોને વધુ ફાયદો થવાનો નથી. તેના બદલે, કંપનીએ ડિવિડન્ડ ચૂકવવાનું વિચારવું જોઈએ. તેણે એમ પણ કહ્યું કે એવું નથી કે નાયકા વધુ પૈસા કમાઈ રહી છે, તેથી બોનસ આપવાનો પ્રયાસ કરી રહ્યો છે. નાણાકીય વર્ષ 2020-21માં, આ કંપનીએ 62 કરોડ રૂપિયાનો નફો કર્યો હતો, જ્યારે નાણાકીય વર્ષ 2021-22માં આ નફો ઘટીને 41 કરોડ રૂપિયા થઈ ગયો છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp