20 વિમાનોને ઉડાવી દેવાનું કાવતરું કે તોફાની તત્વોની સંડોવણી?
છેલ્લા 24 કલાકમાં 20 વિમાનોને બોમ્બની ધમકી મળી છે. છેલ્લા કેટલાક મહિનાઓથી આ ટ્રેન્ડ ચાલુ છે. આવી ધમકીઓથી દેશમાં ભયનું વાતાવરણ સર્જાયું છે. સુરક્ષા એજન્સીઓએ આ અંગે તપાસ શરૂ કરી છે. આ સાથે જ કોંગ્રેસે આ મુદ્દે કેન્દ્રની મોદી સરકાર પર નિશાન સાધ્યું છે. છેલ્લા 5 દિવસમાં 70 વિમાનોને બોમ્બની ધમકી મળી છે.છેલ્લા 24 કલાકમાં 20 વિમાનોને બોમ્બની ધમકી મળી છે. ફ્લાઈટમાં બોમ્બની ધમકી કોણ આપી રહ્યું છે, શું આ કાવતરું છે કે તોફાની તત્વોની સંડોવણી છે? સુરક્ષા એજન્સીઓએ તેની તપાસ શરૂ કરી છે. છેલ્લા કેટલાક મહિનાઓથી આવી ધમકીઓનો સિલસિલો ચાલુ છે. છેલ્લા 24 કલાકમાં 4 એરલાઈન્સ કંપનીઓના 20 વિમાનોને બોમ્બની ધમકી આપવામાં આવી છે.
આ સાથે જ કોંગ્રેસે આ મુદ્દે કેન્દ્ર સરકારને ઘેરી છે. કોંગ્રેસ પાર્ટીએ ટ્વિટ કરીને કહ્યું કે, દેશમાં વિમાનોને ઉડાવી દેવાની ધમકીઓ સતત મળી રહી છે. છેલ્લા 5 દિવસમાં 70 વિમાનોને બોમ્બની ધમકી મળી છે. તહેવારોનો સમય છે. લોકો તેમના ઘરે પહોંચવા માટે ફ્લાઈટ લઈ રહ્યા છે, પરંતુ આવી ધમકીઓએ દેશમાં ભયનું વાતાવરણ સર્જ્યું છે. કોંગ્રેસે વધુમાં કહ્યું કે છેલ્લા કેટલાક મહિનાઓથી આવી ધમકીઓ સતત મળી રહી છે. અગાઉ હોસ્પિટલો અને શાળાઓને બોમ્બની ધમકીઓ મળી હતી. લોકો પોતાના પરિવારની સુરક્ષાને લઈને ચિંતિત છે, પરંતુ મોદી સરકાર ધમકીઓની શ્રેણીને રોકવા માટે કોઈ નક્કર પગલાં લઈ રહી નથી.
અકાસા એરલાઈન્સના પ્રવક્તાએ જણાવ્યું હતું કે 19 ઓક્ટોબરે કેટલાક વિમાનોને બોમ્બની ધમકી આપવામાં આવી હતી. ધમકી બાદ અમે તરત જ પરિસ્થિતિને કાબૂમાં લેવાનો પ્રયાસ કર્યો અને જરૂરી પગલાં લીધા.
ઈન્ડિગો એરલાઈનના પ્રવક્તાએ જણાવ્યું કે જોધપુરથી દિલ્હી જતી ફ્લાઈટ (6E 184)ને ધમકી મળી હતી. આ સિવાય હૈદરાબાદથી ચંદીગઢ જતી ફ્લાઇટ (6E 108)ને પણ ખતરો હતો. પ્રોટોકોલ મુજબ અમે તમામ જરૂરી પગલાં લીધાં છે.શુક્રવારે બેંગલુરુથી મુંબઈ જતી અકાસા એરની ફ્લાઈટ નંબર QP 1366ને બોમ્બની ધમકી મળી હતી.દિલ્હીથી લંડન જઈ રહેલી વિસ્તારા ફ્લાઈટ (UK17)ને બોમ્બની ધમકી બાદ ફ્રેન્કફર્ટ તરફ વાળવામાં આવી હતી.દુબઈથી જયપુર જઈ રહેલી એર ઈન્ડિયા એક્સપ્રેસ ફ્લાઈટ નંબર IX-196ને ઈમેલ દ્વારા બોમ્બની ધમકી મળી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp