માત્ર 25 રૂ.માં અમર્યાદિત મુસાફરી; સુરત નગરપાલિકાએ આજથી "સુમન ટ્રાવેલ ટિકિટ" શરૂ કરી, પબ્લિક ટ્રાન્સપોર્ટનો ઉપયોગ કરનારાને ફાયદો
ગુજરાત ડેસ્ક : સુરતના મેયરે આજે શહેરમાં દોડતી સીટી અને બીઆરટીએસ બસમાં સુમન ટ્રાવેલ ટિકિટનું લોકાર્પણ કર્યું હતું. આ સુમન ટિકિટમાં વ્યક્તિ દરરોજ એક ટિકિટ ખરીદીને સીટી અને બીઆરટીએસ બસમાં એક દિવસ માટે અમર્યાદિત મુસાફરી કરી શકે છે. સુરતમાં જે લોકો પબ્લિક ટ્રાન્સપોર્ટનો સૌથી વધુ ઉપયોગ કરે છે તેમને સુમન ટ્રાવેલ ટિકિટનો ઘણો ફાયદો થશે.
સુરતમાં સીટી અને બીઆરટીએસ બસ સુવિધા શરૂ થયા બાદ રોજના બે લાખથી વધુ મુસાફરો મુસાફરી કરી રહ્યા છે. નગરપાલિકાએ જાહેર પરિવહન સેવાઓમાં વધુ મુસાફરી કરતા મુસાફરો માટે આજથી સુમન ટ્રાવેલ ટિકિટ સુવિધા શરૂ કરી છે. સુરતના મેયર હેમાલી બોઘાવાલાએ સુરતની નવયુગ કોલેજના BRTS બસ સ્ટેન્ડ પરથી સુમન ટ્રાવેલ ટિકિટનું લોકાર્પણ કર્યું હતું.
સુરત મ્યુનિસિપલ કોર્પોરેશન દ્વારા યોજાયેલી સુરત સિટીલિંક લિ.ની 35મી બોર્ડ મિટિંગમાં મંજૂર થયા મુજબ, જાહેર પરિવહન સેવામાં રૂ.25/-ની કિંમતની “સુમન ટ્રાવેલ ટિકિટ” દ્વારા દિવસભર અમર્યાદિત મુસાફરોની સુવિધા આજથી શરૂ થઈ ગઈ છે.
પાલિકાની આ યોજનાને કારણે રોજબરોજ કામ અર્થે બસમાં મુસાફરી કરતા મધ્યમ વર્ગ, નોકરિયાત વર્ગના નાણાની બચત થશે. લોકો દ્વારા આ સુવિધાના ઉપયોગથી જાહેર પરિવહન સેવાઓનો ઉપયોગ વધશે, જેનાથી ટ્રાફિકની ભીડ અને પ્રદૂષણ ઘટશે અને સલામત મુસાફરીનો આનંદ મળશે.
મહાનગરપાલિકા દ્વારા જાહેર પરિવહન સેવાના ભાગરૂપે સુરત શહેર અને આસપાસના વિસ્તારોના નાગરિકોને રાહત દરે BRTS અને CT બસની સુવિધા આપવામાં આવી રહી છે. બસ સેવાનો શહેરના નાગરિકો દ્વારા મોટા પ્રમાણમાં ઉપયોગ કરવામાં આવી રહ્યો છે. પરિણામે મુસાફરોની સંખ્યા સતત વધી રહી છે. સમગ્ર ભારતમાં સુરત શહેર એકમાત્ર એવું શહેર છે જ્યાં તમે એક ટિકિટ સાથે સિટીબસ અને BRTSમાં મુસાફરી કરી શકો છો. હાલમાં BRTSના કુલ 13 રૂટ અને સિટીબસના કુલ 45 રૂટ પર અંદાજે 230000 નાગરિકો જાહેર પરિવહન સેવાનો લાભ લઈ રહ્યા છે. સુમન ટ્રાવેલ ટીકીટના કારણે આગામી દિવસોમાં પ્રવાસીઓની સંખ્યામાં વધારો થશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp