JK Cement ફેક્ટરી પ્લાન્ટનો સ્લેબ તૂટી પડતા 2 લોકોના મોત, 50થી વધુ લોકો ઇજાગ્રસ્ત; જુઓ વીડિયો

JK Cement Factory Plant Collapses: મધ્યપ્રદેશના પ્રખ્યાત પર્યટન સ્થળ પન્નામાં એક દુ:ખદ અકસ્માત થયો છે. પન્નામાં JK સિમેન્ટ ફેક્ટરી પ્લાન્ટનો સ્લેબ તૂટી પડવાથી 2 લોકોના મોત થઇ ગયા છે. મળતી માહિતી અનુસાર, આ ઘટનામાં 50થી વધુ લોકો ઇજાગ્રસ્ત થયા હોવાની શક્યતા છે. મૃત્યુઆંક પણ હજુ વધી શકે છે.

મધ્યપ્રદેશના પન્ના જિલ્લામાં આવેલા JK સિમેન્ટ ફેક્ટરી પ્લાન્ટમાં આજે (30 જાન્યુઆરી) એક દુ:ખદ ઘટના બની, જેમાં 2 લોકોના મોત થયા અને 50 થી વધુ લોકો ઇજાગ્રસ્ત થયા છે. ગંભીર રીતે ઇજાગ્રસ્ત લોકોને સારવાર માટે હૉસ્પિટલમાં મોકલવામાં આવી રહ્યા છે. આ ઘટના ત્યારે બની જ્યારે પ્લાન્ટના યુનિટમાં એક માળખું તૂટી પડ્યું, જેમાં મજૂરોના મોત થયા અને ઘણા લોકો ગંભીર રીતે ઇજાગ્રસ્ત થયા છે.

Mishap in the JK Cement Factory in Madhya Pradesh's Panna district. Many labourers reportedly trapped after the collapse of scaffolding in an under-construction area of the cement plant. Further details awaited. @NewIndianXpress @TheMornStandard @santwana99 @jayanthjacob pic.twitter.com/zWbg765Vw8

— Anuraag Singh (@anuraag_niebpl) January 30, 2025

અહેવાલો અનુસાર, નિર્માણાધીન પ્લાન્ટના એક ભાગમાં છતનો સ્લેબ સ્થાપિત કરવામાં આવી રહ્યો હતો. આ દરમિયાન, વચ્ચેનો ભાગ તૂટી પડ્યો, જેમાં ઘણા કામદારો માર્યા ગયા અને ઘણા લોકો ઇજાગ્રસ્ત થયા. કહેવામાં આવી રહ્યું છે કે સિમેન્ટ ફેક્ટરીમાં પચાસથી વધુ મજૂરો કામ કરી રહ્યા હતા. પોલીસ અને વહીવટીતંત્રની ટીમો કાટમાળ નીચે ફસાયેલા કામદારોને બચાવવા માટે કામ કરી રહી છે. અકસ્માતના ચોક્કસ કારણની તપાસ માટે અધિકારીઓ ઘટનાસ્થળે પહોંચી ગયા છે. મૃતકો અને ઇજાગ્રસ્તોની ચોક્કસ સંખ્યા હજુ સુધી પુષ્ટિ મળી નથી.