અમરેલીમાં હેવાનોએ 21 વર્ષીય યુવતી પર ગેંગરેપ કર્યો, આ જિલ્લામાં 4 વર્ષની છોકરીને પીંખી નાખી
Rape and gang rape Case in Gujarat: ગુનાહિત ઘટનાઓ સતત વધી રહી છે. થોડા દિવસો અગાઉ વલસાડ જીલ્લાના મોતીવાડા વિસ્તારમાં કૉલેજમાં ભણતી એક વિદ્યાર્થિની સાથે દુષ્કર્મ કરીને તેને મોતને ઘાટ ઉતારી દેવામાં આવી હતી. આ ઘટનાએ સમગ્ર રાજ્યને હચમચાવી દીધી હતી અને પોલીસ પ્રશાસન દોડતું થયું હતું. સખત મહેનતના અંતે પોલીસને આરોપીને પકડવામાં સફળતા મળી હતી. હજુ એ ઘટના પર લોકોના ઘા માંડ ભરાયા હતા ત્યાં તો ભાવનગર અને અમરેલી વિસ્તારમાંથી દુઃખદ, અમાનવીય, હેવાનિયત ભરેલી અને માનવતાને ન સાજે તેવી ઘટનાની માહિતી મળી રહી છે. હવે આ ઘટનાઓ દર્શાવી રહી છે કે માનવતા કઈ હદ સુધી મરી પરવારી છે.
ભાવનગરમાં 4 વર્ષની ફૂલ જેવી દીકરીને પીખી નાખી છે. એક નરાધમે 4 વર્ષીય બાળકી પર દુષ્કર્મ કર્યું હોવાના સમાચાર મળી રહ્યા છે. મોડી રાતે બાળકીને સારવાર માટે હૉસ્પિટલ લઇ આવી હતી. આ ઘટનાને લઈને વરતેજ પોલીસ સ્ટેશનમાં ફરિયાદ નોંધીને આગળની કાર્યવાહી હાથ ધરવામાં આવી છે.
તો અમરેલી જીલ્લાના વડીયાના કુકાવાવમાં 21 વર્ષીય યુવતીને લગ્નની લાલચ આપીને 4 વ્યક્તિઓ ગેંગરેપની ઘટનાને અંજામ આપીઅને ફરાર થઇ ગયા. પીડિતાએ રડતા રડતા પોલીસને આ વાતની જાણ કરી હતી અને પોલીસે આ અંગે ગુનો નોંધીને કાર્યવાહી હાથ ધરી છે. પોલીસે પ્રિતેશ, અનિલ દેસાઈ, સોમાભાઈ આલાની અને દકું રામજી દેસાઈ સામે ગુનો નોંધીને આરોપીઓને શોધવાની તજવીજ હાથ ધરામાંવામાં આવી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp