Video: કુવૈત એરપોર્ટ પર 13 કલાકથી 60 ભારતીય મુસાફરો ફસાયા હતા, ભારતના હસ્તક્ષેપ બાદ ગંતવ્ય માટે રવાના થયા

Indian passengers stranded in Kuwait: કુવૈત એરપોર્ટ પર ભારતીય મુસાફરો ફસાયેલા હતા. રિપોર્ટમાં જાણવા મળ્યું હતું કે છેલ્લા 13 કલાકથી એરપોર્ટ પર 60 ભારતીય મુસાફરો પરેશાનીમાં છે, જેમને ભોજન અને પાણી પણ નથી મળી રહ્યું. આ મુસાફરો મુંબઈથી માન્ચેસ્ટરની ફ્લાઈટમાં સવાર હતા. પરંતુ આ ફ્લાઈટને ટેક ઓફ કર્યાના 2 કલાક બાદ જ અહીં ઈમરજન્સી લેન્ડિંગ કરવું પડ્યું હતું. લેન્ડિંગનું કારણ એન્જિનમાં ખરાબી હતી. મીડિયા રિપોર્ટ અનુસાર, ક્રૂએ એન્જિનમાંથી ધુમાડો નીકળતો જોયો. ત્યારબાદ ફ્લાઈટને કુવૈત ઈન્ટરનેશનલ એરપોર્ટ પર લેન્ડ કરવું પડ્યું હતું. ભારતીય પ્રવાસીઓને અહીં કોઈ પ્રકારની મદદ મળી રહી નથી.

જો કે, ભારતીય દૂતાવાસના ઘણા પ્રયત્નો અને દરમિયાનગીરી બાદ, મુસાફરોને તેમના ગંતવ્ય સ્થાને મોકલવામાં આવ્યા હતા. કુવૈતમાં ભારતીય દૂતાવાસે કહ્યું કે, માન્ચેસ્ટર જતી ગલ્ફ એર ફ્લાઇટ આખરે આજે 04:34 કલાકે ફસાયેલા ભારતીય મુસાફરો અને અન્યોને લઈને રવાના થઈ. ફ્લાઈટ રવાના થઈ ત્યાં સુધી એમ્બેસીની ટીમ ગ્રાઉન્ડ પર હાજર હતી.

એરપોર્ટના કેટલાક વીડિયો પણ સોશિયલ મીડિયા પર વાયરલ થઈ રહ્યા છે. મીડિયા અહેવાલ મુજબ, આ મુસાફરો ગલ્ફ એરની ફ્લાઈટમાં હતા. જેમને એરપોર્ટ પર બેસવા માટે પણ જગ્યા આપવામાં આવી નહોતી. એક વીડિયોમાં મુસાફરો એરપોર્ટ અધિકારીઓ સાથે દલીલ કરતા પણ જોવા મળે છે. ટ્વીટમાં આરોપ લગાવવામાં આવ્યો છે કે એરપોર્ટ અધિકારીઓ જાણીજોઈને ભારતીય મુસાફરો સાથે ખરાબ વર્તન કરી રહ્યા છે.

યુરોપિયન દેશો, ઈંગ્લેન્ડ અને અમેરિકાના મુસાફરોને તમામ સુવિધાઓ પૂરી પાડવામાં આવી છે. પરંતુ તેમની સાથે અન્યાય કરવામાં આવ્યો. એક મહિલા મુસાફરે આરોપ લગાવ્યો કે તેમણે એરપોર્ટ ઓથોરિટી પાસેથી લાઉન્જમાં જવાની પરવાનગી માગી હતી. પરંતુ તેણે કોઈ પ્રતિક્રિયા આપી નહોતી. દર ત્રણ કલાકે તેઓ તેમને એક જ જવાબ આપે છે કે અમે ઘરે જઈ રહ્યા છીએ.

ભારત ઉપરાંત પાકિસ્તાન અને દક્ષિણ પૂર્વ એશિયાના દેશોના ઘણા મુસાફરો છે, જેમની સાથે ભેદભાવ કરવામાં આવી રહ્યો છે. એરપોર્ટના અધિકારીઓ પાસપોર્ટ જોયા બાદ સુવિધા આપી રહ્યા છે. જો તમે ટ્રાન્ઝિટ વિઝા ધારક છો, તો તમને હોટલમાં પણ રહેવાની વ્યવસ્થા કરવામાં આવી રહી છે. કેટલાક મુસાફરોએ જણાવ્યું હતું કે તેમણે લગભગ 2 કલાક સુધી અધિકારીઓને આજીજી કરી હતી. ત્યારબાદ જ તેને લાઉન્જમાં જવાની મંજૂરી આપવામાં આવી હતી.

Indian Passengers Stranded at Kuwait Airport for Over 13 Hours After Emergency Landing

Passengers traveling from Mumbai to Manchester via Gulf Air faced a nightmare journey when their flight made an emergency landing at Kuwait International Airport due to an engine fire. Over 60… pic.twitter.com/vQyF1mge7p

— Kumaon Jagran (@KumaonJagran) December 1, 2024

અમે ધાબળા અને ખોરાકની માગણી કરી હતી, પરંતુ તેમને પ્રથમ ચાર કલાક પાણી પણ આપવામાં આવ્યું નહોતું. લેન્ડિંગના 20 મિનિટ અગાઉ ફ્લાઈટના ડાયવર્ઝનની જાહેરાત કરવામાં આવી હતી. આ મામલે ગલ્ફ તરફથી કોઈ પ્રતિક્રિયા આવી નથી. એન્જિનમાં આગ લાગવાને કારણે વિમાનનું ઈમરજન્સી લેન્ડિંગ કરવામાં આવ્યું હતું. કેટલાક લોકોએ કહ્યું કે તેમણે જમીન પર બેસીને સમય પસાર કર્યો