સ્ટેજ પર ભાજપના નેતાને ઓળખી ન શક્યા DSP, જાહેરમાં માફી માગવી પડી, જુઓ વાયરલ વીડિયો
DSP Jitendra Rana: ઓડિશાના ભૂતપૂર્વ રાજ્યપાલ પ્રોફેસર ગણેશીલાલના પુત્ર અને ભાજપ નેતા મનીષ સિંગલાને સાયક્લોથૉન કાર્યક્રમ દરમિયાન એક પોલીસકર્મી દ્વારા સ્ટેજ પરથી ઉતારીને કાર્યક્રમમાંથી બહાર કરી દેવાના મામલે એક નવું અપડેટ સામે આવ્યું છે. સોશિયલ મીડિયા પર એક નવો વીડિયો વાયરલ થઈ રહ્યો છે, જેમાં એક પોલીસકર્મી માફી માગી રહ્યા છે. વીડિયોમાં જોઈ શકાય છે કે DSP જીતેન્દ્ર સિંહ રાણાએ પોતાના વર્તન બદલ માફી માગી છે. મનીષ સિંગલાએ DSP જીતેન્દ્ર સિંહ રાણાને માફ કરતા કહ્યું કે, જે કંઈ થયું તે અજાણતાં થયું, હવે કોઈ ફરિયાદ નથી.
ઓડિશાના ભૂતપૂર્વ રાજ્યપાલ ગણેશીલાલના પુત્ર મનીષ સિંગલાએ રવિવારે સાયક્લોથૉન યાત્રામાં સામેલ થયા હતા. તેમાં મુખ્યમંત્રી નાયબ સિંહ સૈની મુખ્ય મહેમાન હતા. આ દરમિયાન DSP જીતેન્દ્ર સિંહ રાણાએ મનીષ સિંગલાને મુખ્યમંત્રીના મંચ પરથી ઉતારીને ગેટની બહાર કાઢી મુક્યા હતા. આ ઘટનાનો એક વીડિયો પણ સામે આવ્યો હતો, ત્યારબાદ વિવાદ શરૂ થઇ ગયો હતો.
પોલીસ અધિક્ષક ડૉ. મયંક ગુપ્તાએ મામલો ઉકેલવા માટે DSP જીતેન્દ્ર રાણા અને મનીષ સિંગલાને PWD રેસ્ટ હાઉસમાં બોલાવ્યા. અહીં જીંદના DSP જીતેન્દ્ર રાણાએ મનીષ સિંગલા સાથે બેઠક કરીને માફી માગી હતી અને એક વીડિયો પણ જાહેર કર્યો હતો. વીડિયો જોતા એવું લાગી રહ્યું છે DSP જિતેન્દ્ર રાણા લખાણ વાંચી રહ્યા હોય.
’DSP જીતેન્દ્ર સિંહ રાણાએ કહ્યું કે, તેઓ મનીષ સિંગલાને ઓળખી શક્યા નહોતા. ઘટનાસ્થળ પર હાજર બાકી લોકો સાથે, તેમને પણ VIP સ્ટેજ પરથી હટવા કહ્યું. તેમણે કહ્યું કે ડ્યૂટી દરમિયાન કોઈના સન્માનને ઠેસ પહોંચાડવાનો મારો ઈરાદો નહોતો. હું મારી ભૂલ સ્વીકારું છું.
Meet DSP Jitendra Rana of @SirsaPolice who is publicly apologising to BJP Leader Manish Singla. Manish Singla is the Son of Ex Governor of Odisha Prof Ganeshi Lal. It was alleged that the Police misbehaved with Manish Singla during the closing event of Haryana Chief Minister… pic.twitter.com/cexPYLVboS — NCMIndia Council For Men Affairs (@NCMIndiaa) April 28, 2025
Meet DSP Jitendra Rana of @SirsaPolice who is publicly apologising to BJP Leader Manish Singla. Manish Singla is the Son of Ex Governor of Odisha Prof Ganeshi Lal. It was alleged that the Police misbehaved with Manish Singla during the closing event of Haryana Chief Minister… pic.twitter.com/cexPYLVboS
DSPએ પોતાની ભૂલ સ્વીકાર્યા બાદ, મનીષ સિંગલાએ કહ્યું કે તેમને અને તેમના સમગ્ર પરિવારને હરિયાણા પોલીસ પ્રત્યે સંપૂર્ણ માન છે. તેઓ અગાઉ ક્યારેય DSP જીતેન્દ્ર રાણાને મળ્યા નહોતા. હવે તેઓ તેમના જવાબોથી સંતુષ્ટ છે, હવે તેમને કોઈ ફરિયાદ નથી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp