સાવધાન! દેશના અનેક રાજ્યોમાં ‘હીટ વેવ’ની આગાહી: દિલ્હી, ઉત્તર પ્રદેશ સહિત અનેક રાજ્યોમાં આભ અંગારા વરસાવશે!
Heat wave: IMD તરફથી પ્રાપ્ત માહિતી અનુસાર, રાજધાનીમાં મહત્તમ તાપમાન 38 ડિગ્રી સેલ્સિયસ અને લઘુત્તમ તાપમાન 22 ડિગ્રી સેલ્સિયસ રહેવાની ધારણા છે. તેમજ હવામાન સ્વચ્છ રહેશે. શનિવાર, 13 મે અને રવિવાર, 14 મેના રોજ દેશના ઘણા ભાગોમાં વરસાદની અપેક્ષા છે, પરંતુ તાપમાનમાં કોઈ ઘટાડો થશે નહીં. 13 મેના રોજ મહત્તમ તાપમાન 42 ડિગ્રી સેલ્સિયસ અને 14 મેના રોજ 41 ડિગ્રી સેલ્સિયસ રહેવાની સંભાવના છે.
ગુજરાત, મધ્યપ્રદેશ, મહારાષ્ટ્ર, ઝારખંડ અને છત્તીસગઢમાં આગામી થોડા દિવસોમાં તાપમાનમાં વધારો જોવા મળી શકે છે. ગુજરાતના અનેક વિસ્તારોમાં મહત્તમ તાપમાન 42 ડિગ્રીએ પહોંચી ગયું છે. મહારાષ્ટ્ર અને મધ્યપ્રદેશના કેટલાક ભાગોમાં તાપમાન 40 ડિગ્રીની આસપાસ છે. હવામાન વિભાગ પાસેથી મળેલી માહિતી મુજબ આ રાજ્યોમાં આગામી ચારથી પાંચ દિવસ દરમિયાન મહત્તમ તાપમાનમાં 4-5 ડિગ્રીનો વધારો જોવા મળી શકે છે. આ સાથે કેટલાક સ્થળોએ હીટવેવની પણ સંભાવના છે.
રાજસ્થાન હવામાન વિભાગની આગાહી મુજબ આગામી દિવસોમાં રાજ્યમાં હવામાન શુષ્ક રહેવાની અને તાપમાનમાં 2-3 ડિગ્રી સેલ્સિયસનો વધારો થવાની સંભાવના છે. યુપીમાં પણ વરસાદની મોસમ પૂરી થઈ ગઈ છે. જે બાદ હવે ફરી એકવાર હવામાનમાં વધારો થવા જઈ રહ્યો છે. રાજ્યમાં તાપમાનમાં 2 થી 4 ડિગ્રીનો વધારો થવાની સંભાવના છે. ઉત્તરાખંડમાં પણ આગામી એક-બે દિવસમાં હવામાન શુષ્ક રહી શકે છે. બિહારના હવામાન વિભાગની આગાહી મુજબ રાજ્યના ઘણા જિલ્લાઓમાં તાપમાન 42 ડિગ્રીને પાર કરી ગયું છે. આ ઉપરાંત વિભાગે અનેક જિલ્લાઓમાં હીટવેવના સંકેતો પણ આપ્યા છે.
હવામાન વિભાગના જણાવ્યા અનુસાર ચક્રવાત ‘મોકા’ને (mocha cyclone) કારણે કર્ણાટક, કેરળ, અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા, ઓડિશા, રાયલસીમા, તમિલનાડુ, પુડુચેરી, કરાઈકલમાં અલગ-અલગ સ્થળોએ ભારે વરસાદ થઈ શકે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp