નવું વર્ષ તમારા વોલેટ પર બોજ લાવશે! હવે તમારે ICICI અને વોલેટ એપ્સનો ઉપયોગદ્વારા થતાં વ્યવહારો પર વધારાની ફી ચૂકવવી પડશે
નવું વર્ષ આશા અને નવી યોજનાઓ સાથે શરૂ થાય છે, ત્યારે 2026 સામાન્ય માણસ માટે કેટલીક મોંઘી ભેટો પણ લઈને આવે છે. નવા વર્ષના આગમન સાથે, સામાન્ય લોકોના ખિસ્સા પર વધુ એક બોજ પડવાનો છે. બેંકિંગ અને ડિજિટલ ચુકવણીને સરળ બનાવવાના નામે શરૂ કરાયેલી ઘણી સેવાઓ ધીમે ધીમે મોંઘી થઈ રહી છે. ATM ઉપાડથી લઈને ક્રેડિટ કાર્ડ વ્યવહારો, વોલેટ વ્યવહારો અને બિલ ચુકવણી સુધી, દરેક પગલા પર વધારાની ફી વસૂલવામાં આવી રહી છે. આવનારું વર્ષ 2026 આ વલણ ચાલુ રાખતું હોય તેવું લાગે છે, કારણ કે ઘણી મોટી બેંકો અને વોલેટ એપ્લિકેશનો તેમની સેવાઓ માટે નવા શુલ્ક લાગુ કરવાની અથવા હાલની ફી વધારવાની તૈયારી કરી રહી છે.
બેંકે જાહેરાત કરી છે કે, 15 જાન્યુઆરી, 2026 થી, ગેમિંગ પ્લેટફોર્મ પર ક્રેડિટ કાર્ડ વ્યવહારો પર 2% ફી વસૂલવામાં આવશે. આનો અર્થ એ થયો કે ઓનલાઈન ગેમર્સે હવે દરેક વ્યવહાર પર વધારાનો ફી ચૂકવવો પડશે. વધુમાં, Amazon Pay, Paytm અને MobiKwik જેવી થર્ડ-પાર્ટી વોલેટ એપ્સ દ્વારા ₹5,000 થી વધુના વ્યવહારો માટે 1% ફી વસૂલવામાં આવશે.
રોકડ ક્રેડિટ કાર્ડ બિલ પર ફી
ICICI બેંક ત્યાં જ અટકી નથી. જે ગ્રાહકો બેંક શાખામાં તેમના ક્રેડિટ કાર્ડ બિલ રોકડમાં ચૂકવે છે તેમને હવે ₹150 નો ચાર્જ ચૂકવવો પડશે, જે પહેલા ₹100 હતો. ઇન્સ્ટન્ટ પ્લેટિનમ ક્રેડિટ કાર્ડ પર BookMyShow દ્વારા આપવામાં આવતો મફત મૂવી ટિકિટનો લાભ પણ 1 ફેબ્રુઆરી, 2026 થી બંધ કરવામાં આવશે. આ લાભ મેળવવા માટે, પાછલા ક્વાર્ટરમાં ઓછામાં ઓછા ₹25,000 ખર્ચ કરવો જરૂરી રહેશે.
ડિજિટલ વોલેટ વપરાશકર્તાઓ માટે પણ ખરાબ સમાચાર છે. એરટેલ પેમેન્ટ્સ બેંકે 1 જાન્યુઆરી, 2026 થી તેના વોલેટ્સ પર વાર્ષિક 75 રૂપિયા ફી વસૂલવાનો નિર્ણય લીધો છે. જો વોલેટમાં પૂરતું બેલેન્સ નહીં હોય, તો ફી ઉપલબ્ધ બેલેન્સમાંથી કાપવામાં આવશે. ભારતમાં ડિજિટલ વોલેટ્સ શરૂઆતમાં મફત સેવાઓના વચન સાથે શરૂ કરવામાં આવ્યા હતા. 2004 માં ઓક્સિજન વોલેટ અને 2010 માં પેટીએમ લોન્ચ થતાં ડિજિટલ પેમેન્ટ્સે લોકપ્રિયતા મેળવી. શરૂઆતમાં, મોટાભાગની કંપનીઓ મફત સેવાઓ ઓફર કરતી હતી, પરંતુ જેમ જેમ યુઝર બેઝ વધતો ગયો તેમ તેમ ચાર્જ પણ વધતો ગયો. ફેબ્રુઆરી 2021 થી, મોબીક્વિકે નિષ્ક્રિય વોલેટ્સ પર જાળવણી ફી વસૂલવાનું શરૂ કર્યું.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp