જ્યારે તમારી પાસે બીજો વિકલ્પ હોય તો અસલ આધાર કાર્ડ કેમ આપો છો ? ભૂલથી પણ આટલી મોટી ભૂલ ન કરો

આજના સમયમાં આધાર કાર્ડ એક મહત્ત્વપૂર્ણ દસ્તાવેજ બની ગયું છે. જો તમે દરેક જગ્યાએ આધાર કાર્ડની અસલ નકલ આપો છો તો તે તમારી મોટી ભૂલ છે. તમારે હૉટલ અને એરપોર્ટ જેવી જગ્યાઓ પર આધારની અસલ નકલ આપવાનું ટાળવું જોઈએ. આધાર કાર્ડ સૌથી મહત્ત્વપૂર્ણ દસ્તાવેજ બની ગયો છે. તેનો ઉપયોગ બાળકના શાળામાં પ્રવેશથી લઈને નોકરીમાં જોડાવા સુધી દરેક જગ્યાએ થાય છે. આજના સમયમાં, આધાર કાર્ડ દરેક જગ્યાએ ઉપયોગી છે જ્યાં ID પ્રૂફનો ઉપયોગ કરવો પડે છે. આ દસ્તાવેજ કેટલો મહત્ત્વનો છે તેનો અંદાજ એ વાત પરથી લગાવી શકાય છે કે આધાર કાર્ડ વિના કોઈપણ સરકારી યોજનાનો લાભ મળી શકતો નથી. 

જ્યારે પણ હૉટલ જેવી જગ્યાએ રૂમ બૂક કરવામાં આવે છે ત્યારે આધાર કાર્ડનો ઉપયોગ કરવામાં આવે છે. પણ શું તમે જાણો છો કે હૉટલ જેવી જગ્યાઓ પર આધાર કાર્ડ આપવું ખૂબ ખતરનાક સાબિત થઈ શકે છે. તમારી વ્યક્તિગત વિગતો આધાર કાર્ડમાં હાજર છે. આ વિગતો દ્વારા કોઈપણ વ્યક્તિ તમારી બેંક વિગતો વિશે માહિતી મેળવી શકે છે. એટલું જ નહીં તે તમારી વિગતોનો દુરુપયોગ પણ કરી શકે છે. 

જો તમે પણ આવી જગ્યાએ આધાર કાર્ડની ઓરિજિનલ કોપી આપો છો તો તમે મોટી ભૂલ કરો છો. તમારે આવા સ્થળોએ અસલ આધાર કાર્ડ આપવાનું ટાળવું જોઈએ. તેના બદલે તમે માસ્ક આધાર કાર્ડનો ઉપયોગ કરી શકો છો. તમને જણાવી દઈએ કે માસ્ક આધાર એ તમારા અસલ આધાર કાર્ડની ડુપ્લિકેટ કોપી છે. 

જો તમને ખબર નથી, તો અમે તમને જણાવી દઈએ કે માસ્ક આધાર કાર્ડને UIDAI દ્વારા માન્યતા આપવામાં આવી છે અને તમે તેને હોટલ, એરપોર્ટ અથવા મુસાફરી દરમિયાન સરળતાથી ID પ્રૂફ તરીકે ઉપયોગ કરી શકો છો. માસ્ક આધાર કાર્ડમાં, પ્રથમ 8 નંબર સંપૂર્ણપણે અસ્પષ્ટ છે જેના કારણે કોઈ વ્યક્તિ તમારા આધાર કાર્ડનો દુરુપયોગ કરી શકશે નહીં. આ સાથે, ઓનલાઈન કૌભાંડ અને છેતરપિંડીની શક્યતા પણ નોંધપાત્ર રીતે ઘટી જાય છે. 

માસ્ક્ડ આધાર કાર્ડ ડાઉનલોડ કરવા માટે, UIDAI વેબસાઇટ https://uidai.gov.in/ ની મુલાકાત લો .

હવે તમારે વેબસાઈટના 'My Aadhaar' વિકલ્પ પર ક્લિક કરવાનું રહેશે.

આધાર નંબર ભરીને કેપ્ચા ભરવાનો રહેશે. હવે તમારા રજિસ્ટર્ડ નંબર પર એક OTP મોકલવામાં આવશે.

તમારે OTP ભરીને વેરિફિકેશન પ્રક્રિયા પૂર્ણ કરવી પડશે.

વેરિફિકેશન પૂર્ણ થયા બાદ તમને ડાઉનલોડ વિકલ્પ મળશે. તમારે તેના પર ક્લિક કરવું પડશે. 

હવે તમને એક ચેકબોક્સ મળશે, તેમાં તમને પૂછવામાં આવશે કે શું તમારે માસ્ક કરેલ આધાર કાર્ડ જોઈએ છે? આના પર ક્લિક કરો. 

હવે તમારું માસ્ક કરેલ આધાર કાર્ડ ડાઉનલોડ થશે.