1 જાન્યુઆરી, 2025થી બદલાઈ ગયાં છે આ મોટા નિયમો, જાણો તમને ફાયદો થશે કે નુકસાન
જે લોકો ફીચર ફોન (કીપેડ ફોન) પરથી UPI નો ઉપયોગ કરે છે તેઓને મોટી સુવિધા મળવાની છે. ફીચર ફોન દ્વારા પેમેન્ટની મર્યાદા બમણી કરવામાં આવી રહી છે. ફીચર ફોન યુઝર્સ 1 જાન્યુઆરીથી 10,000 રૂપિયા ચૂકવી શકશે. હાલમાં આ મર્યાદા માત્ર 5000 રૂપિયા છે.1 જાન્યુઆરી, 2025 ના રોજ નવા વર્ષની શરૂઆત સાથે , ઘણી વસ્તુઓ બદલાશે, જેની સીધી અસર સામાન્ય લોકો પર પડશે. 1 જાન્યુઆરીથી UPI, પેન્શન, ખેડૂતોને આપવામાં આવતી લોન સહિત ઘણા નિયમોમાં ફેરફાર થવા જઈ રહ્યા છે. જ્યાં એક તરફ ઘણા લોકોને આનાથી ફાયદો થશે તો ઘણા લોકોને નુકસાન પણ થશે. ચાલો હવે જાણીએ કે આવતીકાલથી શું બદલાવ આવવાનો છે.
જે લોકો ફીચર ફોન (કીપેડ ફોન) પરથી UPI નો ઉપયોગ કરે છે તેઓને મોટી સુવિધા મળવાની છે. ફીચર ફોન દ્વારા પેમેન્ટની મર્યાદા બમણી કરવામાં આવી રહી છે. ફીચર ફોન યુઝર્સ 1 જાન્યુઆરીથી 10,000 રૂપિયા ચૂકવી શકશે. હાલમાં આ મર્યાદા માત્ર 5000 રૂપિયા છે.
પેન્શન ઉપાડ
1 જાન્યુઆરીથી પેન્શનધારકો માટે તેમના પેન્શનના પૈસા ઉપાડવાનું વધુ સરળ બનશે. હવે પેન્શનધારકો દેશની કોઈપણ બેંકમાંથી પેન્શનના પૈસા ઉપાડી શકશે. આ માટે કોઈ અલગ વેરિફિકેશનની જરૂર રહેશે નહીં. અત્યાર સુધી પેન્શનધારકો બેંકની શાખામાંથી જ પૈસા ઉપાડી શકતા હતા જ્યાં તેમનું બેંક ખાતું હતું.
1 જાન્યુઆરીથી ખેડૂતો ગેરંટી વિના 2 લાખ રૂપિયા સુધીની લોન લઈ શકશે. રિઝર્વ બેંક ઓફ ઈન્ડિયાના ગવર્નરે આ મહિને આની જાહેરાત કરી હતી. અત્યાર સુધી ખેડૂતો ગેરંટી વગર માત્ર 1.6 લાખ રૂપિયાની લોન લઈ શકતા હતા.
કાર મોંઘી થશે
જો તમે નવા વર્ષમાં કાર ખરીદવાનું વિચારી રહ્યા છો, તો તમારા માટે ખરાબ સમાચાર છે. 1 જાન્યુઆરી, 2025થી લગભગ તમામ ઓટોમોબાઈલ કંપનીઓ તેમના વાહનોની કિંમતમાં 2-3 ટકાનો વધારો કરી રહી છે.
ભારત સ્ટેજ-7 અમલમાં આવશે
સરકાર 1 જાન્યુઆરીથી પ્રદૂષણ સામે કડકાઈ વધારવા જઈ રહી છે. BS-7ના નિયમો એટલે કે ભારત સ્ટેજ-7 1 જાન્યુઆરીથી અમલમાં આવશે. હાલમાં દેશમાં BS-6 નિયમો લાગુ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp