પ્રયાગરાજમાં મહિલાઓના ચેન્જિંગ રૂમમાં ઘૂસીને મહિલાઓનો વીડિયો બનાવી રહ્યો હતો પાખંડી, પોલીસે રંગે હાથે પકડ્યો

ઉત્તર પ્રદેશના પ્રયાગરાજમાં મહાકુંભનું આયોજન કરવામાં આવી રહ્યું છે. 144 વર્ષ બાદ આયોજિત થઈ રહેલા સંપૂર્ણ મહાકુંભમાં, લાખો લોકો દરરોજ માતા ગંગામાં પવિત્ર ડૂબકી લગાવી રહ્યા છે. બીજી બાજુ, હજારો સાધુ-સંતો ગંગા કિનારે પડાવ નાખી રહ્યા છે. એક તરફ, પ્રયાગરાજમાંથી શ્રદ્ધાના મનમોહક તસવીરો બહાર આવી રહી છે, તો બીજી તરફ, સંતો અને ઋષિઓના મનસ્વી વર્તનની તસવીર પણ સામે આવી રહી છે. પરંતુ આ દરમિયાન એક બાબા મહિલાઓના ચેંન્જિગનો વીડિયો બનાવતા રંગે હાથે ઝડપાઈ ગયો છે.

જે વીડિયો સામે આવ્યો છે તેમાં તમે જોઈ શકો છો કે એક મહિલા યુટ્યુબર કહી રહી છે કે પોલીસે બાબાને મહિલાઓના ચેન્જિંગ રૂમમાં વીડિયો રેકોર્ડ કરતા પકડી લીધો છે. તો, ઘટનાસ્થળ પર હાજર એક મહિલા પોલીસ અધિકારીએ પણ કહ્યું કે બાબા કહી રહ્યો હતો કે હું શૌચાલય ગયો હતો. ત્યારબાદ યુટ્યુબર પૂછે છે, મહિલાઓના ચેન્જિંગ રૂમમાં...? તો પોલીસ મહિલાએ કહ્યું કે, જી હાં, તેણે ત્યાં શૌચાલયનો ઉપયોગ કરવાની વાત કહી. તો, ઘટનાસ્થળ પર હાજર અન્ય મહિલાઓએ કહ્યું કે બાબા નીચેથી મહિલાઓના ચેન્જિંગ રૂમમાં ડોકિયું કરી રહ્યો હતો. બીજી એક મહિલાએ આરોપ લગાવ્યો છે કે તે ફાટેલા ખૂણામાંથી અમારી તરફ જોઈ રહ્યો હતો. મેં તેને માર્યો પણ છે.

एक बाबा महिला चेंजिंग रूम में घुसकर महिलाओं की वीडियो व फोटो ले रहा रहा था पुलिस ने पकड़ लिया, ऐसे भी बाबा होते है 😭#MahaKumbh2025 #HappyRepublicDay pic.twitter.com/MVWSmiPHgl

— ममता राजगढ़ (@rajgarh_mamta1) January 26, 2025

પ્રયાગરાજ આવેલા સાધુઓ સાથે દુર્વ્યવહારનો આ પહેલો કિસ્સો નથી, આ પહેલા પણ આવા વીડિયો સામે આવી ચૂક્યા છે. ગઈકાલે પણ એક વીડિયો વાયરલ થયો હતો જેમાં એક બાબા ત્રિશૂળ લઈને એક વ્યક્તિનો પીછો કરતા જોવા મળ્યા હતા. બાબા એક યુવકને મારતા હોવાનો એક વીડિયો પણ વાયરલ થયો હતો.