લઘુમતીઓને અધિકારો માટે શ્રેષ્ઠ છે ભારત, અમેરિકા સહિત આ મુસ્લિમ દેશોને રાખ્યા પાછળ
ભારતમાં લઘુમતીઓના અધિકારો માટે ઘણા બંધારણીય પગલાં લેવામાં આવ્યા છે. ભારત દ્વારા લઘુમતીઓના જીવનને સુધારવા માટે બનાવવામાં આવેલી નીતિઓને કારણે દેશમાં લઘુમતીઓની સ્થિતિ સારી થઈ રહી છે. ઓસ્ટ્રેલિયા ટુડેના એક અહેવાલનું આ કહેવું છે. વૈશ્વિક સ્તરે લઘુમતીઓના અધિકારો પર સંશોધન કરતી સંસ્થા સેન્ટર ફોર પોલિસી એનાલિસિસે ભારતને લઘુમતીઓ માટે શ્રેષ્ઠ દેશ ગણાવ્યો છે.
110 દેશો પર કરવામાં આવેલા રિસર્ચમાં ભારતે નંબર વન પર પોતાનું સ્થાન બનાવ્યું છે. આ રિપોર્ટ અનુસાર ભારતમાં ધાર્મિક લઘુમતીઓની સ્વીકૃતિ ઉચ્ચતમ ધોરણની છે. આ યાદીમાં દક્ષિણ કોરિયા, જાપાન, પનામા પણ સામેલ છે. જ્યારે આ યાદીમાં ભારતે અમેરિકા, બ્રિટન અને મુસ્લિમ દેશ યુએઈને પણ પાછળ છોડી દીધું છે.
સેન્ટર ફોર પોલિસી એનાલિસિસ (CPA) એ એક સંશોધન સંસ્થા છે જેનું મુખ્ય મથક પટના, ભારતમાં છે. તેના રિપોર્ટમાં અમેરિકા, માલદીવ, અફઘાનિસ્તાન અને સોમાલિયામાં લઘુમતીઓની હાલત સૌથી ખરાબ છે. આ યાદીમાં બ્રિટન 54માં નંબર પર છે. તે જ સમયે, ખાડી દેશ UAE 61માં નંબર પર છે. રિપોર્ટમાં ભારતે આ તમામ દેશોને હરાવીને નંબર વનનું સ્થાન હાંસલ કર્યું છે.
આ CPA રિપોર્ટ અનુસાર, ભારતની લઘુમતી નીતિ વિવિધતા વધારવાના અભિગમ પર આધારિત છે અને તેના પર ભાર મૂકે છે. ભારતના બંધારણમાં લઘુમતીઓને સંસ્કૃતિ અને શિક્ષણ ક્ષેત્રે અનેક અધિકારો આપવામાં આવ્યા છે. ધાર્મિક અલ્પસંખ્યકોની પ્રગતિ માટે આપવામાં આવેલા આ અધિકારો ખાસ તેમના પર કેન્દ્રિત અને સ્પષ્ટ છે.
રિપોર્ટ અનુસાર, અન્ય કોઈ બંધારણમાં ભાષાકીય અને ધાર્મિક લઘુમતીઓને પ્રોત્સાહન આપવા માટે આટલી સ્પષ્ટ જોગવાઈઓ નથી. રિપોર્ટમાં એવું પણ કહેવામાં આવ્યું છે કે ભારતમાં કોઈપણ ધાર્મિક સંપ્રદાય પર કોઈપણ પ્રકારનો પ્રતિબંધ નથી. ઉલટું, પાકિસ્તાન જેવા દેશોમાં ધાર્મિક લઘુમતીઓ પર ઘણા નિયંત્રણો લાદવામાં આવ્યા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp