ઝાંસીથી પ્રયાગરાજ જતી ટ્રેન પર હુમલો, ઉપદ્રવીઓએ પથ્થરમારો કરતા મુસાફરો ભયભીત થયા, જુઓ વીડિયો
Mahakumbh Train Attackedઝાંસીથી પ્રયાગરાજ મહાકુંભ જઇ રહેલી ટ્રેન પર ઉપદ્રવીઓ દ્વારા હુમલો કરવામાં આવ્યો હોવાના સમાચાર છે. એવું કહેવામાં આવી રહ્યું છે કે ઉપદ્રવીઓએ પથ્થરમારો પણ કર્યો હતો અને ટ્રેનમાં તોડફોડ પણ કરી હતી. જેનો વીડિયો સોશિયલ મીડિયા પર વાયરલ થઇ રહ્યો છે. આ ઘટના ઝાંસી ડિવિઝનના હરપાલપુર સ્ટેશનની હોવાનું જાણવા મળી રહ્યું છે. હુમલા દરમિયાન ટ્રેનના ડબ્બામાં સવાર મુસાફરો ગભરાઇ ગયા હતા. ઉપદ્રવીઓએ ટ્રેનમાં ઘૂસવાનો પ્રયાસ કર્યો અને ટ્રેનના દરવાજા અને બારીઓ પણ તોડી નાખ્યા હતા.
વીરંગના લક્ષ્મીબાઇ ઝાંસીથી પ્રયાગરાજ જતી ટ્રેન નંબર 11801 પર પથ્થરમારો કરવામાં આવ્યો હતો. કહેવામાં આવી રહ્યું છે કે પ્રયાગરાજ જવા માટે હરપાલપુર રેલવે સ્ટેશન પર મોટી સંખ્યામાં મુસાફરો એકઠા થયા હતા. પરંતુ ટ્રેનની અંદર પહેલાથી જ હાજર મુસાફરો દ્વારા ટ્રેનનો દરવાજો ખોલવામાં આવી રહ્યો નહોતો. આ જ કારણે સ્ટેશન પર હાજર ભીડ ઉશ્કેરાઇ ગઇ અને પથ્થરમારો અને તોડફોડ શરૂ કરી દીધી. પથ્થરમારો અને તોડફોડને કારણે મુસાફરોએ બૂમાબૂમ કરી દીધી હતી. મુસાફરોએ જણાવ્યું કે અચાનક સ્ટેશન પર હાજર ભીડે પથ્થરમારો અને હુમલો કરવાનું શરૂ કરી દીધું. ટ્રેનમાં મહિલાઓ અને બાળકો હતા. તેઓ મહાકુંભ સ્નાન કરવા માટે પ્રયાગરાજ જઇ રહ્યા હતા.
View this post on Instagram A post shared by SidhiKhabar (@sidhikhabar)
A post shared by SidhiKhabar (@sidhikhabar)
મોઢા પર બાંધ્યું હતું કપડું
ટ્રેન ઝાંસીથી પ્રયાગરાજ જઇ રહી હતી, પરંતુ જ્યારે ટ્રેન મધ્ય પ્રદેશના હરપાલપુર સ્ટેશન પર પહોંચી તે જગ્યાએ કેટલાક લોકો ત્યાં આવી ગયા. ત્યારબાદ તેમણે પથ્થરમારો કર્યો અને મુસાફરોને નુકસાન પહોંચાડવાનો પ્રયાસ પણ કર્યો. તેમના મોઢા પર કપડું બાંધેલું હતું; તેમની સંખ્યા 8-10 હોવાનું કહેવાય છે. હાલમાં, CCTV ફૂટેજના આધારે આ લોકોની ઓળખ કરવાનો પ્રયાસ કરવામાં આવી રહ્યો છે.
ઉપદ્રવીઓએ ટ્રેનમાં ઘૂસવાનો પૂરો પ્રયાસ કર્યો પરંતુ લોકોએ સમયસર ટ્રેનના દરવાજા બંધ કરી દીધા. જેને કારણે લોકોને વધારે ઇજાઓ થઇ નહોતી. આ ઘટના ગઇકાલે રાત્રે 10 થી 11 વાગ્યાની વચ્ચે બની હોવાનું કહેવાય છે. આ ઘટના બનતાની સાથે જ આ મામલે કાર્યવાહી કરવામાં આવી હતી. ટ્રેન તાત્કાલિક રવાના કરવામાં આવી. જે લોકો સ્ટેશન પર હતા, તેમણે વીડિયો બનાવ્યા છે. તેના આધારે આગળની કાર્યવાહી કરવામાં આવી રહી છે. આ મામલે વધુ તપાસ ચાલી રહી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp